| e-texts navigator |
| Wylie |
262a1 བའི་རྒྱུད་ཀྱི་རྒྱལ་པོ་པད་མ་དྲ་བ་ཞེས་བྱ་བ། བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ་ལ་གུས་པར་ཕྱག་འཚལ་ལོ། །འདི་སྐད་བདག
262a2 གིས་ཐོས་པ་དུས་གཅིག་ན། བཅོམ་ལྡན་འདས་ཧི་མ་ལ་ཡའི་ཚལ་ཆེན་པོ་ཙན་དན་སྡོང་པོ་དང་མྱུ་གུ་རྒྱས་པའི་དཀྱིལ་འཁོར་གྱི་ཚོགས་ཆེན་པོ་དང་ཐབས་ཅིག་ཏུ་བཞུགས་ཏེ། འདི་ལྟ་སྟེ། ཚེ་དང་ལྡན་པ་འོད
262a3 སྲུང་ཆེན་པོ་དང་། ཚེ་དང་ལྡན་པ་ག་ཡ་འོད་སྲུང་དང་། ཚེ་དང་ལྡན་པ་བརླངས་། ཚེ་དང་ལྡན་པ་ཀུན་འགེད་གཞོན་ནུ་དང་། ཚེ་དང་ལྡན་པ་མ་འགགས་པ་དང་། ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ
262a4 མཽད་གལ་གྱི་བུ་ཆེན་པོ་དང་། ཚེ་དང་ལྡན་པ་རབ་འབྱོར་ལ་སོགས་པ་དགེ་སློང་གི་དགེ་འདུན་ཆེན་པོ་སྟོང་ཉིས་བརྒྱ་ལྔ་བཅུ་དང་། བྱང་ཆུབ་སེམས་དཔའ་ཆེན་པོ་འདི་ལྟ་སྟེ། པད་མ་དཀར་པོ་དང་། ཉི་འོད་དང་།
262a5 གཟུངས་ཀྱི་དབང་ཕྱུག་རྒྱལ་པོ་དང་། པད་མའི་སྤྱན་དང་། ཡེ་ཤེས་དབང་ཕྱུག་དང་། པད་མའི་དབང་ཕྱུག་དང་རྡོ་རྗེ་སྙིང་པོ་དང་རིན་ཆེན་སྙིང་པོ་དང་། ཀུན་ཏུ་བཟང་པོ་དང་། སྒྲིབ་པ་རྣམ་པར་སེལ་དང་། ནམ་མཁའི་སྙིང
262a6 པོ་དང་། བྱམས་པ་དང་། འཇམ་དཔལ་དང་། འཇིག་རྟེན་དབང་ཕྱུག་དང་། ཕྱག་ན་རྡོ་རྗེ་དང་། བློ་གྲོས་མི་ཟད་པ་དང་། ནམ་མཁའི་མཛོད་དང་། བློ་གྲོས་རྒྱ་མཚོ་དང་། མཐུ་ཆེན་པོ་ཐོབ་པ་དང་། ཟླ
262a7 འོད་དང་། དྲ་བ་ཅན་གྱི་འོད་དང་། སྤོབས་པ་བརྩེགས་པ་དང་། མྱ་ངན་དང་མུན་པ་ཐམས་ཅད་སེལ་བའི་བློ་གྲོས་ལ་སོགས་པ། བྱང་ཆུབ་སེམས་དཔའ་སེམས་དཔའ་ཆེན་པོ་གྲངས་མེད་པ་དང་། གཞན་ཡང
262a8 གཙོར་བྱམས་པ་ལ་གནས་པའི་དགེ་སློང་མང་པོ་དང་། དགེ་སློང་མ་མང་པོ་དང་། དགེ་བསྙེན་དང་། དགེ་བསྙེན་མ་མང་པོ་དང་། ལྷའི་ཚོགས་དང་། ཀླུའི་ཚོགས་དང་། དེ་བཞིན་དུ་གནོད་སྦྱིན་དང་།
iiif viewer powered by OpenSeadragon
