| e-texts navigator |
| Wylie |
161a1 མ་མོ་དང་ནི་གདོན་དྲག་དང་། །མཁའགྲོ་མ་དང་མི་འམ་ཅི། །སྲིན་པོ་རྣམས་ཀྱང་འཚེ་མི་བྱེད། །ནད་དོ་ཅོག་ལས་རྣམ་པར་གྲོལ། །དེ་བཞིན་བདེ་ཞིང་ནོར་དང་ལྡན། །བུ་དག་དང་ནི་ཚ་བོ་དང་། །དཔལ་དང་གཏོང་བ
161a2 རྣམས་ཀྱིས་རྒྱས། །རིགས་མཆོག་རྒྱལ་བ་འབྱུང་བ་དང་། །ལོངས་སྤྱོད་ཆེན་པོའི་ནང་དུ་སྐྱེ། །ཚེ་དང་དཔལ་དང་ལྡན་པ་དང་། །ནད་མེད་རིམས་དང་བྲལ་བར་འགྱུར། །ཚེ་རབས་ཀུན་དུ་སྐྱེ་བ་དྲན། །ལོབས་སྐྱེན
161a3 ཐོས་པ་འཛིན་པ་དང་། །བྱང་ཆུབ་སེམས་དཔའི་ཡོན་ཏན་ལྡན། །སྐལ་བ་བཟང་པོ་ཉིད་ཏུ་འགྱུར། །ཕྱག་འཚལ་ཕྱག་འཚལ་གནོད་སྦྱིན་རྗེ། །གསང་བདག་ཁྱོད་ལ་ཕྱག་འཚལ་ཏེ། །མ་རུངས་འདུལ་ལ་བརྩོན་པ
161a4 པོ། །ལག་ན་རྡོ་རྗེ་ཁྱོད་ལ་འདུད། །སེམས་ཅན་དད་ལ་མཉེས་གཤིན་པ། །ནོར་བཟང་སྲས་ཀྱི་གྲགས་པ་འདི། །དབུལ་བའི་ནད་ནི་ཞི་བྱེད་པ། །རབ་ཏུ་བཤད་པ་ལེགས་པར་གསུངས། །དོན་ཀུན་གྲུབ་པ་གསང
161a5 བའི་སྔགས། །བདགིས་ཀྱང་ནི་འདིར་དབུལ་ཏེ། །དེ་ནི་ལེགས་པར་དྲན་ཙམ་གྱིས། །མི་ནི་དབུལ་ལས་གྲོལ་འགྱུར་ཞིང་། །གཞན་གྱིས་མི་ཚུགས་སྲུང་བར་འགྱུར། །དགྲ་རྣམས་ཀྱིས་ཀྱང་མི་ཆོམས་ཤིང་། །
161a6 སྐལ་བ་བཟང་དང་སྐལ་དང་ལྡན། །ལོ་བརྒྱ་ཡང་ནི་འཚོ་བར་འགྱུར། །ལྷ་ཡི་གླང་པོ་རིན་ཆེན་དང་། །རྒྱལ་དང་རྒྱལ་སྲིད་འོས་རྣམས་ཀྱང་། །ངེས་པར་མྱུར་དུ་ཐོབ་འགྱུར་ཏེ། །རྒྱལ་སྲིད་ཀྱང་ནི་ཐེ་ཚོམ་མེད། །
161a7 ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། ཨོཾ་ཧྲི~ཾ་ཧྲི~ཾ་ཀྵཱ་ཛྲཱ~ཾ་ཧྲི~ཾ་ཧྲ~ཾ། དེ་བ་བྱ་རད་ནོ+ོ་ག་བ་རི་ཤ་ན་ཨ་ཏ་བྷ་ག་དེ་བ་ཡཀྵ་ས་མ་ཡ་མ་ནུ་སྨ་ར་ཧྲཱི་ཧཱུཾ་ཕཊ་སྭཱ་ཧཱ། འཕགས་པ་གནོད་འཛིན་གྱི་མཚན་བརྒྱ་རྩ
161a8 བརྒྱད་པ་རྫོགས་སྷོ། ། །། @#། །རྒྱ་གར་སྐད་དུ། མ་ཧཱ་ས་མཱ་ཛ་སུ་ཏྲན་ནཱ་མ་མ་ཧཱ་སཱུ་ཏྲ། བོད་སྐད་དུ། མདོ་ཆེན་པོ་འདུས་པ་ཆེན་པོའི་མདོ་ཞེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ། །འདི་སྐད་བདག་གིས
iiif viewer powered by OpenSeadragon
