| e-texts navigator |
| Wylie |
308a1 ཡང་ན་བ་ཡི་ལག་གི་ཆ། །ན་ཀེ་ལ་ཡི་མར་དང་ནི། །པད་མ་དམར་པོའི་མར་དང་ནི། །དབང་གི་ལས་ལ་ཤིན་དུ་ཤིས། །ཡང་ན་བ་ཡ་མ་རིའོ། །ཡུངས་དང་ཙི་ལི་མར་དང་ནི། །ཙི་ཏྲའི་སྡོང་བུ་མར་མེ་ནི། །ཡང་ན་གསོ་མའི
308a2 ཤུན་པ་ཡིས། །མདོག་དམར་དལ་ཞིང་གསལ་བ་ནི། །གངས་རིའི་རྩེ་ལྟར་རབ་འབར་བ། །བར་བྲེ་སྨྲ་གུལ་སྤོས་དཀར་དྲི། །ཞི་བའི་ལས་ནི་འགྲུབ་པར་འགྱུར། །མདོག་དམར་གཡོ་ཞིང་མོག་པ་ལ། །ཉི་མ་ཐལ་ཀའི་རི་རྩེ
308a3 འདྲ། །ཤིབ་སྒྲ་མ་ལི་ཀ་ལའི་དྲི། །དབང་གི་ལས་འགྲུབ་ཐེ་ཚོམ་མེད། །མདོག་སེར་མིག་གཡོ་དངས་པ་ལ། །ཉི་མ་ཤར་བའི་རི་ལྟར་འབར། །ལྷབ་སྒྲ་ཙམ་པ་ཀ་ཡི་དྲི། །རྒྱས་པའི་ལས་འགྲུབ་ཐེ་ཚོམ་མེད། །
308a4 ལེ་བརྒན་མདོག་ལྡན་འཁྱིལ་ཞིང་སྨུག་།ཧུར་སྒྲ་རུལ་དྲི་བྲོ་བ་དང་། །ནགས་ཀྱི་རི་བོ་ལྟར་འབར་བ། །མངོན་སྤྱོད་ལས་ལ་འགྲུབ་པར་འགྱུར། །འཇིག་རྟེན་ཏིང་འཛིན་ལྡན་གྲུབ་པའི། །དྲང་སྲོང་རིགས་ལ་དཔག
308a5 མེད་ཀྱང་། །མེ་ཡི་ལྷ་ནི་བཞི་བཅུ་བཞི། །སྦྱིན་སྲེག་ལས་ལ་སྤང་བར་བྱ། །འཇིག་རྟེན་འདས་པའི་ཏིང་འཛིན་ཅན། །བཅུ་གཉིས་གྲངས་ནི་གཟུང་བར་བྱ། །གཉའ་ན་ཀ་དང་ས་བི་ཀི། །ཏུཀྵུ་སེའུ་མྱ་སྱེ་ཏྲོ་དང་། །ལྟོ
308a6 བ་ཡིད་སྐྱེས་ཁྲོ་བོ་དང་། །དམར་པོ་མྲི་ཏ་ཆོ་མ་ལི། །བྷི་སུ་ཡ་ཀེ་བཅུ་གཉིས་པོ། །ཕན་འདོགས་ལ་སོགས་ལས་ལ་སྦྱར། །ཞི་བའི་སྦྱིན་སྲེག་ཐལ་བས་ནི། །འབྱུང་པོ་ཕྲ་མོ་ཞི་བར་བྱེད། །དབང་གི་ཐལ་བས་འབྱུང་པོ
308a7 འཆིང་། །རྒྱས་པས་འདོད་པའི་ལས་སྦྱིན་བྱེད། །རི་བོ་རྩེ་ལ་གཏོར་བར་བྱ། །དྲག་པོས་འབྱུང་པོ་སེལ་བར་བྱ། །ལམ་གྱི་གཞུང་དུ་གདོང་བར་བྱ། །ཞི་དང་དབང་གི་ཞིང་ཕྱོགས་དང་། །ར་བ་སྐྱེད་མོས་ཚལ་དུ་གཏོར། །དག་པར་བྱེད་པས་ཆུ་བོ
308a8 ལྟར། །རྒྱས་པ་ཉི་མའི་དཀྱིལ་འཁོར་དང་། །གང་བར་བྱེད་པ་རྒྱ་མཚོ་ལྟར། །སྦྱིན་སྲེག་གིས་ནི་ལྷ་མཉེས་ཤིང་། །སྔགས་བསྒྲུབ་སྔགས་ཀྱི་ལས་རྣཾས་འགྲུབ། །དྲང་སྲོང་ཚོགས་རྣམས་ཐཾད་དང་། །དྲི་ཟའི་ཚོགས་རྣམས་ཐམས་ཅད་དང་། །འབྱུང་པོའི་ཚོགས་རྣམས་ཐམས་ཅད་དང་། །
iiif viewer powered by OpenSeadragon
