| e-texts navigator |
| Wylie |
225b1 པའི་རྟའི་རྒྱལ་པོ་ཞེས་བྱ་བ། རྒྱལ་པོ་ཆེན་པོ་བཞི་ལ་སོགས་པའི་འཁོར་གྱིས་བསྐོར་ཏེ། དྲེག་པ་ཅན་འདུལ་བའི་ཏིང་ངེ་འཛིན་ལ་སྙོམས་པར་ཞུགས་ནས་ལྕགས་ཀྱུའི་ཕྱག་རྒྱ་བཅས་ནས། ཨུ0f00་བཛྲ
225b2 ཀྲོ་དྷ་ཧ་ཡ་གྲཱི་བ་ཧཱུ~ཾ་ཧུ་ལུ་ཧུ་ལུ་ཧཱུ~ཾ་བ~ཾ་ཞེས་བརྗོད་པས་དུར་ཁྲོད་ཧ་ཧ་དྲག་དུ་རྒོད་པའི་གནས་ནག་པོ་ཆེན་པོ། རང་དབང་མེད་པར་མཐར་བྱེད་རྟའི་རྒྱལ་པོའི་མངོན་དུ་བྱུང་སྟེ་ལས་ཅི་བྱ་ཟེར་ཞིང་རང་རྟགས་སྲོག་གི་སྙིང་པོ་འདི་མདོངས་གསོལ་དུ་ཕུལ་བ། ཨོཾ་བཛྲ་མ་ཧཱ་ཀཱ་ལ་ཀྵི~ཾ་ཀྵེ་ཏྲ་བིགྷ་ནན་བི་ནཱ
225b3 ཡ་ཀ་ཧཱུ~ཾ་ཧཱུ~ཾ་ཕཊ་ཅེས་ཕུལ་ལོ། །དཔལ་ནག་པོ་ཆེན་པོའི་རྒྱུད་ལས་གླེང་གཞིའི་ལེའུ་སྟེ་དང་པོའོ།། །། དེ་ནས་རྒྱལ་པོ་མིག་མི་བཟང་གིས་མཐར་བྱེད་རྟའི་རྒྱལ་པོ་ལ་འདི་སྐད་ཅེས་གསོལ་ཏོ། །
225b4 ཨེ་མ་པད་མ་ཁྲོས་པའི་བདག་།ནག་པོ་ཆེན་པོ་དྲག་ཤུལ་ཅན། །གསང་བའི་སྒྲུབ་པ་བཤད་དུ་གསོལ། །མགོན་པོ་སྒྲུབ་པར་བྱ་བ་གང་། །བསད་ཅིང་ལུས་སྲོག་དབྱེ་བ་དང་། །མ་གྲུབ་ཤི་ས་བསྟན
225b5 པ་དང་། །མགོན་པོའི་རྟགས་དང་སེར་བ་རྣམས། །རྟ་མཆོག་ཆེན་པོས་བདག་ལ་གསོལ། །ཞེས་ཞུས་པས། དེ་ནས་པད་མ་ཁྲོས་པ་ཡིས། །ནག་པོའི་སྒྲུབ་ཐབས་ཆེད་དུ་བརྗོད། །དམ་ཚིག་ལྡན་པའི
225b6 སྔགས་པ་ཡིས། །སངས་རྒྱས་བསྟན་པ་བསྲུང་སླད་དུ། །གཟའ་སྐར་ཚེས་གྲངས་ཤིས་པ་ལ། །དུར་ཁྲོད་ལ་སོགས་ཤིང་གཅིག་ཏུ། །བསོད་ནམས་ཚོགས་ནི་བསགས་བྱས་ལ། །ནག་པོ
225b7 ཆེན་པོ་བསྒྲུབ་པར་བྱ། །ཕུང་བ་འམ་ས་ནག་དག་ལ་ནི། །སྟེགས་བུ་གྲུ་བཞི་བྱས་ནས་ནི། །དྲི་སྤོས་ཁྲག་གིས་ཆག་ཆག་བྱ། །དབུསུ་གྲུ་གསུམ་ཟླ་ཁམ་ལྡན། །ཕྱི་རོལ་པད་མ་འདབ་བརྒྱད་བྲི། །
225b8 དེ་དབུས་ཐོད་ཆེན་ནང་དུ་ནི། །ཤ་ལྔ་སྙིང་སྣས་བརྒྱན་པ་ཡི། །གཏོར་མ་བཤོས་བུ་ཁྲུ་གང་ཚད། །དེ་ལ་མདའ་གཟུགས་དམར་ནག་དར། །གྲི་སྙིང་ཙ་ཀ་ལི་ཡང་གཟུགས། །དེ་ཉིད་མགོན་པོའི་རྟེན་དུ་བཞག་།
iiif viewer powered by OpenSeadragon
