| e-texts navigator |
| Wylie |
305b1 གནས་སྐབས་བཅུ་བཞིར་རབ་ཏུ་རྟོགས། །སེམས་རྟོགས་གྱུར་ནས་སངས་རྒྱས་ཆོས། །རྒྱུད་ཀུན་དུ་ནི་རྒྱལ་བས་བཤད། །འོད་ཟེར་ལྕགས་ཀྱུ་ཁྱུད་མོའི་བར་ཏུ་ནི། །སྤྲོས་པས་ལྷ་འབུམ་ཕྲག་དགེ་ཀུན་སློང་སེམས། །དཀར་པོ
305b2 སྐྱེས་ནས་བྱང་ཆུབ་རིན་ཆེན་གླིང་། །ཐོབ་མཛད་བློས་བསྒྱུར་འདི་ནི་ངོ་མཚར་ཆེ། །འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པད་མ་དྲ་བ་ཞེས་བྱ་བ་ལས་སྐུ་ལ་རྟེན་པའི་སྦྱོར་བའི་ལེའུ་སྟེ་དགུ
305b3 པའོ། ། །། དེ་ནས་འཇིག་རྟེན་སྐྱོང་བའི་ཚོགས། །རྒྱ་ཆེན་རྣམས་ཀྱི་དཀྱིལ་འཁོར་གྱི། །ཤར་ལྷོ་མཚམས་ན་བཞུགས་པ་ཡི། །ཉ་ན་ཀ་ཞེས་ལ་སོགས་པ། །དྲང་སྲོང་ཚོགས་རྣམས་མགྲིན་གཅིག་ཏུ། །བཅོམ་ལྡན
305b4 འདས་ལ་འདི་སྐད་གསོལ། །ོཾ་ཀུན་མཁྱེན་ཡེ་ཤེས་ཉི་ལྟར་ལྷ། །མཚན་དཔེ་དུ་མས་བརྒྱན་མཛད་པ། །བདུད་ལས་རྒྱལ་བ་རྐང་གཉིས་མཆོག་།འདྲེན་པ་རྣམས་ལ་ཕྱག་འཚལ་ལོ། །ཞི་བ་ཆགས་བྲལ་འོད་གསལ
305b5 བ། །རྒྱུན་ཆད་མེད་པའི་འཁོར་ལོའི་ཚུལ། །སྐྱེ་རྒ་ན་འཆི་ལས་སྒྲོལ་ཞིང་། །རྣམ་དག་བསྒྲུབ་གསུམ་ཆོས་ཕྱག་འཚལ། །ས་ཆེན་ས་ཆེན་གཞན་རྣམས་ཀྱང་། །ས་ལ་འདྲེན་མཛད་ཚོགས་ཆེན་རྫོགས། །རྒྱུན
305b6 མི་འཆད་དུ་སྐུ་འབྱུང་བ། །ཐལ་སྦྱར་པུས་བཙུགས་ཕྱོགས་གཅིག་འཁོད། །དེ་ནས་རྒྱལ་བ་ཀུན་གྱི་ཡབ། །དབང་ཕྱུག་ཆེན་པོ་མཆོག་གི་ལྷ། །སྤྱན་རས་གཟིགས་དབང་ཐུགས་རྗེ་ཅན། །འགྲོ་ལ་ཐུགས་བརྩེའི་སླད་དུ་ནི། །རིག
305b7 སྔགས་བླ་ན་མེད་པ་གསུང་། །སྔགས་དེ་མྱུར་དུ་འགྲུབ་པ་དང་། །སྐོངས་དང་ངག་ལ་སེལ་བའི་ཕྱིར། །མེ་ཡི་ལས་ལ་བརྟེན་པའི་ཕྱིར། །སྦྱོར་བ་རིམ་པ་བཤད་དུ་གསོལ། །དེ་སྐད་གསོལ་ནས་དྲང་སྲོང་ཚོགས། །ཕྱག
305b8 འཚལ་བསྐོར་བ་བྱས་ནས་ཀྱང་། །མཆོད་པའི་ཆར་ཆེན་ཕབ་པ་སྟེ། །ཐལ་སྦྱར་པུས་བཙུགས་ཕྱོགས་གཅིག་འཁོད། །དེ་ནས་རྒྱལ་སྲས་ཀུན་གྱི་ཡབ། །འགྲོ་བའི་གཉེན་གཅིག་འདྲེན་པའི་གཙོ། །སྦྱིན་སྲེག་ལས་ཀྱི་ཆོ་ག་འདི། །
iiif viewer powered by OpenSeadragon
