| e-texts navigator |
| Wylie |
237b1 མྱུར་དུ་ཐོབ། །ས་རྣམས་མ་ཐོབ་བར་དུ་ཡང་། །འགྲོ་བ་རྣམས་ལ་ཕན་པ་དང་། །ཤེས་རབ་སྙིང་རྗེ་ལྡན་གྱུར་ཅིང་། །ཆོས་ལ་དགའ་བ་རྣམས་ཀྱིས་བསྲུང་། །དངོས་གྲུབ་ཐོབ་སྟེ་དེ་བཞིན་གཤེགས། །རིན་ཆེན་ལས་བྱུང
237b2 ཐོབ་པར་འགྱུར། །དཔལ་ལྡན་བྱང་ཆུབ་སེམས་དཔའ་དང་། །དཔལ་ལྡན་ལྷ་མོ་ནག་མོ་ཡི། །མིང་བརྒྱ་རྩ་བརྒྱད་གང་འཛིན་པ། །ཡོན་ཏན་བརྒྱ་རྩ་བརྒྱད་ཐོབ་སྟེ། །སྐུ་གསུང་ཐུགས་ནི་གྲུབ་ནས་ཀྱང་། །ཁམས་གསུམ་ཆོས་ཀྱི་རྒྱལ
237b3 པོར་འགྱུར། །ཞེས་གསུངས་པ་དང་། བྱང་ཆུབ་སེམས་དཔའི་འཁོར་དེ་དག་དང་། དཔལ་ལྷ་མོ་ནག་མོ་ཆེན་མོ་རྣམས་ངོ་མཚར་དུ་གྱུར་ཏེ། །བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་ཞིང་མངོན་པར་བསྟོད་དོ།། །།
237b4 དཔལ་ལྷ་མོ་ནག་མོ་ཆེན་མོའི་མཚན་བརྒྱ་རྩ་བརྒྱད་པ་ཡོན་ཏན་དང་བཅས་པ། རྫོགས་སྷོ།། །། @། །ལྷའི་དབང་པོ་བརྒྱ་བྱིན་གྱིས་བསྟོད་པ། དུས་གསུམ་འཁོར་བའི་སྡུག་བསྔལ་ཆེན་པོ་དང་། །འདོད་ཆགས་ཞེ
237b5 སྡང་གཏི་མུག་གསུམ་གྱི་རྒྱུས། །སྡིག་སྨིན་ལས་གྲུབ་ལྷ་དང་ལྷ་མ་ཡིན། །དམྱལ་ཚོགས་མེ་ལྟར་འབར་བའི་གནས་འདི་རུ། །ཤ་ཁྲག་དམར་ལ་རོལ་པའི་ལྷ་མོ་ཁྱོད། །ལྷ་ཡི་གཡུལ་ངོ་རྒྱལ་བར་ཞལ་འཆེས་ལ། །
237b6 ལྷ་མ་ཡིན་གྱྀ་དཔུང་རྣམས་བརླག་པར་མཛོད། །ཅེས་བསྟོད་དོ་རྫོགས་སྷོ།། །། @། །རྒྱ་གར་སྐད་དུ། ཨཱརྱ་སབ་ཏ་བེ་ཏཱ་ཌ་ཀ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་རོ་ལངས
237b7 བདུན་པ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ
237b8 རྒོད་ཀྱི་ཕུང་པོའི་རི་ལ་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། ཕྱི་བཞིན་འབྲང་བའི་དགེ་སྦྱོང་ཚེ་དང་ལྡན་པ་ཀུན་དགའ་བོ་དང་ཡང་ཐབས་ཅིག་གོ། །
iiif viewer powered by OpenSeadragon
