| e-texts navigator |
| Wylie |
159b1 ངེས་པར་བདག་བྱང་ཆུབ་ཀྱི་སྙིང་པོ་ལ་མཆིས་ནས། དེ་ཇི་ལྟར་གྱུར་ཀྱང་རུང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་བགྱིའོ། །འཕགས་པ་བྱམས་པས་དམ་བཅས་པ་ཞེས་བྱ་བའི་གཟུངས། རྫོགས་སྷོ།། །།
159b2 རྒྱ་གར་གྱི་མཁན་པོ་བཛྲ་པཱ་ཎི་དང་། བོད་ཀྱི་ལོ་ཙྪ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། ། @#། །རྒྱ་གར་སྐད་དུ། ཨཱརྱ་ཛམ་བྷ་ལ་ནཱ་མ་ཨཥྚ་ཤ་ཏ་ཀ་། བོད་སྐད་དུ། འཕགས་པ་གནོད
159b3 འཛིན་གྱི་མཚན་བརྒྱ་རྩ་བརྒྱད་པ་ཞེས་བྱ་བ། འཕགས་པ་གནོད་འཛིན་ལ་ཕྱག་འཚལོ། །དེ་ནས་གནོད་སྦྱིན་འབྲོག་གནས་པོ། །གསེར་དག་གིས་ནི་ལེགས་པར་བརྒྱན། །རིན་ཆེན་གྱིས་ནི་རབ་མཛེས་ཤིང་། །མེ་ནི་ཤིང་དུ་འབར
159b4 འདྲ་བ། །ལྕང་ལོ་ཅན་དུ་ཞུགས་ནས་ཀྱང་། །གསང་བདག་རྡོ་རྗེ་འཆང་བ་ཡི། །ཞབས་གཉིས་ལ་ནི་རབ་འཇུས་ནས། །ཤིན་དུ་མཉཾ་བཞག་དྲིས་པ་ནི། །བཅོམ་ལྡན་གནོད་འཛིན་རྒྱལ་དབང་པོ། །གསང་སྔགས་ཚོགས་ནི་ཀུན་གྱི
159b5 བདག་། རིག་སྔགས་འཆང་རྣམས་ཀུན་གྱིས་མཆོད། །ལྷ་དང་ལྷ་མིན་ཕྱག་བྱས་པ། །མ་རུངས་འདུལ་ལ་བརྩོན་པ་པོ། །བྱང་ཆུབ་སེམས་དཔའི་ཡོན་ཏན་ལྡན། །མགོན་པོ་སེམས་ཅན་ཀུན་དོན་མཛད། །སངས་རྒྱས་ཀུན་གྱི་གསང་བ
159b6 འཛིན། །སེམས་ཅན་རྣཾས་ལ་ཕན་འདོད་པས། །སྙིང་རྗེས་ནོན་པའི་ཡིད་ཀྱིས་སུ། །ཡང་དག་རྫོགས་པའི་བྱང་ཆུབ་ཕྱིར། །བདག་གིས་ཀྱང་ནི་སེམས་བསྐྱེད་དེ། །མི་རྣམས་ནོར་ནི་ཉུང་བ་དང་། །བསོད་ནམས་ཆུང་ཞིང་དབང་ཆུང་བ། །མཐོང
159b7 ནས་སྡུག་བསྔལ་ཆེན་པོ་ཡིས། །རབ་ཏུ་གཟེར་ཏོ་གསང་བའི་བདག་།དེ་ནས་གནོད་འཛིན་གྱིས་སྨྲས་ནས། །བཅོམ་ལྡན་གསང་བ་གསང་བའི་བདག་།སྙིང་རྗེས་ནོན་ཏེ་སྨྲས་པ་ནི། །ལེགས་པར་ཉོན་ཅིག་གསང་བ་པ། །མགོན་པོ་གནོད
159b8 འཛིན་དཔལ་དང་ལྡན། །སེམས་ཅན་ཀུན་གྱི་དོན་བྱེད་པ། །དབུལ་བའི་ཉོན་མོངས་སེལ་བ་པོ། །ནོར་རོ་ཅོག་གི་དབང་ཕྱུག་གི། མཚན་བརྒྱ་རྩ་བརྒྱད་བསོད་ནམས་ལྡན། །དབུལ་བའི་ཉེས་སྡིག་སེལ་བྱེད་པ། །གང་གཱའི་བྱེ་མའི་གྲངས་སྙེད་ཀྱིས། །
iiif viewer powered by OpenSeadragon
