| e-texts navigator |
| Wylie |
279a1 རབ་ལྡན་པའི་མི། །རྩ་བའི་གསང་སྔགས་གང་ལ་ཡང་། །ནན་ཏན་རྩེ་གཅིག་ཏུ་བརྗོད་ན། །དེ་ཡིས་ཐམས་ཅད་འགྲུབ་པར་འགྱུར། །གང་ཞིག་དད་པའི་ལྕགས་ཀྱུ་དང་། །བློ་ཡི་ར་བར་ལྡན་པ་ལ། །ལྷ་ཀླུ་འབུམ་ཕྲག་ཐུས
279a2 སྐྱོབ་ཅིང་། །དཀར་པོ་དགེ་བ་ཀུན་སློང་སེམས། །བྱང་ཆུབ་རིན་ཆེན་གཏེར་ཐོབ་པར། །སྔགས་ཀྱི་མཐུས་ནི་མཛད་པ་སྟེ། །སྔགས་ལ་ཉེས་དད་མེད་པ་ལ། །བསྟན་ན་རང་ཉིད་ཉམས་པར་འགྱུར། །འཕགས་པ་སྤྱན་རས་གཟིགས་དབང་ཕྱུག
279a3 གི་རྩ་བའི་རྒྱུད་ཀྱི་རྒྱལ་པོ་པདྨ་དྲ་བ་ཞེས་བྱ་བ་ལས་རིགས་ཀྱི་ཁྱད་པར་གྱི་སྔགས་བྱུང་བའི་ལེའུ་སྟེ་གསུམ་པའོ། ། །། དེ་ནས་ཡང་དག་བཤད་བྱ་བ། །ཕྱོགས་བཅུའི་སངས་རྒྱས་བསྡུས་པའི་དངོས། །འཇིག་རྟེན་མགོན་པོ་ས་བཅུའི་དབང་། །
279a4 སྟོབས་བཅུ་རྒྱས་པའི་རང་བཞིན་ཅན། །ཕ་རོལ་ཕྱིན་བཅུ་ལྷུན་གྲུབ་པ། །ས་བཅུ་གཅིག་ཏུ་རྫོགས་ནས་ཀྱང་། །ཕྱོགས་བཅུ་ཀུན་དུ་ཁྱབ་མཛད་པའི། །བཅུ་གཅིག་པ་ཡི་མཚན་ཉིད་ཉིད། །བསོད་ནམས་སྐལ་བར་ལྡན་པའི་མིས། །རང་གིས
279a5 ལུས་ལ་སྔགས་དགོད་བྱ། །སྔགས་དང་བཅས་པའི་ལུས་ལ་ནི། །སྲེད་མེད་བུས་ཀྱང་མི་ཚུགས་ན། །འཇིག་རྟེན་གཞན་ལྟ་སྨོས་ཅི་དགོས། །བྱད་དང་ཤ་ཟ་རོ་ལངས་དང་། །འབྱུང་པོ་མཚོན་དང་གྲིབ་གནོན་དང་། །ལྟས་ངན་རྣམས་ནི་མྱུར
279a6 དུ་སེལ། །བླ་མ་ལས་བྱུང་རིམ་པས་ནི། །མྱུར་དུ་བླ་མེད་བྱང་ཆུབ་འགྱུར། །བླ་མའི་ལུང་དང་བྲལ་བས་ནི། །ནམས་ཀྱང་འགྲུབ་པར་མི་འགྱུར་རོ། །སྤྱི་བོར་ཡི་གེ་ཨོཾ་དཀར་པོ། །ནན་ཏན་དུ་ནི་བསམ་པར་བྱ། །དཔྲལ་བར་ཡི་གེ་ཨ་ལྗང་གུ། །དེ
279a7 བཞིན་དུ་ནི་བསམ་པར་བྱ། །ལྕེ་ཡི་སྟེང་དུ་ཡི་གེ་མཆོག་།ཧྲིཿཡིག་དམར་པོ་འོད་ལྡན་བསམ། །སྙིང་གི་ཕྱོགས་སུ་ཧཱུ~ཾ་སྔོན་པོ། །ལྟེ་བར་ཧ་ཡིག་སེར་པོ་སྟེ། །དེ་བཞིན་གསང་བར་ཧོ་ལྗང་གུ། །བཤང་བའི་གནས་སུ་ཧོ་སྔོན་པོ། །པུས་མོ་གཉིས
279a8 ལ་ས་སེར་སྐྱ། །རྐང་མཐིལ་ཡི་གེ་ཧ་ལྗང་སེར། །ལག་མཐིལ་གཉིས་ལ་ཧཱུ~ཾ་དཀར་པོ། །ལག་ངར་ལ་ནི་ཧྲིཿསྔོན་ཏེ། །དཔུང་པར་ཡི་གེ་ཧྲིཿདགོད་བྱ། །ཡི་གེ་ཚོགས་ཀྱིས་བྱིན་བརླབས་ནས། །གང་དང་གང་ཡང་རུང་བ་ཡི། །རྩོལ་བ་རྣམས་ལ
iiif viewer powered by OpenSeadragon
