| e-texts navigator |
| Wylie |
283a1 ཡིན་ཞིང་སེམས་བྱུང་མིན། །ཕུང་ཁམས་སྐྱེ་མཆེད་མེད་མ་ཡིན། །ཡིད་མིན་རྟག་མིན་མི་རྟག་མིན། །མུན་པ་མ་ཡིན་ཤེས་རབ་མིན། །འགྲོ་མིན་འོང་མིན་གནས་མ་ཡིན། །སྣ་ཚོགས་སྤྲིན་གློག་དུ་མ་ནི། །འདོད་གཟུགས་དུ
283a2 མ་བསྒྱུར་བྱེད་པ། །མཁའ་བྱུང་ནམ་མཁའ་ལ་ནི་ཐིམ། །འགྲོ་འོང་སྟོན་པ་འདོད་བསྐུལ་བབ། །མེད་མོད་ན་ཡང་དེ་ལྟར་སྤྱོད། །ཡུལ་གྱིས་མ་སྐྱེས་དབང་པོ་མིན། །དུས་ཀྱིས་མ་ཡིན་གཏན་གྱིས་མིན། །རྒྱུ་དང་དེ་བཞིན་རྟེན་གྱིས
283a3 མིན། །གནས་སྐབས་གཞན་ཡང་དེ་ལ་མེད། །དེ་ལ་སེམས་དཔའི་སེམས་ཉིད་ཀྱང་། །གང་ནས་མ་འོངས་གར་མི་གནས། །གར་ཡང་མ་སོང་བརྟག་ན་སྟོང་། །བརྟག་པར་བྱེད་པ་རྟོག་པ་ཙམ། །དངོས་རྣམས་བརྟག་པ་མིང་ཙམ
283a4 སྟེ། །ཀུན་རྫོབ་ཙམ་དུ་མིང་ཡིག་ལ། །བརྟེན་ནས་རང་གི་སེམས་བཟུང་ན། །དྲོད་ཀྱི་བཞི་པ་དང་པོར་བཟུང་། །ཕྱུང་བའི་གཉིས་པ་དེ་ལ་བརྟེན། །དེ་ལ་དང་པོ་གཉིས་པས་བསྐོར། །དང་པོའི་བཅཝ་ལྔས་མནན་པས་སྟེ། །བཅུ་དྲུག་པ
283a5 ནི་གྲོགས་སུ་བཞག་། ཡི་གེ་དྲུག་ལ་གྲུབ་པ་ནི། །སངས་རྒྱས་དྲུག་གི་རང་བཞིན་ཏེ། །འོད་ཟེར་རྣམ་པ་དྲུག་ཏུ་བཅས། །རླུང་དྲུག་གིས་ནི་དབང་བྱས་ནས། །ཡུལ་ནི་རྣམ་པ་དྲུག་ལ་འཇུག་།ཡུལ་དྲུག་དག་གིས་དབང་བྱས་ནས། །
283a6 ཉོན་མོངས་རྣམ་པ་དྲུག་དང་བཅས། །ཉོན་མོངས་རྒྱས་པར་འགྱུར་བ་ཡིན། །ཕུང་པོ་རྣམ་པ་དྲུག་དང་ལྡན། །ཕུང་པོ་གྲངས་ཀྱི་དབྱེ་བས་ནི། །ཡན་ལག་དྲུག་དྲུག་འཕེལ་བར་འགྱུར། །ཡན་ལག་རྫོགས་པའི་གྲིབ་མར་ནི། །རང
283a7 བཞིན་དག་པའི་སེམས་སྒྲིབ་བྱེད། །སྒྲིབ་གཉིས་གོ་བས་འཐུག་པོ་ནི། །བསལ་དཀའི་རི་བོ་དང་བཅས་པ། །རྟག་ཆད་གནསུ་ཞུགས་པའོ། །སྲོག་རྩོལ་བསྡམ་པའི་སྦྱོར་བ་ཡིས། །ཕྱི་རོལ་སྣང་བ་ནུབ་པར་འགྱུར། །རྩོལ་དང་བྲལ
283a8 ནས་དགའ་སྐྱེ་སྟེ། །ཡི་གེ་ལ་ནི་སེམས་གནས་འགྱུར། །ཡི་གེ་གསལ་བའི་འོད་ཟེར་ནི། །བ་སྤུ་ཁུང་རྣམས་ཐཾད་ནས། །སེམས་དང་བཅས་པ་ལྡང་འཇུག་སྟེ། །སླར་ཡང་ཐིག་ལེ་བསྡུས་ནས་ནི། །ཡི་གེ་ཉིད་ཀྱང་མི་དམིགས་སོ། །
iiif viewer powered by OpenSeadragon
