| e-texts navigator |
| Wylie |
308b1 སྦྱིན་སྲེག་གིས་ནི་རབ་དགའ་ནས། །རྣལ་འབྱོར་གྲོགས་བྱེད་བསྲུང་བ་དང་། །སྐྱོབ་ཕྱིར་ཚེ་རིང་དཔལ་འཕེལ་ཞིང་། །ནད་མེད་ལོངས་སྤྱོད་རྒྱས་པ་དང་། །བསམ་པ་བཞིན་དུ་འགྲུབ་པར་འགྱུར། །འཕགས་པ་སྤྱན་རས་གཟིགས་དབང་ཕྱུག་གི
308b2 རྩ་བའི་རྒྱུད་ཀྱི་རྒྱལ་པོ་པད་མ་དྲ་བ་ཞེས་བྱ་བ་ལས་མེ་ལ་བརྟེན་པའི་སྦྱོར་བའི་ལེའུ་སྟེ་བཅུ་པའོ། ། །། དེ་ནས་བྱང་ཆུབ་སེམས་དཔའ་ཆེ། །རྫུ་འཕྲུལ་འཁོར་ལོ་ཞེས་བྱ་བ། །མཁའ་ལ་ཡི་གེ་སྤྲུལ་ནས་ནི། །འགྲོ་དོན་སྣ་ཚོགས་མཛད
308b3 པ་ཞིག་། འཁོར་བཅས་དཀྱིལ་འཁོར་དེར་ལྷགས་ནས། །ཕྱག་འཚལ་བསྐོར་བ་དུ་མ་བྱས། །མཆོད་པའི་སྤྲིན་གྱིས་རྒྱས་པར་མཆོད། །ཕྱོགས་གཅིག་འཁོད་ནས་སྟོན་པ་ལ། །མགྲིན་གཅིག་གསུང་ནི་སྙན་པ་ཡིས། །འདི་སྐད་ཚིག་ནི
308b4 གསོལ་བ་འདེབས། །ོཾ་མཚན་དང་དཔེ་བྱད་བརྒྱན་པའི་སྐུ། །འཇིག་རྟེན་འཇིག་རྟེན་འདས་པ་ཡི། །ཆོས་ཀྱི་ལོངས་སྤྱོད་ཅི་སྙེད་པ། །རྫོགས་པར་ལོངས་སྤྱོད་མཛད་ཕྱག་འཚལ། །གང་ལ་མཁོ་བ་དེའི་གཙོ་བོ། །འདྲེན་པ
308b5 གཟུགས་བརྙན་དུ་མ་འཆང་། །སྣ་ཚོགས་རྫུ་འཕྲུལ་མཛད་པའི་སྐུ། །བདེ་བ་ཆེ་ལ་ཕྱག་འཚལ་ལོ། །མི་འགྱུར་རྣམ་དག་བྱང་ཆུབ་ལ~ཾ། །ཕྱོགས་ཆོས་བྱང་ཆུབ་སུམ་བཅུ་བདུན། །སྟོབས་དང་མི་འཇིགས་བརྩོན་མཛད་པ། །ཆོས་རྣམས
308b6 ལྷུན་གྲུབ་སྐུ་ཕྱག་འཚལ། །རྣམ་དག་རྒྱ་མཚོར་ལྡན་རྣམས་ལ། །ཐུགས་རྗེ་རྒྱ་མཚོ་རྒྱུན་བྱུང་ནས། །ཞིང་ཁམས་རྒྱ་མཚོ་སྤྱོད་མཛད་པའི། །མགོན་པོ་སྤྱན་རས་གཟིགས་ཕྱག་འཚལ། །སྔགས་དང་རྫས་དང་ཕྱག་རྒྱའི་རིམ། །སྣ་ཚོགས
308b7 ཀྱིས་ནི་དོན་མཛད་ཕྱིར། །ཐེག་པ་ཀུན་ལས་ཁྱད་པར་དུ། །སྔགས་ཀྱི་ཐེག་ལེ་ཁྱད་པར་འཕགས། །ནན་ཏན་སྒྲུབ་པ་སྨོས་ཅི་དགོས། །སྔགས་དང་ཕྱག་རྒྱ་འཆང་བས་ཀྱང་། །ནད་དང་གནོད་སེལ་བསྐལ་པ་ཡི། །སྒྲིབ་རྣམས་འབྱང་བས
308b8 ཁྱད་པར་འཕགས། །དབུལ་པོ་རིགས་དང་དམན་པ་ཡང་། །ཞུགས་མ་ཐག་ནས་བདེ་ལྡན་ཞིང་། །ཅུང་ཟད་གྲུབ་ནས་ནུས་མཐུ་ནི། །དཔག་མེད་འབྱུང་བས་ཁྱད་པར་འཕགས། །མགོན་པོ་བཅོམ་ལྡན་རྫོགས་སངས་རྒྱས། །དཔལ་ཆེན
iiif viewer powered by OpenSeadragon
