| e-texts navigator |
| Wylie |
262b1 དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། གྲུལ་བུམ་དང་། ཤ་ཟ་དང་། མི་དང་། མི་དང་མི་མ་ཡིན་པ་བྱེ་བ་ཕྲག་དྲུག་དང་། ཁྲོ་བོ་ཆེན་པོ་རྡོ་རྗེ་ཧཱུ~ཾ་མཛད་དང་། རྡོ་རྗེ
262b2 གཤིན་རྗེ་གཤེད་དང་། རྡོ་རྗེ་གཞན་གྱིས་མི་ཐུབ་པ་དང་། རྡོ་རྗེ་རྟ་མགྲིན་དང་། རྡོ་རྗེ་བགེགས་མཐར་བྱེད་དང་། རྡོ་རྗེ་གཙུག་ཏོར་དང་། རྡོ་རྗེ་གནོད་མཛེས་རྒྱལ་པོ་ལ་སོགས་པ་བདུན་བཅུ་དང་། སྤྱན་མ་དང་།
262b3 མཱ་མ་ཀཱི་དང་། གོས་དཀར་མོ་དང་། སྒྲོལ་མ་དང་། འོད་ཟེར་ཅན་དང་། དབྱངས་ཅན་མ་དང་། ཕག་ཞལ་མ་དང་། ཁྲོ་གཉེར་ཅན་དང་། རི་ཁྲོད་མ་དང་། དུག་སེལ་མ་དང་། ནོར་རྒྱུན་མ་དང་། དཀར་མོ་དང་།
262b4 ཡིད་བཟང་མ་དང་། རྣམ་པར་རྒྱལ་མ་དང་། དཔལ་ཕྲེང་མོ་དང་། ས་འཛིན་བཟང་མོ་དང་། རྡོ་རྗེ་དབང་ཕྱུག་མ་ལ་སོགས་པ་སྟོང་ཕྲག་དྲུག་བརྒྱ་དང་ཐབས་ཅིག་ཏུ་བཞུགས་སྷོ། །དེའི་ཚེ་འཁོར་དེ་དག་ཐམས
262b5 ཅད་ཀྱིས་བཅོམ་ལྡན་འདས་ལ་བླ་མ་དང་། བཀུར་སྟི་དང་། རིམ་གྲོར་བྱ་བའི་ཕྱིར་མཆོད་པ་དུ་མས་མཆོད་ཅིང་བསྔགས་པ་དུ་མས་བསྟོད་པར་བྱེད་དོ། །དེ་ནས་བཅོམ་ལྡན་འདས་ཐུབ་པ་ཆེན་པོ་ཐུགས་རྗེ་ཆེན
262b6 པོ་ཡོངས་སུ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་ས་ཆེན་པོ་རྣམ་པ་དྲུག་ཏུ་གཡོས་ཤིང་ལྟས་བཅཝ་བརྒྱད་དུ་གྱུར་ཏོ། །དེའི་ལྟས་དེ་མཐོང་ནས་ལང་ཀའི
262b7 རྒྱལ་པོ་སྒྲ་སྒྲོགས་ཤིན་ཏུ་སྙེམས་པ་དང་ལྡན་ནས་རང་གི་འཁོར་དུ་མ་དང་དེར་ལྷགས་སོ། །དེ་ནས་བཅོམ་ལྡན་འདས་སྒྲ་སྒྲོགས་ཀྱི་སེམས་ཀྱི་རྟོག་པ་ཐུགས་སུ་ཆུད་ནས་སྐུའི་གནས་ཐམས་ཅད་ནས་འོད་ཟེར
262b8 བྱེ་བ་ཕྲག་དུ་མ་བྱུང་ངོ་། །འོད་ཟེར་དེ་དང་ས་གཡོས་པ་དེ་དག་གིས་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ཀྱང་གསལ་བར་གྱུར་ཏོ། །དེའི་ཚེ་སྒྲ་སྒྲོགས་སྙེམས་པ་དང་བཅས་པས་དེའི
iiif viewer powered by OpenSeadragon
