| e-texts navigator |
| Wylie |
301b1 འཕེལ་བ་རྡོ་རྗེ་ཆོས། །ཀླུ་ནད་ཧ་ལ་ཧ་ལས་སེལ། །ཚེ་འཕེལ་པད་མ་རྒྱན་ལུང་སྟེ། །མགྲིན་སྔོན་སྔགས་ཀྱིས་དཔལ་འཕེལ་བྱེད། །ཧ་རི་ཆེན་པོ་བདུག་སྤོས་ཏེ། །གདོང་བཅུ་གཅིག་པས་གློ་བུར་སེལ། །སེང་གེ་སྒྲས
301b2 ནི་མཛེ་ནད་སེལ། །རྣལ་འབྱོར་ཡོ་བྱད་འདོད་པས་ནི། །ཡིད་བཞིན་ནོར་བུའི་སྔགས་ཀྱིས་བཀྲུ། །བཀྲ་ཤིས་རོལ་མོ་དུ་མ་དང་། །གཙང་སྦྲ་གོས་གསར་ལྡན་པ་ཡིས། །སྙན་པའི་གདངས་དང་ལྡན་པས་བཀྲུ། །མྱུར
301b3 དུ་སྒྲིབ་པ་འབྱང་བ་དང་། །འདོད་ཡོན་ཀུན་གྲུབ་སྔགས་ཕྲེང་ནི། །གང་དང་གང་ཡང་སྦྱར་བར་འགྱུར། །ཕྲན་ཚེགས་གཞན་ལྟ་སྨོས་ཅི་དགོས། །ཟླ་བ་གཟས་བཟུང་གྱུར་པའི་ཚེ། །མར་སྲང་གཅིག་ནི་དངུལ་སྣོད་བཞུག་།
301b4 སྐུ་གཟུགས་མདུན་བཞག་སྔགས་བརྗོད་ནས། །ཟླ་བ་སོས་ནས་མར་བླངས་ཏེ། །ཟོས་སཾ་ལུས་ལ་བྱུགས་པ་ཡིས། །ནད་རྣམས་ཞི་ཞིང་བདེ་བར་འགྱུར། །ལྡོང་རོས་གེའུ་ཝང་ཆ་མཉམ་པས། །སྐུ་ཡི་མདུན
301b5 བཞག་སྔགས་སྟོང་བཟླ། །ཆུས་སྦྲུས་དཔྲལ་བར་ཐིག་ལེ་ནི། །ཁམས་གསུམ་མཐོང་ཞིང་འདོད་གསུམ་འགྲུབ། །ཆུ་དྲོན་སྦྱར་ནས་ལུས་བཀྲུས་ན། །ནད་དང་བགེགས་རྣམས་དག་པར་འགྱུར། །
301b6 བསེ་འབྲས་ལ་ནི་བརྒྱ་རྩ་བརྒྱད། །བཟླས་ནས་ཁྲོ་ཞལ་གཡས་ལ་བྱུག་།དགྲ་དཔུང་ཕྱོགས་སུ་བསྟན་ན་ནི། །དགྲ་གཡུལ་ཤིན་དུ་ཉེས་པར་འགྱུར། །བལ་བུ་འབྲས་བུ་སྔགས་རེར་བཅས། །
301b7 བལ་བུ་ལེ་ལ་བརྒྱ་རྩ་བརྒྱད། །སྐུ་ཡི་དྲུང་དུ་བསྲེགས་པས་ནི། །མི་ཡམས་ཕྱུགས་ནད་ཐམས་ཅད་འཆད། །སྐུད་པ་གཙང་མ་མདོག་དམར་པོ། །སྔགས་རེ་བཏབ་པའི་མདུད་པ་བདུན། །
301b8 ཞལ་གཅིག་སྟེང་ཞལ་བཏགས་ནས་ནི། །ནད་པ་ལ་བཏགས་རིམས་ནད་ཞི། །སྔགས་རེ་མདུད་པ་ཉི་ཤུ་གཅིག་།མདུན་ཞལ་སྟེང་བཞག་བླངས་བཏགས་པས། །མཁའ་འགྲོ་འབྱུང་པོ་རོ་ལངས་གདོན། །
iiif viewer powered by OpenSeadragon
