| e-texts navigator |
| Wylie |
208b1 ནག་པོ་དང་། སྐེ་ཚེ་དང་། ཡུངས་ཀར་དང་། ཡུང་ནག་གཞག་པར་བྱའོ། །ཚོགས་བདག་ཆེན་པོའི་དཀྱིལ་འཁོར་གྱི་ལེའུ་སྟེ་བཅུ་གཅིག་པའོ།། །། དེ་ནས་གཞན་ཡང་བཤད་པར་བྱ། །བསྒོམ་པའི་རིམ་པ་འདི་ལྟ་བུ། །མ་བྱུང
208b2 འབྱུང་བར་མི་འགྱུར་བས། །ཤིན་དུ་གསང་སྟེ་བསྒྲུབ་པར་བྱ། །ཡ་ཡི་རང་བཞིན་སྟོང་པ་ལས། །སྣང་བ་རང་བཞིན་ཧཱུ~ཾ་དང་ནི། །ཡ་ཚོགས་བརྒྱད་པའི་ས་བོན་འབྱུང་། །མིང་གི་སྔགས་ལས་རབ་ཏུ་བསྐྱེད། །ཁྲོ་བོའི་སྤྲུལ་པས་སྟོང
208b3 གསུམ་བཀང་། །འོད་བསྡུས་ཐོག་མའི་ཧཱུ~ཾ་ལ་འདུས། །ཚོགས་ཀྱི་བདག་པོ་ཆེན་པོ་དེ། །འགྲོ་བའི་དོན་དུ་བཞེངས་པ་ནི། །ཁྲོ་བོ་ཆེན་པོ་འཇིགས་པའི་གཟུགས། །ཡུམ་དང་འཁོར་ཡང་རྫོགས་པར་བསྐྱེད། །ཕུ་བརྒྱད་ཀླུ་བརྒྱད
208b4 སེམས་དཔའི་ཚུལ། །རྒྱལ་པོ་དེ་བཞིན་ཁྲོ་བོའི་ཚུལ། །ཡི་གེ་བྷཻ་དང་མིང་ལས་བསྐྱེད། །འོད་ཟེར་ཚུལ་དུ་གྱིས་སྤྱན་དྲངས་ལ། །ཛ་དང་ཛ་ཡི་འཕྲོ་འདུ་དང་། །ཧཱུ~ཾ་དང་ཧཱུ~ཾ་གི་གསང་སྔགས་དང་། །ལྕགས་ཀྱུའི་ཕྱག་རྒྱས་སྤྱན་དྲངས
208b5 ལ། །ནུས་པའི་མཐུ་དང་ལྡན་པར་བྱ། །མཆོད་དང་གཏོར་མ་སྟབ་པར་བྱ། །བཱ་ལིང་གྲྀཧྞ་ཁ་ཡི་སྔགས། །སྙིང་པོ་དག་དང་སྤེལ་བར་བྱ། །བསྒོམ་པའི་རིམ་པའི་ལེའུ་སྟེ། བཅུ་གཉིས་པའོ།། །། དེ་ནས་གསང
208b6 སྔགས་རྒྱལ་པོ་ནི། །དབྱངས་ཡིག་གསལ་བྱེད་དག་ལ་བཏུ། །དང་པོ་བཞི་པ་དེ་རྗེས་བྲི། །བཞི་པའི་ལྔ་པ་གྲལ་ལ་བཞག་།ཡིད་བཞིན་ནོར་བུ་ཡི་གེ་དང་། །དེ་ཡི་རྗེས་སུ་བསམ་པར་བྱ། །དེ་བཞིན་གཤེགས་པའི
208b7 མཚན་དང་པོ། །དེ་ཡི་རྗེསུ་བརྗོད་པར་བྱ། །དེ་ལ་དབྱངས་ཡིག་བརྒྱད་པས་བརྒྱན། །དགུག་པའི་ཡི་གེ་དག་དང་ནི། །འབྱུང་བ་རླུང་གི་ཡི་གེ་ལ། །དབྱངས་ཡིག་གཉིས་པ་སྦྱར་བ་ཡིས། །རྒྱལ་བའི་རྒྱལ
208b8 པོ་ཞེས་བྱའོ། །ཡིད་བཞིན་ནོར་བུའི་ཡི་གེ་ལ། །དབྱངས་ཡིག་གཉིས་པ་སྦྱར་བར་བྱ། །ཉི་མ་ཡི་ནི་ཡི་གེ་དང་། །བཞི་པའི་ལྔ་པ་དེ་ནས་བྲི། །དེ་ལ་དབྱངས་ཡིག་བརྒྱད་པས་བརྒྱན། །གཉིས་པའི་བཞི་པའི
iiif viewer powered by OpenSeadragon
