| e-texts navigator |
| Wylie |
300b1 འདྲེན་པ་རྒྱ་མཚོ་ཕྱག་འཚལ་ལོ། །མཚན་དཔེ་མཐར་ཐུག་མེད་པའི་སྐུ། །གཟི་བརྗིད་རྒྱ་ཆེ་མཁའ་ཁྱབ་ལ། །བློ་གྲོས་ཡངས་པའི་ནམ་མཁའ་ཅན། །སྐུ་ཡི་གསང་བ་ཕྱག་འཚལ་ལོ། །ཚངས་དབྱངས་དུ་མ་བསམ་མི་ཁྱབ། །
300b2 ནམ་མཁའ་ཡངས་པའི་མཐའ་བཀང་ནས། །ཚད་མེད་ཡན་ལག་བཅུ་གཉིས་བྱུང་། །གསུང་གི་གསང་བ་ཕྱག་འཚལ་ལོ། །ཏིང་འཛིན་རྣམ་ཐར་བསམ་གཏན་སྒོ། །བསམ་ཡས་བསམ་དུ་མེད་བསམ་པས། །བསམ་མི
300b3 ཁྱབ་པའི་ཤེས་རབ་དང་། །ཐུགས་རྗེའི་ཐུགས་ལ་ཕྱག་འཚལ་ལོ། །འགྲོ་བའི་ཉོན་མོངས་འཆིང་གཅོད་པའི། །མ་རིག་གཡུལ་ལས་རྒྱལ་བྱེད་པ། །ཀུན་རྟོག་དྲ་བ་སེལ་བ་ཡི། །སྒྲོན་མ་དེ་རིང་བཤད་དུ་གསོལ། །བྱིས་རྣམས
300b4 མུན་པའི་འོབས་སུ་ལྟུང་། །ཉན་ཐོས་འདོད་ཆགས་ཚིག་གིས་སྐྲག་།རང་རྒྱལ་གསང་བའི་བཟོད་དང་ལྡན། །བྱང་ཆུབ་སེམས་དཔའ་འཆིང་བས་འཇིགས། །ཉོན་མོངས་མངའ་བདག་གསང་སྔགས་ལ། །ཤེས་རབ་སྙིང
300b5 རྗེའི་སྦྱོར་བ་ཡིས། །བག་ཆགས་བཅས་པ་གཏན་སྤོང་བའི། །ཐབས་མཆོག་དུ་མ་བཤད་དུ་གསོལ། །དེ་ནས་བཅོམ་ལྡན་ཐུབ་པ་ཆེ། །འོད་ཟེར་ཕྱོགས་བཅུར་རྒྱས་བྱས་ནས། །ཚངས་པའི་དབྱངས་ཆེན་གསུང་སྙན་པས། །
300b6 ནམ་མཁའི་ཁམས་ཆེན་རབ་བཀང་ནས། །ཤེས་རབ་སྙིང་རྗེར་འབྲེལ་བ་ཡི། །སྦྱོར་བའི་ཆོ་ག་དུ་མ་རྣམས། །བསྡུས་པའི་དོན་དུ་བྱས་པ་འདི། །ཉི་མའི་སྙིང་པོ་ཉན་པ་ནི། །ལེགས་སོ་བྱང་ཆུབ་སེམས་དཔའ་ཆེ། །དཔལ་དང
300b7 ལྡན་པ་ཁྱོད་ལེགས་སོ། །རྩེ་གཅིག་གུས་དང་བཅས་པ་ཡི། །སེམས་ཀྱིས་ལེགས་ཉོན་ཡིད་ལ་ཟུང་། །ཉམས་དགའ་བདེ་བའི་ས་ཕྱོགས་སུ། །ཤིན་དུ་དགའ་བའི་ས་ལས་ནི། །དཀྱིལ་འཁོར་གྲུ་བཞི་ལྷམ་པ་བྱ། །གྲུ་བཞི
300b8 སྒོ་བཞི་རྟ་བབས་བཅས། །ཤར་རམ་ལྷོ་ཡི་སྒོ་གཏོད་བྱ། །དཀར་པོ་སེར་པོ་དམར་པོ་དང་། །ལྗང་ཀུའི་ཚོན་གྱིས་བྲི་བར་བྱ། །དབུས་སུ་པད་མ་འདབ་བརྒྱད་པ། །དཀར་པོའི་ལྟེ་བར་འཚམ་བར་དམར། །མུ་ཁྱུད་གཉིས་དང་ལྡན
iiif viewer powered by OpenSeadragon
