| e-texts navigator |
| Wylie |
271b1 མགོན་པོ་སྤྱན་རས་གཟིགས། །དཀྱིལ་འཁོར་ཆེན་པོའི་ཚོགས་འདི་རྣམས། །གང་གིས་ཡིད་ལ་བྱེད་པ་འམ། །ཡང་ན་ཇི་ཙམ་དྲན་ཡང་རུང་། །དགེ་ལྡན་རིགས་ཀྱི་བུ་དེ་ནི། །ཕྱོགས་བཅུ་རྒྱལ་བ་རྣམས་ཀྱི་སྲས། །བྱང་ཆུབ་སེམས་དཔའ
271b2 རྣམས་ཀྱི་བཤེས། །རིག་པའི་ལྷ་མོ་རྣམས་ཀྱི་ཡབ། །བྱིས་པ་རྣམས་ཀྱི་གཉེན་ཡིན་ནོ། །བདག་ཅག་རྣམས་ནི་དེ་ཡི་འབངས། །སྐྱེས་བུ་ཁྱུ་མཆོག་ཆེན་པོ་སྟེ། །བསོད་ནམས་རྣམས་ཀྱི་གཏེར་ལྡན་ཞིང་། །དེ་ཡི་ཚུལ་ཁྲིམས་རལ
271b3 བ་མེད། །མི་དེ་སྐྱེ་བ་དོན་ཡོད་དེ། །ལྷ་གནས་དག་ནས་སྤུ་གསེབ་ཏུ། །ཡེ་ཤེས་འོད་ཟེར་བདུད་རྩི་འཛུད། །འཇིག་རྟེན་འདི་ཡི་ནད་རིགས་དང་། །གདོན་རིགས་ཅི་སྙེད་ཡོད་པ་འམ། །རིག་སྔགས་བྱད་ལྟེམས་མ་ལུས་པས། །དེ་ལ
271b4 ཚུགས་པར་མི་འགྱུར་རོ། །ཆོ་ག་བཞིན་དུ་སྤྱད་པ་ཡིས། །ཚངས་པའི་ཚེ་ཚད་གནས་ནས་ཀྱང་། །ཤི་བ་སེམས་བརྒྱལ་མེད་པར་ནི། །གནས་འཕོ་ཚུལ་གྱིས་མཐོ་རིས་འཇུག་།རྒྱལ་བའི་ཞིང་དུ་གཤེགས་ནས་ཀྱང་། །རྒྱལ་བ
271b5 རྣམས་ལ་ཆོས་ཉན་ཅིང་། །རྒྱལ་སྲས་རྣམས་དང་སྟོབས་གཅིག་ཏུ། །སྟོབས་དང་མི་འཇིགས་པ་བརྙེས་ཏེ། །མཚན་དང་དཔེ་བྱད་ལྡན་གྱུར་ནས། །སྐད་ཅིག་གློག་འགྱུ་ཅི་བཞིན་དུ། །འགྲོ་བ་མ་ལུས་དག་བྱེད་ཅིང་། །ཞིང་རྣམས་མ
271b6 ལུས་དག་པར་བྱེད། །འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པདྨ་དྲ་བ་ཞེས་བྱ་བ་ལས་ལྷ་བྱུང་བའི་ལེའུ་སྟེ་གཉིས་པའོ།། །། དེ་ནས་ལག་ན་རྡོ་རྗེ་འཛིན། །བཞེངས་ཏེ་ཐལ་སྦྱར་ཐུབ
271b7 པ་ལ། །ཕྱག་འཚལ་ཕྱོགས་སུ་འཁོད་ནས་ནི། །གསང་བ་བསྟོད་ནས་ཚིག་འདི་གསོལ། །ཕྱོགས་བཅུར་བཞུགས་པའི་རྒྱལ་དབང་པོ། །མགོན་པོ་སྤྱན་རས་གཟིགས་དབང་ཀུན། །རང་རང་གནས་ནས་གཤེགས་ནས་བྱོན། །
271b8 འགྲོ་བ་ཐུགས་བརྩེ་ཆེན་པོ་ཡིས། །སྙིང་པོ་བྱིན་བརླབས་ལྡན་ལ་གསོལ། །རྨད་དུ་བྱུང་བའི་སྙིང་པོ་ལ། །ཕྱོགས་བཅུའི་རྒྱལ་བ་སྲས་བཅས་དང་། །རིག་པ་འཛིན་རྣམས་འཐུན་པར་དགྱེས། །འོན་ཀྱང་འགྲོ་རྣམས་བཟུང་བ
iiif viewer powered by OpenSeadragon
