| e-texts navigator |
| Wylie |
310b1 སྤྱོད་འཕེལ་བར་མི་འགྱུར་ན། །ཕུན་སུམ་ཚོགས་ལྡན་དཔལ་འཕེལ་ཕྱིར། །སྐྱོབ་པའི་ཕྱག་རྒྱ་བཤད་པར་བྱ། །རྒྱལ་པོ་འམ་ནི་དགེ་འདུན་ལ། །གཙང་ལྡན་རས་བཟང་བླངས་ནས་ཀྱང་། །དག་པར་བཀྲུས་ཏེ་དྲི་བཟང་བྱུག་།ལེགས་པར
310b2 བརྒྱན་ནས་ཐིག་བཏབ་སྟེ། །གུར་ཀུམ་དང་ནི་གླ་རྩི་ཡིས། །པད་མ་འདབ་མ་བཅུ་དྲུག་བྲི། །ཕྱོགས་བཞིར་འདབ་མར་དཔལ་བེའུ་སྟེ། །མཚམས་བཞིར་ཡིད་བཞིན་ནོར་བུ་བྲི། །མཚམས་བརྒྱད་ལ་ནི་ཡི་གེ་ག~ཾ། ཨོཾ་དང་བཛྲ་ད་ཀེ
310b3 ཧཱུ~ཾ། །ཡི་གེ་དྲུག་གིས་བསྐོར་བར་བྱ། །མུ་ཁྱུད་དང་པོར་མི་བཤོལ་སྔགས། །གཉིས་པ་གདོང་བཅུ་གཅིག་པའི་སྔགས། །གསུམ་པ་ཨུད་པལ་ཕྲེང་བ་སྟེ། །ཡང་ཏོག་རྩེ་འམ་མཛོད་བཞག་ནས། །གསོལ་བཏབ་མཆོད་ན་ལོང་སྤྱོད
310b4 འཕེལ། །བུད་མེད་གང་ཞིག་བུ་འདོད་པས། །དེ་བཞིན་པད་མ་འདབ་བརྒྱད་པ། །ཕྱོགས་བཞིར་ཧྲཱི་ནི་མཚམས་སུ་དྲང་། །དབུས་སུ་ཁྱེའུ་ཡི་གཟིགས་ཤིག་བྲི། །ཕྱོགས་བཞིར་ཡིད་བཞིན་ནོར་བུ་བྲི། །སྔགས་བུ་སྩོལ་བཅས་བྲི
310b5 བར་བྱ། །མཚམས་བཞིར་ཨོཾ་དང་ཨ་མ་ར། །ཛཱི་ཝན་ཏཱི་ཡེ་སྭཱ་ཧཱས་བསྐོར། །མུ་ཁྱུད་དང་པོ་སྤྱན་རས་གཟིགས། །པད་མ་རྒྱན་ལུང་ཅན་གྱི་སྔགས། །གཉིས་པར་གདོང་བཅུ་གཅིག་པའི་སྔགས། །གསུམ་པར་ཨུཏ་པལ་དམར
310b6 པོའི་ཕྲེང་། །འོད་འཕྲོ་རྟག་པར་མཆོད་པ་དང་། །ཕུལ་དུ་བྱུང་བའི་བསྟོད་པས་བསྟོད། །གསོལ་བ་འདེབས་ཤིང་སྔགས་བཟླས་ན། །བུ་སྩོལ་འགྱུར་ལ་ཐེ་ཚོམ་མེད། །བསྲུང་དང་ནོར་འཕེལ་དབང་བྱེད་དང་། །བུ་སློང་བ་ཡི་ཕྱག་རྒྱ
310b7 ནི། །སྨིན་དྲུག་སྣར་མ་རྒྱལ་ལ་བྲི། །ལྷག་མ་རྣམས་ནི་ཅི་བདེར་བྲི། །གང་ཞིག་སེམས་སྟོར་ཡིད་མི་དགའ། །གློ་བུར་ཡི་མུག་སྐྱེ་འགྱུར་ན། །པད་མ་འདབ་མ་བཞི་པ་ཡི། །དབུས་སུ་རང་གཟུགས་མཚན་མ་བྲི། །འདབ་མར་རྡོ་རྗེ་མདོག
310b8 བཞི་པ། །གདོང་བཅུ་གཅིག་པའི་སྔགས་ཀྱིས་བསྐོར། །མུ་ཁྱུད་ལ་ནི་སྤྱན་རས་གཟིགས། །དོན་ཡོད་ཞགས་པའི་སྔགས་བྲིའོ། །གཉིས་པར་རྡོ་རྗེ་ཕྲེང་བ་བྲི། །དེའི་རྒྱབ་འོད་ཀྱི་ཕྲེང་བ་བྲི། །རྟག་པར་མཆོད་ཅིང་གསོལ་བ་གདབ། །ནད་སེལ་ཚེ་རིང་བསོད
iiif viewer powered by OpenSeadragon
