| e-texts navigator |
| Wylie |
225a1 དུ་བཞུགས་པར་བྱའོ། །དེ་ནས་འོ་མའི་ཆུ་རྒྱུན་གཏོར་བཞིན་པའི་སྔགས་པས་འགྲོ་བར་བྱ་ཞིང་། དེའི་རྒྱབ་ནས་དེ་ནས་བྲི་བར་ཁྱིམ་དུ་གཞུག་པར་བྱའོ། །དེའི་རྗེས་ལ་འབྲུའི་མཛོད
225a2 ཁང་དུ་ཕྱག་རྒྱ་གཞག་པར་བྱའོ། །དེ་ནས་མཛོད་ཀྱི་ཁང་པའི་སྒོ་རུ་དགེ་འདུན་གྱི་སྟོན་མོ་བྱས་ལ་དྲི་དང་། མེ་ཏོག་དང་། བདུག་པ་ལ་སྩོགས་པས་མཆོད་དོ། །ནོར་རྒྱུན་མའི་གཟུངས་རྫོགས
225a3 པར་བཀླག་པར་བྱའོ། །གཏོར་མ་རྒྱ་ཆེན་པོ་བྱས་ལ་ཐང་ཀའི་མདུན་དུ་དེ་ནས་སྐྱེས་བུས་འབྲུ་ཕྱིར་འབྱིན་པར་བྱེད་དེ། བཅྡོཾས་མ་དང་འདྲ་བར་བསམ་ལ་གུར་གུམ་གྱིས་གྲོ་ག་ལ་སྔགས་བྲིས་ལ་སྤྱི་བོར
225a4 བཅིངས་ལ་ཁ་གོས་ཀྱིས་བཀབ་ལ་ཉི་མ་རེ་རེ་ཞིང་འབྲུ་ཕྱིར་དབྱུང་བར་བྱའོ། །མཛོད་ཁང་གི་སྒོ་རུ་ཉིན་རོ་ནོར་རྒྱུན་མ་ཞེས་བྱ་བའི་གཟུངས་ཀྱི་མདོ་བགླག་པར་བྱའོ། །སྔགས་པས་བསྒྲུབ་བྱའི
225a5 སྔགས་བལྟས་ལ་དུས་གསུམ་དུ་བརྒྱད་བརྒྱ་བཟླས་པར་བྱའོ། །ཇི་ལྟར་རྙེད་པའི་བཅྡོཾས་མ་ནོར་རྒྱུན་མའི་གཟུངས་ཀྱི་རྟོག་པ་རྫོགས་སྷོ།། །། @#། །རྒྱ་གར་སྐད་དུ། ཤྲཱི་མ་ཧཱ་ཀཱ་ལ་ཏན་ཏྲ།
225a6 བོད་སྐད་དུ། དཔལ་ནག་པོ་ཆེན་པོའི་རྒྱུད། དབང་གི་རྟ་མཆོག་སྐུ་ལ་ཕྱག་འཚལོ། །འདི་སྐད་བདག་གིས་ཐོས་པ་དུས་གཅིག་ན། ཤར་ལྷོའི་དུར་ཁྲོད་ཆེན་པོ་ཧ་ཧ་གྲག་དུ་རྒོད་པའི་གནས
225a7 ཤིང་ཙན་དན་གྱི་ནགས་འཚལ་རབ་དུ་དགའ་བའི་མིང་ཞེས་བྱ་བ་མི་མ་ཡིན་ཕོ་མོ་མང་པོ་འདུས་པའི་ཕོ་བྲང་དུ། དཔལ་ནག་པོ་ཆེན་པོ་ཞེས་བྱ་བ་བི་ནཱ་ཡ་ཀ་ལ་སོགས་ཏེ། དེའི་ཚེ་འཁོར་གདུག་པ་ཅན
225a8 རྣམས་ཀྱི་དབུས་ན། སྐྱེ་འགྲོ་སེམས་ཅན་རྣམས་ཀྱི་སྲོག་དབུགས་ལ་དབང་བྱེད་པའི་ནག་པོ་ཆེན་པོ་ཞེས་བྱ་བ་ཅིག་ཡོད་དོ། །དེའི་ཚེ་དེའི་དུས་ན་ནུབ་ཕྱོགས་ཀྱི་འཇིག་རྟེན་གྱི་ཁམས་ན། མཐར་བྱེད
iiif viewer powered by OpenSeadragon
