| e-texts navigator |
| Wylie |
212a1 སྟོང་ཕྲག་དུ་མ་བསྐོར་བ་བྱས་ཏེ། ཕྱག་འཚལ་ནས་སྤྱན་སྔར་འདུག་སྟེ། སྙེམས་པ་དང་བཅས་པས་སྐྱིལ་མོ་དཀྲུང་ལེགས་པར་བཅས་པས་འཁོར་དེ་རྣམས་ལ་བལྟས་ཏེ། རྡོ་རྗེ་ཐལ་མོ་རང་གི་སྙིང་གར་སྦྱར་ནས
212a2 བཅྡོཾས་ལ་འདི་སྐད་ཅེས་གསོལ་ཏོ། །བཅྡོཾས་གཟའ་རྣམས་ནི་གཏུམ་ཞིང་གཏུམ་པའི་གཟུགས་ཅན། དྲག་ཅིང་དྲག་པའི་གཟུགས་ཅན། ཁྲོ་ཞིང་ཁྲོ་བའི་སེམས་ཀྱི་སེམས་ཅན་རྣམས་ལ་རྣམ་པར་འཚེ་ཞིང་གནོད་པར
212a3 བགྱིད་ལ་མདངས་འཕྲོག་པར་བགྱིད་དེ། ཁ་ཅིག་ནི་ནོར་རྫས་འཕྲོག་པར་བགྱིད། ཁ་ཅིག་ནི་སྲོག་འཕྲོག་པར་བགྱིད། སེམས་ཅན་ཚེ་རིང་པོ་ཁ་ཅིག་ནི་ཚེ་ཐུང་བར་བགྱིད། དེ་ལྟར་སེམས་ཅན་རྣམས་ལ་གནོད་པས
212a4 འཚེ་བར་བགྱིད་པས་ན། དེའི་ཕྱིར་བཅྡོཾས་ཀྱིས་ཆོས་ཀྱི་རྣམ་གྲངས་གང་གིས་སེམས་ཅན་རྣམས་ལ་བསྲུང་བར་འགྱུར་བ་བཤད་དུ་གསོལ། བཅྡོ~ཾས་ཀྱིས་བཀའ་སྩལ་པ། ལག་ན་རྡོ་རྗེ་གང་ཁྱོད
212a5 ཀྱིས་སེམས་ཅན་རྣམས་ལ་ཕན་པར་བྱ་བའི་དོན་དུ་སྙིང་རྗེ་བསྐྱེད་ནས། གསང་བ་ཆེན་པོ་ཤིན་དུ་གསང་བ་དེ་བཞིན་གཤེགས་པ་ལ་ཞུ་བར་བྱེད་པ་ལེགསོ་ལེགས་སོ། །དེ་དག་ངས་བཤད་ཀྱིས་ཉོན་ལ་ལེགས
212a6 པར་རབ་ཏུ་ཟུངས་ལ་ཡིད་ལ་གྱིས་ཤིག་། གཟའ་རྣམས་གཏུམ་པའི་གཟུགས་ལ་ཤིན་དུ་ཁྲོ་ཞིང་འཇིགས་པ་རྣམས་ལ་མཆོད་པ་བཟང་པོ་མཆོད་ཡོན་དང་བཟླས་བརྗོད་བཟང་པོ་གསང་བ་ལས་ཆེས་གསང་བ
212a7 ངས་བཤད་པར་བྱའོ། །དེ་དག་མཆོད་པས་མཆོད་འགྱུར་ཞིང་། །གནོད་པ་བྱས་ན་གནོད་བྱེད་པ། །གཟའ་དེ་ཀུན་གྱི་ཁ་དོག་དང་། །ཇི་ལྟར་དགའ་བར་འགྱུར་བ་དང་། །ལྷ་རྣམས་དང་ནི་ལྷ་མིན་དང་། །མི་འམ་ཅི
212a8 དང་ཀླུ་དག་དང་། །གནོད་སྦྱིན་རྣམས་དང་སྲིན་པོ་དང་། །སྲུལ་པོ་དང་ནི་མི་རྣམས་དང་། །དྲག་པོ་གཟི་བརྗིད་ཆེན་པོ་དག་།ཁྲོས་པ་ཞི་བར་བྱེད་པ་ཡི། །གསང་སྔགས་རྣམས་དང་མཆོད་པ་དག་།རིམ་པ་བཞིན་དུ་བཤད་པར་བྱ། །
iiif viewer powered by OpenSeadragon
