| e-texts navigator |
| Wylie |
207a1 མཆོད་པ་རབ་ཏུ་གནས་པ་བྱ། །བ་ར་ཞེས་བྱའི་གསང་སྔགས་ནི། །འབུམ་ཕྲག་གཅིག་ཏུ་བཟླས་པ་ཡིས། །སྐུ་གཟུགས་བཞུགས་པའི་ཁྱིམ་དེར་ནི། །ནོར་རྣམས་ཐམས་ཅད་འཕེལ་བར་འགྱུར། །གསེར
207a2 གྱི་ཚོགས་བདག་མཐོང་བ་ཡིས། །བགེགས་རྣམས་ཐ~ཾད་ནོར་འབུལ་འགྱུར། །བགེགས་ཀྱིས་གནོད་པ་མི་ནུས་ཏེ། །རྒྱལ་པོ་བཞིན་དུ་མཆོད་པར་འགྱུར། །གསེར་གྱི་ཚོགས་བདག་གནས་པ་ཡི། །ས་ཕྱོགས་རིན
207a3 ཆེན་ཆར་པ་འབེབས། །གསེར་གྱི་ཚོགས་ཀྱི་བདག་པོ་ལ། །བགེགས་ཀྱི་རྒྱལ་པོ་ཐ~ཾད་ཀྱིས། །ནོར་རྣམས་ཐ~ཾད་འབུལ་བ་ཡིན། །བདག་ཉིད་ཕུན་སུམ་ཚོགས་པར་འགྱུར། །ཚོགས་ཀྱི་བདག་པོའི་སྐུ་གཟུགས
207a4 མཆོག་། བྱས་པའི་ཡོན་ཏན་རྣམས་ལ་ནི། །གནོད་སྦྱིན་རྣམས་ཀྱིས་གཏེར་ཁ་འབྱེད། །སྐྱེ་བ་འདི་དང་ཕྱི་མ་ལ། །རྟག་ཏུ་ཡོ་བྱད་འཕེལ་བར་འགྱུར། །ནོར་གྱི་བདག་པོ་རྣམ་ཐོས་བུས། །རྒྱལ་པོ་བཞིན་དུ་སྙེན
207a5 བཀུར་བྱེད། །དེ་ནས་དཔལ་ལྡན་ཚོགས་བདག་གིས། །སྐུ་གཟུགས་དཀྱིལ་འཁོར་གྲུ་བཞིར་གཞག་།བྷ་ག་ཞེས་བྱའི་གསང་སྔགས་ནི། །བཟླས་པ་འབུམ་དུ་བྱས་པ་ཡིས། །ཚེ་དེ་ཉིད་ལ་དངོས་གྲུབ་ནི། །ཅི་འདོད་པ
207a6 ནི་སྦྱིན་པར་མཛད། །ལྷ་ཡི་རྒྱལ་པོའི་མངའ་ཐང་ནི། །སྒྲུབ་པ་པོ་ལ་སྩོལ་བར་མཛད། །ཤིན་དུ་ཐུགས་རྗེའི་བདག་ཉིད་པས། །དཔལ་ལྡན་ཚོགས་བདག་ཐུགས་རྗེ་ཅན། །ཐུགས་རྗེའི་ཕུང་པོས་དབུལ་བ་སྐྱོབ། །
207a7 ནོར་ལྷ་ཆེན་པོའི་བདག་ཉིད་འདི། །དར་རམ་རས་ལ་ལེགས་བྲིས་ཏེ། །རྒྱལ་གྱི་ཉིན་པར་སྤྱན་ཕྱེ་ནས། །གང་གི་ཁྱིམ་དུ་བཞུགས་པ་དེའི། །ས་ཕྱོགས་དེ་ནི་བཀྲ་ཤིས་འགྱུར། །ཟངས་ལ་ཚོགས་བདག་ཆེན་པོའི་སྐུ། །
207a8 མཁས་པས་ལེགས་པར་བཟོ་བྱས་ཏེ། །ཙན་དན་དམར་པོས་བྱུགས་པའི་སར། །མཎ་ཌལ་སྟེང་དུ་ལེགས་པར་བཞག་།བན་དུ་ཀ་ཡི་མེ་ཏོག་དང་། །པདྨ་རཱ་ག་རིན་ཆེན་དང་། །མེ་ཏོག་དམར་པོ་ཀུན་གྱིས་མཆོད། །བྲུ~ཾ་ཞེས་བྱ་བའི་རིག་སྔགས་བཟླས། །
iiif viewer powered by OpenSeadragon
