| e-texts navigator |
| Wylie |
165a1 སངས་རྒྱས་སྐྱབསུ་ཉེ་བར་སོང་། །གང་དག་དེ་ཡི་འཁོར་རྣམས་དང་། །དེ་ཡང་འདུས་པའི་ནང་དུ་འོངས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །
165a2 འདུས་པའི་ཚལ་དུ་མངོན་པར་ཞུགས། །ལག་ན་རྡོ་རྗེས་ཕམ་བྱས་ཤིང་། །རྒྱ་མཚོར་རྟེན་པའི་ལྷ་མིན་རྣམས། །ཐཾད་ནོར་ལྷས་སྐྲག་གྱུར་ཅིང་། །མཚོ་ལ་སྐྱབསུ་འདུ་ཤེས་པ། །ཐགས་ཟངས་རིས་དང་རབ་བཀྲ་དང་། །
165a3 རབ་སིམ་བྱེད་དང་བཏང་ཟུང་དང་། །སྟོབས་ལྡན་བུ་ནི་རྒྱལ་པོ་ཀུན། །རྣམ་སྣང་བྱེད་པའི་བུ་རྣམས་དང་། །སྟོབས་ལྡན་སྡེ་དང་སྒྲ་གཅན་བཟང་། །དཔའ་ཆེན་ཁྱོད་ཀྱི་དུས་ལགས་ཤེས། །དགེ་སློང་འདུས་པའི་ནགས་ཚལ་དུ། །གོ་ཆ་དགོས
165a4 ཏེ་ལྷགས་པ་དང་། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམ་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར
165a5 ཞུགས། །ཆུ་ལྷ་མོ་དང་བུ་མོ་དང་། །ཟླ་བ་མོ་ཡང་ཕྱི་བཞིན་འོངས། །མཛའ་བཤེས་མ་དང་ཆུ་ལྷ་ཅན། །ལྷ་མོ་གྲགས་ལྡན་ཉིད་ཀྱང་འོངས། །ས་དང་ཆུ་དང་རླུང་གི་དང་། །མེ་ཡི་ལྷ་མོ་འང་འོངས་གྱུར་ཏེ། །བཅུ་ཚན་ཚོགས་བཅུ་དེ་དག་ཀུན། །ཁ་དོག
165a6 སྣ་ཚོགས་ལྡན་པ་དག་། སེར་སྐྱའི་གནས་ཀྱི་ནག་ཚལ་ནི། །སྣང་བར་བྱས་ཏེ་འཁོད་པ་དང་། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣཾས། །
165a7 དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ཁྱབ་འཇུག་ལྷ་དང་གཤོལ་ཅན་ལྷ། །འཚེ་མ་གཉིས་ཀྱང་ལྷགས་པར་གྱུར། །ཟླ་ལ་གནས་པའི་ལྷ་རྣམས་ཀྱིས། །ཟླ་བ་ཉིད་ནི་མདུན་དུ་བདར། །ཉི་ལ་གནས
165a8 པའི་ལྷ་རྣམས་ཀྱིས། །ཉི་མ་ཉིད་ཀྱང་མདུན་བདར་ཅིང་། །ཆར་པ་འབེབས་པར་བྱེད་པ་དག་།རྒྱུ་སྐར་རྣམས་ཀྱིས་མདུན་བདར་ལགས། །ཐཾད་བཟང་པོ་རྡོ་རྗེ་ཅན། །བརྒྱ་བྱིན་ཁྱེར་འཇིག་འོངས་གྱུར་ཏེ། །བཅུ་ཚན་ཚོགས་བཅུ་དེ་དག་ཀུན། །
iiif viewer powered by OpenSeadragon
