| e-texts navigator |
| Wylie |
164b1 ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །གནོད་སྦྱིན་དང་། གནོད་སྦྱིན་ཆེན་པོ་དང་། གནོད་སྦྱིན་གྱི་སྡེ་དཔོན་དང་། དམག་དཔོན་འདི་དག་ཀྱང་དེར་ཀུན་ནས
164b2 ལྷགས་ཏེ། འདི་ལྟ་སྟེ། དབང་པོ་ཟླ་བ་ཆུ་ལྷ་དང་། །བྷ་ར་དྭ་ཛ་སྐྱེ་དགུའི་བདག་།དབང་ལྡན་ཙན་དན་འདོད་གཙོ་དང་། །མགྲིན་ངན་དང་ནི་མགུལ་ངེས་དང་། །སྤོབས་ལྡན་ནོར་བུ་ནོར་སྤྱོད་དང་། །སྒྲ་རབ་དང་ནི་ཉེ་ལྔ་དང་། །རི་མཉམ་གསེར་ཅན
164b3 གང་པོ་དང་། །སེང་ལྡེང་བ་དང་གཡོན་ཅན་དང་། །གནོད་སྦྱིན་བ་སྐྱོང་འབྲོག་གནས་དང་། །རྒྱལ་བའི་ཁྱུ་མཆོག་མི་རྒྱལ་པོ། །དྲི་ཟ་སྣ་ཚོགས་སྡེ་དང་ནི། །ལྕགས་མདུང་རིང་དང་མ་ལྡན་དང་། །ཚིགས་ལྔ་སེར་པོ་ཡིད་དགའ་དང་། །
164b4 གནོད་སྦྱིན་རིང་པོ་འཁོར་དང་བཅས། །འབྲས་བུ་གསུམ་དང་མགུལ་གསུམ་པ། །འགྲོ་གནས་ཇི་སྙེད་ཡོད་པ་ཡིན། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །
164b5 ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ལྷན་ཅིག་འབྱུང་བའི་ཀླུ་དང་ནི། །འཇོག་པོ་དང་ནི་ཡངས་པ་འང་འོངས། །ལ་བ་དང་ནི་མགྱོགས་མཆོག
164b6 དག་། སྲུང་བྱེད་འགྲོ་དང་ལྷན་ཅིག་ལྷགས། །ཀླུ་བདག་བྲན་བཟང་བུ་དང་ནི། །ཡུལ་འཁོར་སྲུང་དང་གླང་པོ་ཆེ། །འཇིགས་བྱེད་ཆེ་དང་ས་སྲུང་བུ། །རྫུ་འཕྲུལ་ལྡན་པའི་ཀླུ་ཡང་འོངས། །གང་དག་དེ་ཡི་འཁོར་རྣམས་དང་། །
164b7 དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣཾས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །གང་ཞིག་ཀླུ་རྒྱལ་ཟིལ་མནན་ལེན། །
164b8 སྟོབས་ལྡན་མིག་རྣོན་འདབ་ཆགས་བྱ། །དེ་མིན་འདབ་བཟང་ཁྲ་བོ་ཡང་། །མཁའ་ལས་ཚལ་དུ་མངོན་པར་འོངས། །དེ་ཚེ་ཀླུ་རྒྱལ་མི་འཇིགས་བྱིན། །སྟོན་པས་འདབ་བཟང་བདེ་མཛད་ཅིང་། །གསུང་འཇམ་བརྗོད་པ་དེ་ཉིད་ལ། །
iiif viewer powered by OpenSeadragon
