| e-texts navigator |
| Wylie |
157b1 མཚམས་མེད་པར་འཇུག་པར་མི་འགྱུར་རོ། །སུ་ཞིག་ནང་པར་ལངས་ནས་འདོད་ཏམ། ཀློག་གམ། ཁ་ཏོན་བྱེད་ན་དེའི་ལུས་ལ་མཛེ་དང་། རྐང་ཤུ་དང་། ལུད་པ་དང་། མི་བདེ་བ་མི་འབྱུང་ཞིང་ནད་ཐམས་ཅད་ལས་ཐར་བར
157b2 འགྱུར་རོ། །ཚེ་རབས་སོ་ཅོག་ཏུ་ཚེ་རབས་དྲན་པར་འགྱུར་རོ། །ལྷའི་བུ་དང་འདྲ་བར་འགྱུར་རོ། །འཆི་བའི་དུས་ཀྱི་ཚེ་འཇིག་རྟེན་ཀྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །ཚེ་རབས་སོ་ཅོག་ཏུ་འཕགས་པ་སྤྱན་རས་གཟིགས་དབང
157b3 ཕྱུག་དང་མི་འབྲལ་བར་འགྱུར་རོ། །རྟག་ཏུ་བཟླས་བརྗོད་བྱས་ན་ཡིད་གཞུངས་པར་འགྱུར། དཔའ་བར་འགྱུར། སྐད་སྙན་པར་འགྱུར། སྐལ་བ་བཟང་པོར་འགྱུར་རོ། །བསྟན་བཅོས་ཐམས་ཅད་ལ་འཇིགས་པ་མེད་པར་འགྱུར།
157b4 ཚིག་བཙུན་པར་འགྱུར་རོ། །བསྟོད་པ་སྒྲུབ་པ་འདིས་བསྟོད་པ་བྱས་ན། སངས་རྒྱས་བཅོམ་ལྡན་འདས་གང་གཱའི་ཀླུང་དྲུག་བཅུ་རྩ་གཉིས་སྙེད་ཀྱི་བྱེ་མ་སྙེད་དག་ལ་མཆོད་པ་བྱས་པར་འགྱུར་ཏེ། རྣམ་པར་སྨྱིན་པ་མཚུང
157b5 ཤིང་བྱེ་བྲག་མེད་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པ་རྒྱལ་བ་ཐམས་ཅད་ཀྱི་རིང་བསྲེལ་ཀྱི་ཟ་མ་ཏོག་ཅེས་བྱ་བ་རྫོགས་སྷོ།། །།
157b6 @#། །རྒྱ་གར་སྐད་དུ། ཨཱརྱ་མཉྫུ་ཤྲཱི་ནཱ་མ་ཨཥྚ་ཤ་ཏ་ཀན། བོད་སྐད་དུ། འཕགས་པ་འཇམ་དཔལ་གྱི་མཚན་བརྒྱ་རྩ་བརྒྱད་པ་ཞེས་བྱ་བ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཤིན་དུ་དང་བའི
157b7 སེམས་ཀྱིས་སུ། །ཐུབ་ལ་མགོ་བོས་ཕྱག་འཚལ་ཏེ། །སངས་རྒྱས་རྣམས་ཀྱིས་བསྔགས་པ་ཡི། །མཚན་རྣམས་འདིར་ནི་བརྗོད་པར་བགྱི། །གཟུགས་མཛེས་གཟུགས་དང་ལྡན་པ་སྟེ། །གཟུགས་རྣམས་ཀུན་གྱི
157b8 བླ་ན་མེད། །མཚན་རྣམས་ཐམས་ཅད་ཀུན་དུ་རྫོགས། །འཇམ་དཔལ་དཔལ་གྱི་དམ་པ་ལགས། །བསམ་གྱིས་མི་ཁྱབ་བསམ་དང་བྲལ། །མཐུ་རྩལ་བསམ་ཡས་རྨད་ཏུ་བྱུང་། །སྐུ་གསུང་ཕྲིན་ལས་བསམ་མི
iiif viewer powered by OpenSeadragon
