| e-texts navigator |
| Wylie |
206a1 པའི་བུམ་པ་ཡིས། །མེ་ཏོག་དཀར་པོའི་དྲི་ཡི་ནི། །འདག་ཆལ་ལྡན་པས་ཁྲུས་བྱའོ། །དེ་ནས་དེ་མ་ཐག་ཏུ་ནི། །དཀྱིལ་འཁོར་དབུསུ་སྤྱན་དྲངས་ལ། །མེ་ཏོག་དཀར་པོ་དབུལ་བར་བྱ། །ལ་ཕུག་ལ
206a2 དུར་བཅས་པ་ཡི། །གཏོར་མ་ཆེན་པོའང་དེ་ནས་དབུལ། །སྤོས་དང་དྲི་དང་མར་མེ་དང་། །ལྷ་བཤོས་དག་གིས་མཆོད་པར་བྱ། །གསང་སྔགས་འདི་ལ་ཕུག་དང་། །ལ་དུ་དང་། ཆུ་དང་། དཀར་གསུམ་གཏོར་མས
206a3 ཚོགས་ཀྱི་བདག་པོ་ལ་ཕུལ་ཏེ། སྤོས་དང་མེ་ཏོག་རྣམས་ཀྱང་དབུལ། དེ་ལྟར་བྱས་ན་ཕྱི་བགེགས་བྱེད་པར་མི་ནུསོ། །ཚོགས་ཀྱི་བདག་པོ་མཆོད་པའི་ལེའུ་སྟེ་བརྒྱད་པའོ།། །། དེ་ནས་ལ་ཕུག་ཞེས
206a4 བྱ་བ། །རོ་བརྒྱད་ལྡན་པ་ཡུངས་མ་སྟེ། །ཟས་རྣམས་ཀུན་གྱི་མཆོག་ཀྱང་ཡིན། །རོ་མཆོག་བརྒྱད་དང་ལྡན་པ་ཡིན། །ཁ་དང་སྐྱུར་དང་སྐ་བ་དང་། །མངར་དང་ཚ་དང་ལན་ཚྭའི་རོ། །བཞུན་དང་བྲོ་མཆོག
206a5 ཆེ་བ་ཡིན། །ནད་སྣ་བརྒྱད་ཀྱི་གཉེན་པོ་ཡིན། །མཁྲིས་པ་བད་ཀན་འདུས་པ་དང་། །ཁྲག་དང་ཆུ་སེར་མ་ཞུ་བ། །རླུང་དང་རིམས་ནད་ཀུན་ལ་ཕན། །འདི་འདྲ་བྱུང་བའི་ཁ་ཟས་མེད། །ལྷ་རྣམས་ཀུན་གྱི་མཆུ
206a6 ཡང་འགུལ། །དངོས་གྲུབ་འགྲུབ་པའི་ཞལ་ཟས་ཡིན། །ཚོགས་ཀྱི་བདག་པོ་མཆོད་པར་བྱ། །ལ་དུ་ཞེས་བྱའི་ཞལ་ཟས་ནི། །མངར་གསུམ་འབྲས་བུ་གསུམ་པ་ནི། །དེ་བཞིན་ཞིམ་པའི་སྤོས་ཀྱིས་བྲན། །བག་ཟན་གྱི་ནི
206a7 རི་ལུ་བྱ། །འོ་མ་མར་དུ་བཙོས་བྱས་ལ། །ཚོགས་པའི་གཏོར་མ་ཆེན་པོ་བྱ། །མར་དང་མཁུར་བ་མངར་གསུམ་དང་། །འཐུན་པའི་ཞལ་ཟས་སྣ་ཚོགས་ཀྱིས། །ཚོགས་བདག་ཆེན་པོ་མཆོད་པར་བྱ། །དེ་ལྟར་ཚོགས་ཀྱི་བདག་པོ
206a8 ལའོ། །ཚོགས་ཀྱི་བདག་པོའི་སྐུ་གཟུགས་ལག་པ་གཡས་པའི་མཐིལ་དུ་བཞུགས་ལ། སེཾས་གཞན་དུ་མ་ཡིངས་པར་བཟླས་བརྗོད་འབུམ་བྱས་ལ། ལ་ཕུག་ལ་སྔགས་ཀྱིས་བཏབ་སྟེ་ཚོགས་ཀྱི་བདག་པོ་མཆོད་ན
iiif viewer powered by OpenSeadragon
