| e-texts navigator |
| Wylie |
205b1 བཞི་པའི་གསུམ་པས་དེ་ནས་བརྗོད། །དངོས་གྲུབ་བསྒྲུབ་པའི་ཡི་གེ་ནི། །དེ་ཡི་རྗེས་ལ་བྲི་བར་བྱ། །གསང་སྔགས་དྲག་པོའི་ཡི་གེ་ཡང་། །ཀུན་གྱི་མཐར་ནི་བརྗོད་པར་བྱ། །གསང་སྔགས་འདི་ཡི
205b2 དངོས་གྲུབ་ནི། །འཇིག་རྟེན་དབང་ཕྱུག་ཉིད་ཀྱིས་བྱིན། །དགོས་པ་ཐ~ཾད་གྲུབ་པར་འགྱུར། །ཚོགས་བདག་ཆེན་པོའི་གསང་སྔགས་བསྟན་པའི་ལེའུ་སྟེ་དྲུག་པའོ།། །། དེ་ནས་གཞན་ཡང
205b3 གསུངས་པ་ནི། །དངོས་གྲུབ་ཐ~ཾད་སྒྲུབ་པ་ཡི། །མཚན་གྱི་གསང་སྔགས་ཞེས་བྱ་བའི། །དངོས་གྲུབ་བསྒྲུབ་པའི་སྙིང་པོ་ནི། །དཔལ་དང་ཡ~ཾ་གི་ཡི་གེ་སྟེ། །ུ0f00་ཞེས་བྱ་བ་མགོ་ལ
205b4 བཞག་། ཡིད་བཞིན་ནོར་བུའི་ཡི་གེ་ལས། །ཉི་མའི་ཡི་གེ་འོག་དུ་སྤྲས། །དབྱངས་ཡིག་དྲུག་པའི་འོག་དུ་སྦྱར། །ཐིག་ལེ་ནཱ་དས་བརྒྱན་པར་བྱ། །མཚན་གྱི་དང་པོའི་ཡི་གེ་ནི། །དེ་ཡི་རྗེས་ལ་བརྗོད
205b5 པར་བྱ། །བཞི་པའི་ལྔ་པ་དེ་ནས་སྦྱར། །ལྔ་པའི་དང་པོ་བྲི་བར་བྱ། །དེ་བཞིན་གཤེགས་པའི་མཚན་དང་པོ། །འབྱུང་བ་རླུང་གི་ཡི་གེ་ཡང་། །དབྱངས་ཡིག་བརྒྱད་པས་བརྒྱན་པ་ནི། །དེ་ཡི་རྗེས་ལ་བྲི་བར
205b6 བྱ། །ཞི་བའི་ཡིག་འབྲུ་གཉིས་པ་ཡང་། །ཀུན་གྱི་མཐར་ནི་བརྗོད་པར་བྱ། །མཚན་གྱི་གསང་སྔགས་ཞེས་བྱ་བ། །འདོད་པ་ཐམས་ཅད་གྲུབ་བྱེད་ཡིན། །མཚན་གྱི་གསང་སྔགས་བསྟན་པའི་ལེའུ་སྟེ་བདུན་པའོ།། །།
205b7 དེ་ནས་གཞན་ཡང་བཤད་པར་བྱ། །སྐར་མ་རྒྱལ་གྱི་ཉིན་པར་ནི། །མེ་ཏོག་དཀར་པོའི་རྩ་བ་བླང་། །ཙན་དན་དཀར་པོ་དག་ལས་ནི། །ཚོགས་ཀྱི་བདག་པོའི་སྐུ་གཟུགས་ནི། །མཐེ་བོང་གི་ནི་ཚད་ཙམ་བྱ། །གསུས
205b8 པ་ཆེ་ལ་ཕྱག་བཞི་པ། །མཁས་པས་བྱས་ཏེ་ལེགས་པར་བྱ། །རིན་པོ་ཆེ་ཡི་སྣོད་དུ་གཞུག་།དཀར་ཆེན་མངོན་པར་གསེལ་བའི་ཚེ། །ནང་གི་ཆ་རིས་སྐུ་ཁྲུས་གསོལ། །གསལ་ཞིང་དངས་ལ་ཡིད་དུ་འོང་། །དྲི་དང་ལྡན
iiif viewer powered by OpenSeadragon
