| e-texts navigator |
| Wylie |
206b1 ཚེ་འདི་ཉིད་ལ་འཁོར་ལོ་སྒྱུར་བའི་རྒྱལ་པོ་དང་བསོད་ནམས་མཉམ་པར་འགྱུརོ། །མེ་ཏོག་དཀར་པོས་མཆོད་ན་རྒྱལ་པོ་ལ་སོགས་པས་ཕམ་པར་མི་འགྱུར་རོ། །རྒྱལ་པོ་ལ་སོགས་པ་སྒྲུབ་པར་འགྱུར་རོ། །རྒྱལ་པོ་དང་བློན་པོ་ལ་སོགས
206b2 པ་བདག་གིས་དབང་དུ་འདུས་པར་འགྱུར་རོ། །དངོས་གྲུབ་སྒྲུབ་པའི་ཞལ་ཟས་བསྟན་པའི་ལེའུ་སྟེ་དགུ་པའོ།། །། དེ་ནས་ཆོ་ག་བཤད་པར་བྱ། །དངུལ་ཞེས་བྱ་བའི་རིན་ཆེན་ལ། །ཚོགས་བདག་ཆེན་པོའི་གཟུགས་བྱས་ཏེ། །
206b3 ཡིད་བཞིན་ནོར་བུ་ལག་ན་ཐོགས། །དཀྱིལ་འཁོར་ཆེན་པོ་ཁྲུ་གང་ཚད། །རིན་ཆེན་མེ་ཏོག་དཀར་པོ་དགྲམ། །གསང་སྔགས་འབུམ་དུ་བཟླས་བྱས་པས། །ནད་དང་སྡུག་བསྔལ་ཞི་བར་འགྱུར། །ཤེལ་དང་དུང་ལས་ཚོགས
206b4 བདག་སྐུ། །མཁས་པས་ཇི་ལྟར་འབྱོར་བར་བྱ། །སྡུག་བསྔལ་ཐ~ཾད་སེལ་བར་འགྱུར། །རིན་ཆེན་ཤེལ་ལས་ཚོགས་བདག་སྐུ། །མཐེ་འོང་གི་ནི་ཚད་ཙམ་བྱ། །སེ་ན་པྲ་ཞེས་བྱ་བའི་སྔགས། །རིག་པ་འབུམ
206b5 དུ་བཟླས་བྱས་ཏེ། །ཤེལ་གྱི་སྐུ་དེ་ཁྲུས་བྱས་ནས། །སྐར་མ་རྒྱལ་གྱི་ཉིན་པར་ནི། །བདག་ཉིད་ཤར་དུ་ཁ་ལྟས་ནས། །གོས་དཀར་གྱོན་ཏེ་ཁྲུས་བྱས་ལ། །ཐལ་སྦྱར་ཡིད་ཀྱིས་གསོལ་བ་གདབ། །བདག་ལ
206b6 གནོད་པའི་བགེགས་གང་ཡིན། །ཤེལ་གྱི་སྐུ་དེ་མེ་ལོང་སྟེང་། །མི་གཡོ་མི་འགུལ་རབ་ཏུ་བཞུགས། །བདག་ཉིད་ཁྲུས་བྱས་ཤར་དུ་བལྟ། །ཛ་ར་པ་དང་རྐུན་མ་ནི། །གང་ཡིན་མེ་ལོང་ནང་དུ་འབྱུང་། །དེ་ཚེ་དེ་ཡི་ངོས
206b7 ཟིན་འགྱུར། །ཚོགས་བདག་ཤེལ་གྱི་སྐུ་དེ་ནི། །མཆོད་པ་རབ་གསལ་ལེགས་བྱས་ལ། །ན་ག་ཀུ་རུ་ཞེས་བྱ་བའི། །རིག་པ་འབུམ་དུ་བཟླས་བྱས་ན། །ནད་དང་སྡུག་སྔལ་གྱིས་ཉེན་ལ། །སྐུ་དེ་བསྟན་པ་ཙམ་གྱིས
206b8 ནི། །ནད་རྣམས་ཐ~ཾད་སོས་པར་འགྱུར། །སྡུག་བསྔལ་ལས་ཀྱང་ཐར་བར་འགྱུར། །ཞི་བ་ཆེན་པོའི་ཆོ་ག་ཡིན། །རིན་ཆེན་གསེར་ཞེས་བྱ་བ་ལ། །ཚོགས་བདག་ཆེན་པོའི་སྐུ་བྱས་ཏེ། །རྒྱལ་གྱི་ཉིན་པར་མིག་ཕྱེ་ནས། །
iiif viewer powered by OpenSeadragon
