| e-texts navigator |
| Wylie |
285a1 ལ་མཁས། །བསམ་པ་བཟང་ལྡན་ཚུལ་ཁྲིམས་བསྲུང་། །འདྲི་ཆོས་གཟོབ་ལ་གཞུངས་པ་ཡིས། །དབེན་ཞིང་ཉམས་དགའི་གནས་སུ་བྲི། །གཟུགས་བཟང་ཡིད་དལ་གཙང་ལྡན་པའི། །བུ་མོས་བཀལ་བའི་རས
285a2 ལ་ནི། །མཚོན་བཟང་ངུར་སྨྲིག་མདོག་བྱའོ། །འཐས་པིར་བཅགས་ཏེ་འཇམ་པོར་བྱ། །ཐིག་པིར་ཕྱོགས་སུ་བཤད་ནས་ཀྱང་། །སེར་སྐྱ་ཚོན་གྱི་གཟུགས་བརྙན་ནི། །ཚད་ལ་མཁས་པ་ཚད་ལྡན་པའི། །ནན་ཏན་དུ་ནི་བྲི་བར
285a3 བྱ། །དཀར་པོ་ཝ་ཡི་ཤེལ་ཡིན་ཏེ། །དམར་པོ་སེམས་རྩོ་ལི་ཁྲིའོ། །སྔོན་པོ་རམས་དང་མཐིང་ཤིང་སྟེ། །སེར་པོ་བ་བླ་དག་པ་ཡིན། །ནག་པོ་སྣག་ཚ་ཉིད་ཡིན་ཏེ། །ལྗང་གུ་རམས་དང་ལྡོང་རོས་སྦྱར། །ཡང་ན་སྤངས་མ་ཉིད
285a4 ཀྱིས་བྱ། །མུ་ཟི་རམས་དང་སྐག་སྦྱར་སྟེ། །གཞན་ཡང་ཅི་རིག་སྦྱར་བར་བྱ། །སྦྱིན་དང་བྲལ་ན་གྲུགས་པར་འགྱུར། །ཤིང་སྤྲིན་སེར་དང་ཀ་པི་ཏ། །ལོ་མི་ཏ་དང་ཐན་ཛ་ར། །དེ་དག་སོ་སོར་སྦྱར་བ་ཡིས། །གསལ་ཞིང་དཀྲུས་མེད
285a5 དག་པར་བྱེད། ། ཏ་པས་ནི་སྣུམ་པར་བྱེད། །གན་ཏོ་ཧས་ནི་རྟག་པར་འགྱུར། །རྒྱས་པར་གྲུ་བཞི་སྒོ་བཞི་པ། །ཡང་ན་སྒོ་གཅིག་པ་ཡང་རུང་། །དཀྱིལ་འཁོར་ཆ་རིམ་གསུམ་པ་འམ། །ཡང་ན་གཉིས་སམ་གསུམ་ཡང
285a6 རུང་། །དབུས་སུ་གདོང་བཅུ་གཅིག་པ་ནི། །མཛེས་པའི་ལྷ་མོ་བཞི་ལྡན་བྲི། །ཤར་དུ་སྤྱན་རས་གཟིགས་དབང་གི། དཀྱིལ་འཁོར་རྣམ་གནས་གཙོ་བོ་ཅན། །དེ་ཡང་སྤྱན་སོགས་ལྷ་མོ་བཞི། །ཕྱག་བཞི་པ་དང་བཅས
285a7 པའོ། །ལྷོར་ནི་འཇིག་རྟེན་དབང་ཕྱུག་གི། དཀྱིལ་འཁོར་ཤཀ་ཐུབ་གཙོ་བོ་ཅན། །ལྕགས་ཀྱུ་ཞགས་པ་ལྕགས་སྒྲོག་དང་། །འབེབས་པའི་ཕྱག་རྒྱ་ལྡན་པའོ། །ནུབ་ཏུ་རིག་མའི་དཀྱིལ་འཁོར་ནི། །སེམས་དཔའ་བཞི་བཞིར
285a8 བཅས་པའོ། །དབུས་སུ་རྡོ་རྗེ་དབང་མོ་ཡང་། །མདུན་དུ་རྡོ་རྗེ་རྟག་པ་སྟེ། །གཡས་སུ་རྡོ་རྗེ་དཔལ་འབྱུང་ངོ་། །རྒྱབ་ཏུ་རྡོ་རྗེ་དཔག་མེད་དེ། །གཡོན་དུ་རྡོ་རྗེ་དོན་གྲུབ་བོ། །ཤར་དུ་ལྷ་མོ་སྤྱན་མ་ནི། །མདུན་དུ་རྡོ་རྗེ་སེ~ཾདའོ། །
iiif viewer powered by OpenSeadragon
