| e-texts navigator |
| Wylie |
267b1 འཁོར་བཅས་འདར་གྱུར་ཏེ། །རླུང་གིས་བཏབ་པའི་རྩཝ་དང་མཚུངས། །ཐལ་མོ་སྤྱི་བོར་སྦྱར་ནས་སུ། །ཆེད་དུ་བརྗོད་པས་འདི་གསོལ་ཏོ། །ོཾ་མགོན་པོ་རང་བྱུང་བཅོམ་ལྡན་འདས། །གཙོ་བོ་རབ་ཏུ་ཆེ་བའི་ལྷ། །བསོད་ནམས་དུ་མས་བསྐྱེད་པའི་སྐུ། །ཡེ་ཤེས
267b2 མཐའ་ཡས་ཐུགས་མངའ་བ། །བློ་ལྡན་སྲིད་མཐར་མཛད་པ་པོ། །ཚུལ་ལྡན་ཚུལ་ཁྲིམས་ལ་སྦྱོར་མཛད། །གཙང་ལྡན་བྲམ་ཟེ་ཚངས་པ་ཆེ། །མཛད་སྤྱོད་མཁའ་མཉམ་སྤྱོད་ཕྱག་འཚལ། །དེ་ནས་བཅོམ་ལྡན་ཐུབ་པ་ཆེ། །འཁོར་ལ་ལེགས་སོ
267b3 ལེགསོ་ཞེས། །ོཾ་ཨཱཿཧྲཱིཿཧཱུཾ་སྭཱ་ཧཱ་བཅས། །ཡང་ཡང་བརྗོད་པས་བྱིན་གྱིས་བརླབས། །ལྕག་ཀྱུ་ཅན་གྱིས་ཉ་ར་ནས། །ཀླུ་ཕྱུགས་འབུམ་ཕྲག་འདྲེན་པ་ལྟར། །དགེ་སྦྱོང་ཀུན་སློང་དཀར་པོས་ནི། །བྱང་ཆུབ་རིན་ཆེན་གླིང་འཇོག་མཛད། །འཕགས་པ
267b4 སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པད་མ་དྲ་བ་ཞེས་བྱ་བ་ལས་གླེང་གཞིའི་ལེའུ་སྟེ་དང་པོའོ། ། དེ་ནས་བཅོམ་ལྡན་ཐུབ་པ་ཆེ། །མགོན་པོ་ཡང་དག་རྫོགས་སངས་རྒྱས། །སྣ་ཚོགས་སྣང་བ་ཞེས་བྱ་བའི། །ཏིང་ངེ་འཛིན་ལ་སྙོམས
267b5 བཞུགས་ནས། །ཡན་ལག་ཆ་ཤས་ཐམས་ཅད་ལས། །འོད་ཟེར་སྣ་ལྔ་བྱེ་བ་ཕྲག་།དྲུག་བཅུ་དྲུག་བཅུའི་མཐའ་གཞལ་བ། །གྲངས་མེད་དག་ནི་བཀྱེ་བར་མཛད། །ཞིང་ཁམས་གྲངས་མེད་བདུན་གྱི་མཐའ། །ཕྱོགས་བཅུ་མ་ལུས་ཐམས་ཅད་དུ། །
267b6 འོད་ཀྱིས་གང་ནས་འོད་དེ་ལས། །སྙན་པའི་ཚིག་བཅད་འདི་སྣང་ངོ་། །སངས་རྒྱས་དང་ནི་ཆོས་ལ་བསྙས་པ་སྤང་། །ལེ་ལོ་ཆེ་དང་སྤྱོད་པ་མཆོག་འཛིན་སྤང་། །འགྱོད་དང་ཆོས་ལ་མ་ངེས་འབྱེད་པ་སྤང་། །ང་རྒྱལ་ཆེ་དང་འདོད་ཆགས་སྤྱོད་པ་སྤང་།
267b7 །འགྲོ་རྣམས་མེད་ན་བྱང་ཆུབ་ལམ་མེད་དོ། །འགྲོ་ལ་བརྟེན་ནས་བྱང་ཆུབ་ཆེ་ཐོབ་འགྱུར། །བྱང་ཆུབ་ཆེ་ལམ་ཐུགས་རྗེ་ཆེན་པོ་སྟེ། །འགྲོ་རྣམས་མེད་ན་གང་ལ་སྐྱེ་བར་འགྱུར། །
267b8 དེ་སྐད་གྲགས་པའི་དེ་མ་ཐག་།ཕྱོགས་བཅུའི་ཞིང་བཞུགས་སངས་རྒྱས་སྲས། །བརྗོད་ཀྱིས་མི་ལང་གཙོ་བོ་མཆོག་།སྤྱན་རས་གཟིགས
iiif viewer powered by OpenSeadragon
