| e-texts navigator |
| Wylie |
164a1 རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །བྱང་ཕྱོགས་མངོན་པར་སྐྱོང་བྱེད་པ། །རྒྱལ་ཆེན་གྲགས་དང་ལྡན་པ་ནི། །
164a2 གནོད་སྦྱིན་བདག་པོ་རྒྱལ་པོ་སྟེ། །མིང་ནི་ལུས་ངན་པོ་ཞེས་བྱ། །དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱིས་རྟག་ཏུ་རྩེ། །གང་དག་དེ་ཡི་འཁོར་རྣམས་དང་། །དེ་ཡང་འདུས་པའི་ནང་དུ་འོངས། །རྫུ་འཕྲུལ་ལྡན་ཞིང་འོད་དང་ལྡན། །
164a3 ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །དེ་ལ་བུ་ནི་མང་ཡོད་དེ། །བརྒྱད་བཅུ་དང་ནི་བཅུ་དང་གཅིག་།དེ་དག་མིང་འཐུན་གྲགས་པ་ནི། །དབང་པོ
164a4 ཞེས་བྱ་སྟོབས་པོ་ཆེ། །ལྷ་དང་ལྷ་མིན་གཡུལ་འགྱེད་པར། །ཀུན་དུ་གཞན་གྱིས་མི་ཐུབ་པ། །གང་དག་དེ་ཡི་འཁོར་རྣཾས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན
164a5 རྣམས། །དགེ་སློང་རྣཾས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ཤར་ཕྱོགས་ན་ནི་ཡུལ་འཁོར་སྲུང་། །ལྷོ་ཕྱོགས་ན་ནི་འཕགས་སྐྱེས་པོ། །ནུབ་ཕྱོགས་ན་ནི་མིག་མི་བཟང་། །བྱང་ཕྱོགས་ན་ནི་ལུས
164a6 ངན་པོ། །རྒྱལ་པོ་ཆེན་པོ་དེ་བཞི་དག་།འཇིག་རྟེན་སྐྱོང་བ་གྲགས་དང་ལྡན། །རྫུ་འཕྲུལ་ཆེན་པོ་སྟོབས་པོ་ཆེ། །ཕྱོགས་བཞི་དག་ནི་སྐྱོང་བར་བྱེད། །གང་དག་དེ་ཡི་འཁོར་རྣཾས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན
164a7 ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །དེ་དག་གི་ནི་ཁོལ་པོ་རྣམས། །མཆོད་རྟེན་མང་ལ་གནས་བཅས་པ། །སླུ་བྱེད་གཡོན་ཅན
164a8 སྒྱུ་མ་ཅན། །སྒྱུ་མ་ཤེས་དང་རྣཾས་ཤེས་དང་། །ངན་སྤོང་ཁྲོ་གཉེར་ལྷན་ཅིག་ཏུ། །དེ་ཚེ་རྫུ་འཕྲུལ་སྟོན་ཅིང་ལྷགས། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །
iiif viewer powered by OpenSeadragon
