| e-texts navigator |
| Wylie |
284b1 དགྱེས་པའི་གཟུགས་བརྙན་ནི། །ཚོན་གྱིས་རིས་སུ་བྲིས་པ་འམ། །རིན་ཆེན་རིགས་སམ་ས་རྡོ་འམ། །ཤིང་ལ་བྱས་ན་མཆོག་ཏུ་བསྔགས། །དང་པོའི་ལས་ཅན་སེམས་ཅན་ལ། །དམིགས་པ་གསལ་བར་འགྱུར་བ་དང་། །བྱིན་རླབས་མཆོག་ནི
284b2 འཇུག་པར་འགྱུར། །ཙན་དན་དཀར་པོ་གསལ་ཞིང་དྲང་། །གཞོན་ཞིང་ཆག་གས་མེད་པ་ལ། །བསང་ཞིང་དུད་པས་བདུགས་ནས་ནི། །དད་ལྡན་ངང་ཚུལ་བཟང་པོས་བཞག་།འཇིག་རྟེན་དབང་ཕྱུག་མགོན་གྱི་སྐུ། །བཅཝ་བརྒྱད
284b3 སོར་ཚད་ལྡན་པ་ལ། །གདན་ཁྲི་དག་ནི་སོ་དགུ་སྟེ། །རྒྱབ་ཡོལ་སོར་ཚད་དྲུག་གིས་བསྐྱེད། །བཞེངས་སྟེ་ལྡེམ་བག་ཉམས་དགའ་བ། །རིན་ཆེན་དུ་མའི་གཟུགས་ཀྱིས་བརྒྱན། །གཡས་ཀྱི་དང་པོ་བགྲང་ཕྲེང་སྟེ། །གཉིས་པ་མི་འཇིག
284b4 སྩོལ་བའི་ཕྱག་། གཡོན་པ་དང་པོ་པད་མ་དམར། །གཉིས་པ་རིལ་བ་སྤྱི་བླུགས་ཐོགས། །ཞལ་གྱི་གྲངས་ནི་བཅུ་གཅིག་ལ། །མདུན་གྱི་ཞལ་གསུམ་མཚན་བཟང་ཅན། །བྱམས་པ་སྙིང་རྗེ་དགའ་བའི་མདངས། །དཀར་པོ་དཀར་སེར
284b5 དམར་སྐྱ་བོ། །གཡོན་གྱི་གསུམ་ནི་ཁྲོ་བོའི་ཞལ། །སྒེག་པའི་མདངས་དང་ལྡན་པ་སྟེ། །དམར་དང་དམར་སེར་ལེ་བརྒན་ནོ། །གཡས་སུ་གཏུམ་པོའི་ཁྲོ་ཞལ་གསུམ། །སྔོ་དང་སེར་དང་ལྗང་གུའོ། །རྒྱབ་ཏུ་ཁྲོ་གཏུམ་མདོག་དམར་བ། །
284b6 རྟ་སྐད་རབ་ཏུ་འཚེར་བའི་ཞལ། །ཁྲོ་བོའི་ཞལ་རྣམས་མཆེ་བ་གཙིགས། །མིག་གསུམ་དབུ་སྐྲ་སེར་པོ་ནི། །གྱེན་དུ་ཐོར་ཚུགས་བཅིངས་པའོ། །སྟེང་དུ་སངས་རྒྱས་འཛུམ་པའི་ཞལ། །བྱི་རུ་བཅག་པའི་མཚན་འདྲ་བའི། །དབུ
284b7 ཡི་ཅོད་པན་ནང་རྣམས་སུ། །འདི་དག་ཕྱོགས་བཅུའི་ཐུབ་པ་རྣམས། །རེ་རེ་བཞིན་དུ་བཞུགས་པར་བྱ། །དབུ་རྒྱན་ཅོད་པན་ལྡན་པ་དང་། །རྣ་རྒྱན་མགུལ་རྒྱན་པུང་རྒྱན་དང་། །ལག་རྒྱན་སེ་མོ་རོར་བཅས་པ། །དོ་ཤལ་རྐང
284b8 གདུབ་སྐྱེ་རགས་ཅན། །རྒྱན་དང་ན་བཟའ་མཛེས་པས་བརྒྱན། །དེ་ནས་ཡང་དག་བཤད་བྱ་བ། །རི་མོ་དག་ལ་དགའ་འགྱུར་ནས། །ཡིད་གཞུངས་དལ་སྤྱོད་ཁྲོ་བ་མེད། །སྲེད་ཆུང་ཤེས་རབ་སྙིང་རྗེ་ཆེ། །ཐབས་ལྡན་རི་མོ་རྒྱུད
iiif viewer powered by OpenSeadragon
