| e-texts navigator |
| Wylie |
162a1 ཕྱོགས་གཅིག་ཏུ་འཁོད་ནས། ཚངས་རིས་ཀྱི་ལྷ་གཅིག་གིས་ཚིགསུ་བཅད་དེ་གསོལ་བ། འདུས་པ་ཆེ་ལ་གཞོལ་བ་ཡི། །ལྷ་ཚོགས་ཀུན་ནས་ལྷགས་གྱུར་པས། །གཞན་གྱིས་མི་ཐུབ་དགེ་འདུན་ལ། །བལྟ་བའི
162a2 སླད་དུ་བདག་ཅག་མཆིས། །ཚངས་རིས་ཀྱི་ལྷ་གཉིས་པས་ཚིགསུ་བཅད་དེ་གསོལ་བ། དྲང་པོར་གྱུར་པའི་སེཾས་ཀྱིས་ནི། །འདི་ན་དགེ་སྦྱོང་རབ་བརྩོན་པ། །ཁ་ལོ་བ་ལྟར་མིག་བླངས་ཤིང་། །དབང་པོ་རྣམས་ནི་ལེགས་སྡོམ་བགྱིད། །
162a3 ཚངས་རིས་ཀྱི་ལྷ་གསུམ་པས་ཚིགསུ་བཅད་དེ་གསོལ་བ། དབང་ཕུར་འོད་བ་འོབས་འདྲ་བའི། །ཕུར་བུ་རབ་བཅོམ་བཀྲིར་མི་ཚུགས། །དེ་དག་སྲེད་བྲལ་དག་སྤྱོད་ཅིང་། །འདྲེན་པས་གླང་པོ་གཞོན་ལྟར་བཏུལ། །ཚངས་རིས་ཀྱི་ལྷ་བཞི
162a4 པས་ཚིགསུ་བཅད་དེ་གསོལ་བ། གང་དག་སངས་རྒྱས་སྐྱབས་མཆི་བ། །དེ་དག་ངན་འགྲོར་མི་མཆི་ཞིང་། །མི་ལུས་སྤངས་པར་གྱུར་ནས་ཀྱང་། །ལྷའི་ལུས་ནི་ཐོབ་པར་འགྱུར། །ཚངས་རིས་ཀྱི་ལྷ་བཞི་པོ་དག་གིས་དེ་སྐད་ཅེས
162a5 གསོལ་ནས་དེ་ཉིད་ན་བག་བཅུམ་སྟེ་འཁོད་དོ། །དེ་ནས་བཅྡོཾས་ཀྱིས་ལྷའི་འཁོར་ཐ~ཾད་ལ་རྣམ་པར་གཟིགས་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་ཀྱེ་མ་ལྷ་རྣམས་ཀྱི་འདུས་པ་འདི་ནི་ཆེ་བ་ཡིན་ནོ། །དགེ་སློང་དག
162a6 ཀྱེ་མ་ལྷ་རྣཾས་ཀྱི་འདུས་པ་འདི་ནི་ཤིན་ཏུ་ཆེ་བ་ཡིན་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་འདས་པའི་དུས་ན་བྱུང་བར་གྱུར་པའི་སངས་རྒྱས་བཅྡོཾས་དེ་དག་ལ་ཡང་འདི་ལྟ་སྟེ། དཔེར
162a7 ན་ད་ལྟར་ངའི་ལྷ་རྣཾས་ཀྱི་འདུས་པ་ཆེན་པོ་འདི་ཁོ་ན་ལྟ་བུ་དག་འདུས་པར་གྱུར་ཏོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་མ་འོངས་པའི་དུས་ན་འབྱུང་བར་འགྱུར་བའི་སངྱས་བཅྡོཾས་དེ་དག
162a8 ལ་ཡང་འདི་ལྟ་སྟེ། དཔེར་ན་ད་ལྟར་ངའི་ལྷ་རྣཾས་ཀྱི་འདུས་པ་ཆེན་པོ་འདི་ཁོ་ན་ལྟ་བུ་དག་འདུ་བར་འགྱུརོ། །དགེ་སློང་དག་ལྷ་རྣཾས་ཀྱི་མིང་དག་བརྗོད་པར་བྱས། ལྷ་རྣམས་ཀྱི་མི་དག་ཟུང་ཤིག་།གང་དག་ས་ལ་གནས་པ་དང་། །གང་དག་རི་ཁྲོད་གནས
iiif viewer powered by OpenSeadragon
