| e-texts navigator |
| Wylie |
245a1 དགའ་བོས་དེས་སྨྲས་པ་དེ་ཐོས་ནས་ཤིན་ཏུ་འཇིགས་སྐྲག་སྟེ། ཡི་དགས་དེ་ལ་འདི་སྐད་ཅེས་སྨྲས་སོ། །གལ་ཏེ་ཚེའི་དུས་བྱས་ནས་ཡི་དགས་ཀྱི་ཁམས་སུ་སྐྱེ་བར་འགྱུར་བ་འདི་ཐབས་ཅི་བྱས་ན་སྡུག་བསྔལ
245a2 དེ་ལས་ཡོངས་སུ་ཐར་བར་འགྱུར། དེ་ནས་ཡི་དགས་དེས་དགའ་བོ་ལ་འདི་སྐད་ཅེས་སྨྲས་སོ། །གལ་ཏེ་ཁྱོད་ཀྱིས་སང་གི་ཉི་མ་ལ་ཡི་དགས་གང་གཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་སྙེད་ལ་གཏོར་མ་བྱིན་ཏེ།
245a3 བྲམ་ཟེ་དང་དྲང་སྲོང་བརྒྱ་སྟོང་སྙེད་ལ་ཡུལ་དབུས་འགྱུར་ཚལ་གྱི་བྲེ་ཚད་མ་རེ་རེའི་ཞལ་ཟས་མཆིས་པ་ཕུལ་ཏེ། ཁོ་བོའི་ཕྱིར་དཀོན་མཆོག་གསུམ་ལ་མཆོད་པ་བྱས་ན་ཚེ་རིང་ཞིང་ཡི་དགས་ཀྱི་སྡུག་བསྔལ་དང་བྲལ་ཏེ
245a4 མཐོ་རིས་ཀྱི་ལྷར་འགྱུར་རོ། །དེའི་ཚེ་དགའ་བོས་ཡི་དགས་ཁ་ནས་མེ་འབར་བ། ལུས་མི་སྡུག་པ། ཤིན་ཏུ་རིད་ཅིང་སྐེམ་པ་དང་། ཁ་ནས་མེ་འབར་བ་དང་། མགྲིན་པ་མོ་ཁབ་ཙམ་ལ་སྐྲ་འཛིངས་པ་དང་། སེན་མོ་དང་མཆེ
245a5 བ་རིང་ཞིང་རྣོ་བ་ཡང་མཐོང་ལ། ཡིད་དུ་མི་འོང་མི་འདོད་པའི་ཚིག་ཀྱང་ཐོས་ནས། ལུས་སྐྱི་བུང་ཞེས་བྱེད་པ་ཙམ་དུ་འཇིགས་སྐྲག་ནས་འདུག་པ་ལས་ལངས་ཏེ་མྱུར་བར་བཅོམ་ལྡན་འདས་ག་ལ་བ་དེར་སོང་ངོ་། །
245a6 བཅོམ་ལྡན་འདས་ཀྱི་སྤྱན་སྔར་ཕྱིན་ནས་ལུས་སྨད་ལྔ་ས་ལ་གཏུགས་ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས། ལུས་འདར་བཞིན་དུ་སྡུག་བསྔལ་གྱིས་གདུངས་པའི་དཔུང་གཉེན་མཛད་དུ་གསོལ
245a7 ཞེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་བས་མཐའ་ཞིག་ན་ཆོས་ཡིད་ལ་བགྱིད་ཅིང་མཆིས་པ་ལས། ཡི་དགྶ་ཁ་ནས་མེ་འབར་བ་ཞེས་བགྱི་བ་དེ་བདག་ལ་འདི་སྐད་མཆིའོ། །ཁྱོད་ད་སྟེ་ཞག་བདུན་ན་ངེས་པར་ཚེའི་དུས
245a8 བྱས་ཏེ་ཡི་དགས་ཀྱི་ཁ~ཾསུ་སྐྱེ་བར་འགྱུར་རོ་ཞེས་མཆིའོ། །བདགིས་དེ་ལ་ཐབས་ཅི་བགྱིས་ན་ཡི་དགྶ་ཀྱི་སྡུག་བསྔལ་དེ་ལས་ཡོངསུ་ཐར་བར་འགྱུར་ཞེས་དྲིས་ན་དེས་བདག་ལ་ཁྱོད་ཀྱིས་ཡི་དགས་གང་གཱའི་ཀླུང་གི་བྱེ་མ་ཁྲག་ཁྲིག་བརྒྱ
iiif viewer powered by OpenSeadragon
