| e-texts navigator |
| Wylie |
266b1 སྟོང་དང་བརྒྱ་དང་བཅུ་གཅིག་དྲུག་དང་གཅིག་།བྱམས་པའི་ཞལ་བཟང་མངའ་བའི་མགོན་ལ་འདུད། །སྤྱན་མའིའོ། །རབ་དགྱེས་ཞལ་མདོག་དུ་མ་ཅིར་ཡང་འགྱུར། །ལ་ལ་བྱམས་པ་སྙིང་རྗེ་དགའ་བའི་ཞལ། །ལ་ལ
266b2 འདོད་རྨོངས་སེར་སྣ་ཆེན་པོའི་ཞལ། །ཁྲོ་སྡང་གཏུམ་ཆགས་ལྟ་ལྡན་ཕྱག་འཚལ་ལོ། །མཱ་མ་ཀཱིའིའོ། །ཕྱོགས་བཅུའི་སངས་རྒྱས་དབང་བསྐུར་རྫོགས་པའི་ཞལ། །བསྟན་པ་མེད་པའི་མཆོད་སྦྱིན་རྒྱལ་པོའི་ཕྱག་།
266b3 མཛད་པ་གྲངས་མེད་ཆུབ་པའི་ཕྱག་རྒྱར་ལྡན། །གདན་གཉིས་ཞབས་གཉིས་གཤེགས་ལ་ཕྱག་འཚལ་ལོ། །ན་བཟའ་དཀར་མོའོ། །ོཾ་མཛད་པ་ཐུགས་རྗེའི་དབྱིངས་ལ་ཐུག་མེད་ཀྱང་། །རྩོམ་པ་རྒྱ་མཚོ་རྒྱུན་མི་ཆད
266b4 མཛད་པས། །ཞིང་རྣམས་རྒྱ་མཚོ་རྣམ་པར་སྤྱོད་པ་ཡི། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །སྒྲོལ་མའོ། །ོཾ་ཉི་མ་གཟི་ལྡན་འོད་ཟེར་འགྱེད་པ་ལྟར། །འཇུག་དགོངས་མི་མངའ་ཀུན་རྟོག་མུན
266b5 བྲལ་ཡང་། །བསྐལ་པ་རྒྱ་མཚོར་ཁྱད་པར་དོན་གསལ་བའི། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །འོད་ཟེར་ཅན་ནོ། །ོཾ་སེམས་ཀྱི་རྒྱུད་འགགས་མྱ་ངན་འདས་པའི་ཚེ། །འདོད་ཆགས་བྱུང་མ
266b6 ཐག་ཏུ་ཡལ་བ་སྟེ། །ཉོན་མོངས་རྩ་བ་བཅད་ནས་ཕ་མཐའ་མེད། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །དབྱངས་ཅན་ནོ། །ོཾ་ཉོན་མོངས་བདག་ཏུ་བཟུང་ན་འཁོར་བར་སྐྱེ། །དེ་ལ་ཡང་ཡང་བརྟགས་ན་ངན
266b7 འགྲོར་སྐྱེ། །རང་བཞིན་མེད་པར་ཤེས་ནས་གྲོལ་བར་འགྱུར། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །ཕག་གདོང་མའིའོ། །ོཾ་ཆོས་རྣམས་དག་པར་མཐོང་ན་མཐོ་རིས་ཐོབ། །གཉིས་འཛིན་རྟོག་པ
266b8 ཆད་ན་མྱ་ངན་འདའ། །སྒྱུ་མའི་སེམས་དང་ལྡན་ན་གཞན་དོན་འབྱུང་། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །ཁྲོ་གཉེར་ཅན་མའོ། །ོཾ་རང་ཚུལ་སྤྱོད་ལ་ཆགས་པས་ས་བོན་རུལ། །གཞན་ཚུལ་དམན
iiif viewer powered by OpenSeadragon
