| e-texts navigator |
| Wylie |
268a1 དབང་གྲངས་མེད་གཙོ། །ཐམས་ཅད་འཁོར་དང་བཅས་པ་རྣམས། །མི་མཇེད་ཞིང་འདིར་ལྷག་པར་གྱུར། །འདི་ནས་ཤར་ཕྱོགས་ཞིང་ཁམས་ནི། །གྲངས་མེད་བདུན་གྱི་མཐའ་ཉིད་ནས། །ཞིང་ཁམས་སེང་གེ
268a2 སྤུངས་པར་ནི། །སངས་རྒྱས་སེང་གེ་རོལ་པ་ཡི། །དྲུང་དུ་བྱང་ཆུབ་སེམས་དཔའི་གཙོ། །སྤྱན་རས་གཟིགས་དབང་སེང་གེའི་སྒྲ། །མདོག་དཀར་ཤེལ་གྱི་རི་འདྲ་བ། །བྱང་ཆུབ་སེམས་མཆོག་བྱེ་བ་ཕྲག་།བཅུ
268a3 དང་ལྷན་ཅིག་མཁའ་ལ་གཤེགས། །ཀློག་འགྱུ་བཞིན་དུ་ཞིང་འདིར་བྱོན། །བཅོམ་ལྡན་མགོན་པོ་ཐུབ་པ་ལ། །ཕྱག་འཚལ་བསྐོར་བ་དུ་མ་བྱས། །འདབ་མ་སྟོང་དང་ལྡན་པ་ཡི། །དངུལ་གྱི་མེ་ཏོག་དུ་མས
268a4 གཏོར། །བདེ་བར་གཤེགས་སོ་རྫོགས་སངས་རྒྱས། །འོད་ཟེར་ངོ་མཚར་ལྡན་པ་དང་། །རྨད་བྱུང་ཆེན་པོ་ཚིགས་བཅད་ཀྱིས། །ཞིང་རྣམས་རྣམ་པར་གཡོས་པར་འགྱུར། །འགྲོ་བའི་གཏི་མུག་མུན་པ་བཅོམ། །
268a5 ཤེས་རབ་མཐའ་ཡས་གསལ་བར་མཛད། །བདག་ཀྱང་སྙིང་པོ་འདི་ཡི་མཐུས། །ཕྲིན་ལས་འདི་ཉིད་གྲོགས་བགྱིད་དོ། །ོཾ་ཧྲཱི་སིཾ་ཧ་ནཱ་དྷ་ཧཱུ~ཾ་ཕཊ། །སྙིང་པོ་དེ་སྐད་ཕུལ་ནས་ཀྱང་། །ཐུབ་པ་ག་ལ་དེ་ལོགས་སུ། །འཁོར
268a6 བཅས་དགའ་བའི་ཚུལ་གྱིས་ནི། །པུས་བཙུགས་ཐལ་མོ་སྦྱར་ནས་བཞུགས། །ལྷོ་ཡི་ཕྱོགས་ཀྱི་ཞིང་ཁམས་མཆོག་།གྲངས་མེད་བདུན་གྱི་མཐའ་ཉིད་ཀྱི། །ཞིང་ཁམས་རིན་ཆེན་བརྩེགས་པ་ན། །སངས་རྒྱས་རིན
268a7 ཆེན་དཔལ་བཞུགས་པའི། །དྲུང་དུ་བྱང་ཆུབ་སེམས་དཔའི་གཙོ། །སྤྱན་རས་གཟིགས་དབང་ཡིད་བཞིན་གྱི། །ནོར་བུ་འཁོར་ལོས་བསྒྱུར་བ་བྱེད། །གསེར་གྱི་རི་བོ་མདོག་འདྲ་བ། །བྱང་ཆུབ་སེམས་ཚོགས་བྱེ་བ་ཕྲག་།
268a8 བཅུ་དང་ལྷན་ཅིག་མཁའ་ལ་གཤེགས། །ཀློག་འགྱུ་བཞིན་དུ་ཞིང་འདིར་བྱོན། །བཅོམ་ལྡན་མགོན་པོ་ཐུབ་པ་ལ། །ཕྱག་འཚལ་བསྐོར་བ་དུ་མ་བྱས། །འདབ་མ་སྟོང་དང་ལྡན་པ་ཡི། །རིན་ཆེན་གསེར་གྱི་མེ་ཏོག་ནི། །
iiif viewer powered by OpenSeadragon
