| e-texts navigator |
| Wylie |
210a1 ལ་སོགས་པའི་སྔགས་འབུམ་ཕྲགཅིག་བཟླས་པ་དང་། ཀ་ཀའི་ཐོད་པའི་ནང་དུ་སེར་བ་དངོས་སུ་གསུམ་འམ་བདུན་ནམ་བརྒྱད་བྱུང་བ་དང་། དགྲའི་ཡུལ་དུ་བསྐྱལ་ཏེ་སྔགས་བཟློག་ནས་བཟླས
210a2 པས་འབབ་བོ། །གལ་ཏེ་མ་བབས་ན་ཚོགས་ཀྱི་བདག་པོའི་སྐུ་དབུ་ཐུར་ལ་སྟན། ཞབས་གྱེན་ལ་བསྟན་པ་དགྲ་བོའི་ཡུལ་གྱི་དབུས་སུ་སྦའོ། །མོད་ལ་སེར་བ་འབབ་ཏེ། བྱ་ཀ་ལན་ད་ཀའི་སྒོ་ང་ཙམ་དང་། དབྱིབས
210a3 དམར་པོ་ཤ་བའི་རླིག་འབྲས་ཙམ་པ་ཡུན་རིང་པོར་འབབ་པོ། །ལོ་ཏོག་འཇོམས་པའི་སྔགས་ནི་བྲུ~ཾ་ཞེས་པས་བྱའོ། །དེ་གཅོད་པར་འདོད་ན་ནི་སྐུ་དང་ཀ་ཀི་མ་ཕྱུང་བར་ལ་ཉི་མ་རེ་རེར་འབབ་པས་དབྱུང་བར་བྱའོ། །
210a4 ཚོགས་ཀྱི་བདག་པོའི་སྐུ་ལ་མཆོད་པ་འབུལ་བར་བྱའོ། །གསང་སྔགས་ཀྱང་དབུ་ཞབས་མ་ནོར་བར་རིན་པོ་ཆེའི་ཕྲེང་བ་བརྒྱ་རྩ་བརྒྱད་བཟླས་པར་བྱའོ། །སྐུ་ཁྲུས་གསོལ་བ་བདག་གི་དཀྱིལ་འཁོར་གྱི་དབུསུ
210a5 བཞུགས་སུ་གསོལོ། །དེ་ལ་སོགས་པ་མཐའ་ཡས་མཆོག་།ཚོགས་ཀྱི་བདག་པོས་བྱེད་པ་ཡིན། །ཕྱག་འཚལ་དཔལ་ལྡན་ཚོགས་བདག་དགྱེས། །ཕྱག་འཚལ་དཔལ་ལྡན་ཚོགས་བདག་ཆེ། །
210a6 ཕྱག་འཚལ་དཔལ་ལྡན་ཞི་ཁྲོ་ཆེ། །དངོས་གྲུབ་འབྱུང་བའི་རྒྱུད་ལས་ཚོགས་ཀྱི་བདག་པོ་ལ་བསྟོད་པའི་ལེའུ་སྟེ་བཅཝ་ལྔ་པའོ།། །།ཚོགས་ཀྱི་བདག་པོའི་རྒྱུད་དངོས་གྲུབ་འབྱུང་བ་ཞེས་བྱ་བ། རྫོགས་སྷོ།། །།
210a7 རྒྱ་གར་གྱི་མཁན་པོ་དཱི་པ~ཾ་ཀ་ར་ཤྲཱི་ཛྙཱ་ནས། འཇིག་རྟེན་དངོས་གྲུབ་ཆེད་དུ་ནི། །རྒྱ་གར་ཡུལ་ནས་བསྣམས་ནས་བྱོན། །རྒྱལ་བའི་འབྱུང་གནས་གཏད་པ་ཡིན། །རྒྱུད་འདི་བསམ་པ་འགྲུབ་པ་ཡིན།། །།
210a8 @##། །རྒྱ་གར་སྐད་དུ། ཨཱརྱ་ག་ཎ་པ་ཏི་ཧྲྀ་ད་ཡ། བོད་སྐད་དུ། འཕགས་པ་ཚོགས་ཀྱི་བདག་པོའི་སྙིང་པོའོ། ། སངས་རྒྱས་དང་བྱང་ཆུབ་སེམས་དཔའ་ཐ~ཾད་ལ་ཕྱག་འཚལོ། །འདི་སྐད
iiif viewer powered by OpenSeadragon
