| e-texts navigator |
| Wylie |
163b1 མིན་གཡུལ་འགྱེད་པར། །ཀུན་དུ་གཞན་གྱིས་མི་ཐུབ་པར། །གང་དག་དེ་ཡི་འཁོར་རྣཾས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ
163b2 ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ལྷོ་ཕྱོགས་མངོན་པར་སྐྱོང་བྱེད་པ། །རྒྱལ་ཆེན་གྲགས་དང་ལྡན་པ་ནི། །གྲུལ་བུམ་བདག་པོ་རྒྱལ་པོ་སྟེ། །མིང་ནི་འཕགས་སྐྱེས་པོ་ཞེས་བགྱི། །དེ་ནི་ཉེ་དུ་ལྷན་ཅིག་ཏུ། །
163b3 གླུ་དང་གར་གྱིས་རྟག་ཏུ་རྩེ། །གང་དག་དེ་ཡི་འཁོར་རྣཾས་དང་། །དེ་ཡང་འདུས་པའི་ནང་དུ་འོངས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣཾས། །དགེ་སློང་རྣཾས་ལ་ཕྱག་འཚལ་ཞིང་། །འདུས་པའི་ཚལ་དུ
163b4 མངོན་པར་ཞུགས། །དེ་ལ་བུ་ནི་མང་ཡོད་དེ། །བརྒྱད་བཅུ་དང་ནི་བཅུ་དང་གཅིག་།དེ་དག་མིང་འཐུན་གྲགས་པ་ནི། །དབང་པོ་ཞེས་བགྱི་སྟོབས་པོ་ཆེ། །ལྷ་དང་ལྷ་མིན་གཡུལ་འགྱེད་པར། །ཀུན་དུ་གཞན་གྱིས་མི་ཐུབ་པ། །གང་དག་དེ
163b5 ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣཾས། །དགེ་སློང་རྣཾས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ནུབ་ཕྱོགས
163b6 མངོན་པར་སྐྱོང་བྱེད་པ། །རྒྱལ་ཆེན་གྲགས་དང་ལྡན་པ་ནི། །ཀླུ་ཡི་བདག་པོ་རྒྱལ་པོ་སྟེ། །མིང་ནི་མིག་མི་བཟང་ཞེས་བགྱི། །དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱིས་རྟག་ཏུ་རྩེ། །གང་དག་དེ་ཡི་འཁོར་རྣཾས་དང་། །དེ་ཡང་འདུས
163b7 པའི་ནང་དུ་འོངས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣཾས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །དེ་ལ་བུ་ནི་མང་ཡོད་དེ། །བརྒྱད་བཅུ་དང་ནི
163b8 བཅུ་དང་གཅིག་། དེ་དག་མིང་འཐུན་གྲགས་པ་ནི། །དབང་པོ་ཞེས་བགྱི་སྟོབས་པོ་ཆེ། །ལྷ་དང་ལྷ་མིན་གཡུལ་འགྱེད་པར། །ཀུན་དུ་གཞན་གྱིས་མི་ཐུབ་པ། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །
iiif viewer powered by OpenSeadragon
