| e-texts navigator |
| Wylie |
301a1 པའོ། །གསེར་དངུལ་ཟངས་སམ་ས་ཉིད་ལ། །བུམ་པ་ལྟོ་ཡངས་མགྲིན་པ་ཕྲ། །ཁ་གཡེལ་ཞབས་ཚོད་ཞུམ་པ་ལ། །ཤིན་ཏུ་གཙང་མར་བཀྲུས་ནས་ཀྱང་། །ག་པུར་གུར་གུམ་ཅུ་གང་དང་། །གླ་རྩི་གིའུ་ཝང་ཆུ་ཡིས་བཀང་། །
301a2 བྱ་གྲི་སེང་གྲི་ཧ་ས་དེར། །ཀ་རི་ཀར་ནི་དེ་བ་ཀོ། །ནས་འབྲས་ཏིལ་གྲོ་མོན་སྲན་དང་། །གསེར་དངུལ་བྱི་རུ་མུ་ཏིག་དང་། །མན་ཤེལ་ཡིན་ཏེ་རིན་ཆེན་ལྔ། །བུམ་པར་སྩལ་ནས་རས་དཀར་གྱིས། །མགུལ་པ་བཅིངས་ནས་ཁ
301a3 རྒྱན་ཡང་། །དྲི་ཞིམ་ཤིང་ལོ་མེ་ཏོག་གཞག་།མེ་ཏོག་ཕྲེང་དང་བཅས་པ་དེ། །པད་མའི་དབུས་སུ་བཞག་ནས་ཀྱང་། །རྒྱ་མཚོ་ཆེན་པོར་འཁྲུགས་པ་ནས། །དཔག་བསམ་ཤིང་ཆེན་འབྲས་བུར་བཅས། །འཇིག་རྟེན་དབང
301a4 གིས་གང་བ་ཡི། །སྔགས་ཀྱང་མཐའ་ཡས་ཁྱབ་དམིགས་ནས། །སྔགས་ཀྱི་མཐུ་ཡིས་སངས་རྒྱས་ནས། །དགོངས་པ་རྒྱ་ཆེན་སྐྱེས་གྱུར་ཏེ། །ལེགས་སོ་བཀྲ་ཤིས་འབབ་པར་འགྱུར། །རྒྱལ་སྲས་རྣམས་དང
301a5 རིག་པ་ཡི། །ལྷ་མོ་ཚོགས་དང་གླུ་ལེན་དང་། །བཀྲ་ཤིས་དུ་མ་བརྗོད་པར་འགྱུར། །དེ་ཚེ་མཁའ་ལ་ཡེ་ཤེས་ཀྱི། །འོད་ཟེར་བྱེ་བ་ཕྲག་བརྒྱ་ཡིས། །ཤིང་ཆེན་ཡོངས་སུ་སྨིན་པ་ལས། །བདུད་རྩི་ཆར་ཆེན
301a6 འབེབས་པར་འགྱུར། །འཇིག་རྟེན་སྐྱོང་ལ་གཏོར་མ་སྦྱིན། །རྒྱལ་དང་རྒྱལ་སྲས་མཆོད་པར་བྱ། །སྐར་མ་ལ་སོགས་འབབ་པ་འམ། །ཚེས་གཅིག་ནས་ནི་ཉ་ཡི་བར། །སྔགས་ཀྱི་ཕྲེང་བ་བརྗོད་པར་བྱ། །
301a7 ལྷ་ལ་ཡང་ཡང་བསྐོར་བར་བྱ། །ལས་རྣམས་གང་དང་གང་ལ་ཡང་། །ལྷ་ཡི་དབང་གྱུར་སྦྱར་བར་བྱ། །དེ་དང་དེ་ནི་ལས་རྣམས་ལ། །ཅི་བདེ་བར་ཡང་སྦྱར་བར་བྱ། །ཕྲན་ཚེགས་ལས་ལ་སྤྱན་མའི་སྔགས། །
301a8 ལྷོག་པ་འབྲུམ་བུ་ལ་སོགས་ལ། །མི་བཤོལ་བ་ཡི་སྔགས་ཀྱི་སྦྱར། །གདོན་རིགས་བཟློག་ལ་གར་དབང་སྟེ། །བྱད་སྟེམས་རིག་སྔགས་བཟློག་པ་ལ། །དོན་ཡོད་ཞགས་པའི་སྔགས་ཀྱིས་བཀྲུ། །ཤེས་རབ
iiif viewer powered by OpenSeadragon
