| e-texts navigator |
| Wylie |
162b1 པ་རྣམས། །སེང་གེ་བཞིན་དུ་ཐ་དད་ལ། །སེམས་བསྡུས་མཉམ་པར་བཞག་བྱས་ཤིང་། །ཀུན་ནས་འདུས་པར་གྱུར་པ་ནི། །སྤུ་དག་ཟིང་ཞེས་བྱེད་པ་ཡིན། །གང་དག་ས་ལ་གནས་པ་དང་། །གང་དག་རི་ཁྲོད་གནས་པ་རྣམས། །སེང་གེ་བཞིན་དུ་ཐ
162b2 དད་ལ། །སེམས་བསྡུས་མཉམ་པར་བཞག་བྱས་ཤིང་། །ཀུན་ནས་འདུས་གྱུར་སྤུ་ཟིང་ཞེས། །བྱེད་པ་བདགིས་བརྗོད་པར་བྱ། །ཡིད་བྱད་དག་ཅིང་རབ་དང་ལ། །རྙོག་མེད་འཆི་བདག་སྤངས་བ་རྣམས། །ཚངས་པའི་འཇིག་རྟེན་མཐར་ཐུག་པའི། །
162b3 ལྷ་དང་མི་ཡི་བར་ན་འཁོད། །སློབ་མ་ལྔ་བརྒྱ་ཕྲག་གཉིས་དང་། །གཞན་ཡང་བརྒྱ་དང་བཅུ་དག་དང་། །སྟོང་ཕྲག་དུ་མ་རྣམས་དག་གི། ལྷ་རྣམས་འདུས་པར་གྱུར་པ་དག་།མཐའ་ནས་མཐའ་མ་མི་མཐོང་ཞིང་། །ཕྱོགས་རྣཾས་ཐ~ཾད་ཁྱབ་གྱུར་པ། །
162b4 སངས་རྒྱས་ཀྱིས་ནི་དེ་མཁྱེན་ནས། །དེ་བཞིན་གཤེགས་པས་རྣཾས་གཟིགས་ཏེ། །དེ་ནས་སྟོན་པས་བསྟན་དགའ་བའི། །ཉན་ཐོས་རྣམས་ལ་དགེ་སློང་དག་།ལྷ་ཚོགས་མངོན་པར་ལྷགས་གྱུར་ཀྱིས། །ངེས་པར་རྟོགས་ཤེས་བཀའ་སྩལ་པ། །
162b5 ཚིགསུ་བཅད་པས་མཐར་ཆགས་ཀྱིས། །དེ་དག་རྣམས་ཀྱི་མིང་བརྗོད་ཀྱིས། །རྩེ་གཅིག་གྱུར་པའི་ཡིད་ཀྱིས་ནི། །ང་ཡི་བཤད་པ་མཉན་པར་གྱི། །སེར་སྐྱའི་གནས་ཀྱི་ནགས་ཚལ་གྱི། །གནོད་སྦྱིན་སྟོང་ཕྲག་བདུན་པོ་དག་།སེར་སྐྱའི་གནས་ཀྱི་ནག་ཚལ་ནི། །སྣང་བར་བྱས་ཏེ་འཁོད་པ་དང་། །
162b6 གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །
162b7 གསེར་ཅན་སྟོང་ཕྲག་དྲུག་པོ་ཀུན། །ཁ་དོག་སྣ་ཚོགས་ལྡན་པ་དག་།སེར་སྐྱའི་གནས་ཀྱི་ནགས་ཚལ་ནི། །སྣང་བར་བྱས་ཏེ་འཁོད་པ་དང་། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང
162b8 ལྡན། །ཁ་དོག་ལྡན་ཞིང་གྲགས་ལྡན་རྣཾས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚུལ་དུ་མངོན་པར་ཞུགས། །ཤར་ཕྱོགས་རྣམ་རྒྱལ་ཚལ་གྱི་ནི། །རི་མཉམ་སྟོང་ཕྲག་གསུམ་པོ་དག་།སེར་སྐྱའི་གནས་ཀྱི་ནགས་ཚལ་ནི། །
iiif viewer powered by OpenSeadragon
