| e-texts navigator |
| Wylie |
2a1 པའི་དགེ་བའི་རྩ་བ་འཐོབ་པར་འགྱུར་རོ། །ལན་ཉི་ཤུ་རྩ་གཅིག་བཟླས་བརྗོད་བྱས་ན་ལྟུང་བ་བཞི་འབྱང་བར་འགྱུར་རོ། །ལན་འབུམ་བཟླས་བརྗོད་བྱས་ན་འཕགས་པ་བྱམས་པ་མཐོང
2a2 བར་འགྱུར་རོ། །ལན་ཉིས་འབུམ་བཟླས་བརྗོད་བྱས་ན་འཕགས་པ་སྤྱན་རས་གཟིགས་དབང་ཕྱུག་མཐོང་བར་འགྱུར་རོ། །ལན་སུམ་འབུམ་བཟླས་བརྗོད་བྱས་ན་དེ་བཞིན་གཤེགས་པ་འོད
2a3 དཔག་མེད་མཐོང་བར་འགྱུར་རོ། །ཕན་ཡོན་གཞན་ཡང་དཔག་ཏུ་མེད་པ་ཡོད་ན་ཡང་མདོར་བསྡུས་ཏེ་བསྟན་པ་ཡིན་ནོ། །འཕགས་པ་ཡོན་ཏན་བསྔགས་པ་དཔག་ཏུ་མེད་པ་ཞེས་བྱ་བའི
2a4 གཟུངས་རྫོགས་སྷོ། ། །།@#། །རྒྱ་གར་སྐད་དུ། །ཨཱརྱ་སརྦ་དྷརྨ་ཏི་ཀ་ནཱ་མ་དྷཱ་ར་ཎཱི། ། བོད་སྐད་དུ། འཕགས་པ་ཆོས་ཐམས་ཅད་ཀྱི་ཡུམ་ཞེས་བྱ་བའི་གཟུངས། སངས་རྒྱས
2a5 དང་བྱང་ཆུབ་སེམས་པ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན་བཞུགས་ཏེ། དེ་ནས་བཅོམ་ལྡན་འདས་ཀྱིས།
2a6 ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་ཆོས་ཐམས་ཅད་ཀྱི་མ་ཞེས་བྱ་བའི་ཕྱག་རྒྱའི་གཟུངས། ནད་ཐམས་ཅད་རབ་ཏུ་ཞི་བར་བྱེད་པ་དེ་བཞིན་གཤེགས་པ་ཐམས
2a7 ཅད་ཀྱིས་གསུངས་པ་ཏེ། ཏཏྱ་ཐཱ། ཨ་བརྟེ་ཨ་བརྟེ། བི་བརྟེ་བི་བརྟེ། བྷ་ག་མ་ཤུད་དྷེ། པྲ་བྷ་སྭ་རེ་ཏཱ་ན་རེ། ཨུ་ཀ་ཁ་མི། མུ་ག་ཁ་ལེ། སརྦ
2a8 དྷརྨ་པ་ཤི་བ་ཏེ་ནི་སྭཱཧཱ། དེ་ནས་གནས་གཙང་མའི་ལྷ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་གཟུངས་འདིའྀ་སྙིང་པོ་བརྗོད་པར་བགྱིའོ། །
iiif viewer powered by OpenSeadragon
