| e-texts navigator |
| Wylie |
227b1 སྟེ་དྲུག་པའོ། ། །། དེ་ནས་ཡང་དག་བཤད་བྱ་བ། །སེར་བ་དབབ་པའི་ལས་བྱ་ན། །མོན་ནམ་མཛེ་ཅན་ཐོད་པ་རུ། །འཁོར་ལོ་རྩིབས་བཞི་བྲིས་ནས་ཀྱང་། །རིགས་ལྔ་ཀླུ
227b2 ཡི་ས་བོན་དགོད། །རྩིབས་ཆེན་སེར་སྲུང་མིང་རུས་དང་། །ཡུལ་དུ་ཕོབ་ཅེས་བྱ་བ་བྲིས། །དེ་མཐར་འཁོར་ལོ་རྩིབས་དགུ་ལ། །དྲེགས་པའི་སྔགས་དག་བྲི་བར་བྱ། །
227b3 རྒྱབ་དུ་གང་ཡིན་ཡུལ་མིང་དང་། །རླུང་གི་སྙིང་པོ་བྲི་བར་བྱ། །བདག་ཉིད་པད་མ་ཁྲོས་པར་བསྒོམ། །གསང་སྔགས་འདི་ཡིས་གནད་ལ་བོར། །ུ0f00་བཛྲ་མ་ཧཱ་ཀཱ་ལ
227b4 ཀྵི~ཾ་ཀྵེ་ཏྲ་བིགྷ་ནན་བི་ནཱ་ཡ་ཀ་ཧཱུ~ཾ་ཧཱུ~ཾ་ཕཊ། ནཱ་ག་སྙིང་གཟིར། ཕུ་ཧུར་ཐུམས་ཛ་ཕྲོ་ཤར་ཧྲིལ་བྷྱོ། །དེ་སྐད་ཅེས་ནི་རབ་བརྗོད་ལ། །ཡུངས་དཀར་ཡུངས་ནག་སྐེ་ཚེ་དང་། །
227b5 ཁྲག་དང་དུག་གིས་ཐོད་པར་བྲབ། །ལོ་འབྲས་རླུང་ཁྱེར་རྟགས་བྱུང་ན། །དགྲ་ཡི་ཡུལ་དུ་དབབ་པར་བྱ། །གལ་ཏེ་འཇིག་རྟེན་ཕུང་བ་བའོ། །དཔལ་མགོན་པོ་ནག
227b6 པོའི་རྒྱུད་ལས་སེར་བ་དབབ་པའི་ལེའུ་སྟེ་བདུན་པའོ། ། །། དེ་ནས་ཡང་དག་ངེས་གསུངས་པ། །ེ་མ་འཁོར་འདུས་ངོ་མཚར་ཅན། །མ་འོངས་དམ་ཅན
227b7 བསྒྲུབ་བྱེད་ན། །དམ་ཚིག་ལ་གནས་སྡོམ་པ་གཟུངས། །གཏོར་མ་དག་ལ་བརྩོན་པར་བྱ། །དམ་རྫས་བླ་རྡོ་ལུས་ལ་བསྲེལ། །ཞེས་གསུངས་པས་རྒྱལ་པོ་མིག་མི
227b8 བཟང་ལ་སོགས་པའི་འཁོར་རྣཾས་ཡི་རང་ནས་ནག་པོ་ཆེན་པོས་བསྟན་པ་བསྲུང་བར་ཁས་བླངས་ནས་མི་སྣང་བར་གྱུར་ཏོ། །དཔལ་ནག་པོ་ཆེན་པོའི་རྒྱུད་ལས་ལེའུ་བརྒྱད་པ་རྫོགས་སྷོ།། །། རྒྱ་གར་གྱི་མཁན་པོ་ཨ་མོ་གྷ་བཛྲ་དང་། བོད་ཀྱི
iiif viewer powered by OpenSeadragon
