| e-texts navigator |
| Wylie |
287b1 ཡི་གེ་བརྡ་དང་སྤྲོས་པའི་སྐུ། །ལོངས་སྐུ་བསོད་ནམས་རྒྱུ་མཐུན་འབྲས། །སྤྲུལ་སྐུ་ལས་ཀྱི་རྣམ་སྨིན་འབྲས། །ཀུན་རྫོབ་དོན་དམ་མཚན་ཉིད་ལྡན། །དག་དང་མ་དག་སྐལ་ལྡན་ལ། །བདེ་གཤེགས་ཕྲིན་ལས་གཟུགས
287b2 སྐུ་གཉིས། །ཚོགས་གཉིས་ལ་ནི་སྐུ་གསུ~ཾ་བྱུང་། །རྣམ་བྱང་ཀུན་ཉོན་མོངས་པས་སྟོང་། །ལུས་ངག་ཡིད་ཀྱི་སྤྱོད་ཡུལ་མིན། །དམིགས་མེད་ནམ་མཁའི་ཁམས་རྟོགས་པ། །རྒྱལ་བ་རྣམས་ཀྱི་ཆོས་སྐུའོ། །རྟག
287b3 ཆད་མེད་པའི་རྟེན་འབྲེལ་ནི། །སྐྱེ་འགག་མེད་པར་ཐུགས་ཆུད་པ། །ཡིད་ཀྱི་རྣམ་ཤེས་འཇུག་ལམ་གྱིས། །བསམ་གཏན་གོམས་པས་ཤེས་པར་བྱ། །དད་པའི་ལྕགས་ཀྱུ་ཤེས་རབ་ཅན། །ལྷ་ཀླུ་འབུམ་ཕྲག་དཀར་པོའི
287b4 སེམས་དགེ་བ། །ཀུན་སློང་བྱང་ཆུབ་གཏེར་གྱི་རིན་ཆེན་ནོར། །ཐོབ་པར་འདིས་མཛོད་འཁོར་ལོས་བསྒྱུར་བ་འབྱུང་། །སེམས་ཀྱི་དབུས་གཅེས་དེ་ཕྱིར་སྤྱོད་སྤྱད་པས། །དབང་པོར་བྱ་བའི་རྒྱུད་ཀུན་ཁྱད་པར་དུ། །པད་མའི་དྲ་བ
287b5 ཕྱག་སྟོང་གིས་རྒྱན་པར། །མྱུར་དུ་སྒྲུབ་པའི་ཐབས་མང་གསུངས་པ་རྣམས། །བསྡུས་བརྩོན་དང་བྱས་ལྡན་པས་གཅེས་སུ་བྱ། །བླ་མའི་ལུང་ཡོད་སྙིང་རྗེ་གང་ལྡན་པ། །རྒྱལ་དང་རྒྱལ་སྲས་ཚོགས་རྣམས་ཀུན་དགྱེས་ནས། །
287b6 འཇིག་རྟེན་སྐྱོང་ཚོགས་དགའ་བ་སྨོས་ཅི་དགོས། །འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པད་མ་དྲ་བ་ཞེས་བྱ་བ་ལས་གཟུགས་བརྙན་འབྱུང་བའི་ལེའུ་སྟེ་ལྔ་པའོ།། །། དེ་ནས་དགའ་ལྡན་གནས
287b7 འཁྲུངས་པ། །བསྐལ་པ་དུ་མར་ཚོགས་བསགས་པ། །རིག་པ་གསུམ་ལྡན་ལྷ་ཡི་བུ། །མཛེས་པའི་ཏོག་ཅེས་མཚན་གསོལ་བ། །སྤྱན་རས་གཟིགས་ལ་ཆེར་དད་ནས། །བཞེངས་ཏེ་ཐལ་མོ་སྦྱར་བྱས་ཤིང་། །འཁོར་ཚོགས་ཆེན
287b8 པོ་དང་བཅས་པས། །མགྲིན་གཅིག་དུ་ནི་འདི་སྐད་གསོལ། །ོཾ་ཁམས་གསུམ་ཀུན་གྱི་བླ་མ་གཙོ། །འདྲེན་པ་མགོན་པོ་རྫོགས་སངས་རྒྱས། །ས་གསུམ་ཡེ་ཤེས་འོད་པོ་ཆེ། །བདེ་བར་གཤེགས་ལ་ཕྱག་འཚལ་ལོ། །ཡོན་ཏན་ཀུན
iiif viewer powered by OpenSeadragon
