| e-texts navigator |
| Wylie |
296a1 མདའ་མདུང་ལ་སོགས་པས། །མྱོས་སམ་དེ་ཡིས་ཉེན་པ་དང་། །སྦྲུལ་དང་སྡིག་པ་རྩངས་པ་དང་། །བུང་བ་མཆུ་རྣོན་ལ་སོགས་པ། །གདུག་པ་རྣམས་ལ་ལན་བདུན་དང་། །བརྒྱ་རྩ་བརྒྱད་དང་སྟོང་དུ་བརྗོད། །ཡང
296a2 ན་ས་སེར་འཇིམ་པས་བྱུགས། །དེ་ཡིས་ནད་ལས་གྲོལ་བར་ངེས། །བགེགས་སམ་རླུང་ལ་སོགས་པ་ཡི། །གཞོགས་གཅིག་ཕྱོགས་སུ་ནད་ལངས་སམ། །རྣ་བ་འོན་ནམ་སྣ་སུབ་ན། །བརྒྱ་རྩ་བརྒྱད་དུ་བཟླས་པ་འམ། །
296a3 འབྲུ་མར་ཞོ་དང་རུ་རྟ་དང་། །ལན་བདུན་བརྗོད་ནས་སྐུ་བྱུག་དང་། །ཟོས་ཤིང་རྣ་བ་སྣར་བྱུགས་ནས། །སོས་པར་འགྱུར་བར་ཐེ་ཚོམ་མེད། །དེ་ནས་བྱང་ཆུབ་སེམས་དཔའ་ཆེ། །ཉི་འོད་ཀྱིས་ཀྱང་རིག་སྔགས་འཆང་། །
296a4 བསྲུང་དང་ལམ་འགྲོ་སྐྱབ་པའི་ཕྱིར། །བྱིན་བརླབས་ལྡན་པའི་ཚིག་འདི་གསུངས། །ན་མོ་བུད་དྷཱ་ཡ་གུ་ར་བེ། ན་མོ་དྷརྨཱ་ཡ་ཏ་ཡེ་ནི། །ན་མཿསང་གྷཱ་ཡ་མ་ཧཱ་ཏེ། ཏྲི་བི་ཡི་སྭཱ་ཧཱ་ན་མཱ། ཉིན་མཚན་དུས་སུ་འདི་བརྗོད་པས། །
296a5 སྡིག་ཀུན་བྱང་ཞིང་ནད་རྣམས་ཞི། །ལམ་དུ་བགེགས་བདུད་མི་ཕྲད་ཅིང་། །རྟག་ཏུ་སེམས་དགའ་དམ་པས་འཐོབ། །བྱང་ཆུབ་སེམས་དཔའ་ཟླ་འོད་ཀྱང་། །བསྲུང་བའི་དོན་དུ་སྔགས་འདི་གསུངས། །ཤ་མ་ཏ་ཧེ་རུ་ཤ་ཧོ། །
296a6 ཨཛྙ་པ་ཏེ། སུ་རུ་ཏེ། ཤ~ཾ་ཀེ་ཊེ། བ་ར་མ་བྱ་ཏེ། སུ་རུ་ཊེ། ཀྱ་ལ་ཊ་ཏེ་ཁི་མ་ཏེ་སྭཱ་ཧཱ། ཚོན་སྣ་ལྔ་ཡི་སྐུད་པ་ལ། །བདུན་བཟླས་མདུད་པ་ཉི་ཤུ་རྩ་གཅིག་།ན་སར་བཏགས་ན་ནད་སེལ་འགྱུར། །གཞན་ཡང་ཡོན་ཏན་གྲངས་མེད
296a7 འཐོབ། །སྦྲུལ་གྱི་རྨ་ནི་སྒོ་ཕྱེ་ལ། །བདུན་བཟླས་རྨ་ཁར་བཏབ་ན་སོས། །སེང་གེ་སྟག་གཟིག་དོམ་དྲེད་ཀྱིས། །བཀླགས་ལ་ཉི་ཤུ་རྩ་གཅིག་བསྔགས། །བརྗོད་ནས་གྲ་ཁྲིམས་ཅན་ལ་བསྐོན། །དེ་མ་ཐག་ཏུ་རིམ་སེལ
296a8 འགྱུར། །བློ་བུར་གདོན་གྱིས་ཉེན་པ་ལ། །ལན་བདུན་བརྗོད་པའི་གུ་གུལ་བདུག་།ལྡོང་རོས་ཡུངས་ཀར་ལན་ཚྭ་དཀར། །སྦྱར་ནས་ཉི་ཤུ་རྩ་ཅིག་བརྗོད། །ནད་པའི་མལ་བཞག་ནས་བདུགས་ན། །འབྱུང་པོ་འབྲོས་ཏེ་ནད་ལས་གྲོལ། །
iiif viewer powered by OpenSeadragon
