| e-texts navigator |
| Wylie |
156b1 པ། བདེ་བར་གཤེགས་པའི་སྲས་པོ། སྲིད་པ་གསུམ་གྱི་རྩ་ལག་གཅིག་པུ། འདོད་ཆགས་མི་མངའ་བ། ཞེ་སྡང་མི་མངའ་བ། གཏི་མུག་མི་མངའ་བ། དྲི་མ་གསུམ་སྤངས་པ། རིག་པ་གསུམ་གྱི་ཕ་རོལ་དུ་གཤེགས
156b2 པ། མངོན་པར་ཤེས་པ་དྲུག་བརྙེས་པ། ཤིང་ནྱ་གྲོ་དྷ་ལྟར་ཆུ་ཞིང་གབ་པ། སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་མངའ་བ། དཔེ་བྱད་བཟང་པོ་བརྒྱད་བཅུས་བརྒྱན་པ། ལྤགས་པ་སྲབ་ཅིང་མདོག་སེར་བ། སྐུ་རིང་རྒྱུ
156b3 བཟང་ཞིང་དཀར་བ། སྐུ་ཤིང་གི་མེ་ཏོག་སར་པ་དང་། དམར་རིང་ལྟ་བུའི་དབུ་ཐོར་ཚུགས་མངའ་བ། ལྕང་ལོ་འཁྱིལ་བ་མང་པོས་དབུ་ཁེབས་པ། འོད་དཔག་མེད་ཀྱིས་འོད་ཟེར་བཏང་བ། འབར་བའི་འོད་འདོམ་གང་གིས
156b4 གསེར་གྱི་རི་བོ་ལྟར་སྙན་པར་གྲགས་པ། གཟི་བརྗིད་རྒྱ་ཆེ་བ། གཟུགས་འཆར་ཀའི་རི་ལྟ་བུ་གཙུག་ཏོར་མངའ་བ། ནོར་བུ་རབ་ཏུ་འབར་བ། མཆོད་ཕྱིར་ཐོགས་སྐུ་ལ་སེ་རལ་དུ་ཐོགས་པ། ས་རབ་ཏུ་རྣམ་པར་འབྱེད
156b5 པ། ཕ་རོལ་དུ་ཕྱིན་པ་བཅུའི་ཞབས་དང་ལྡན་པ། ཚུལ་ཁྲིམས་མ་ཉམས་པ། ཚུལ་ཁྲིམས་མ་ཞིག་པ། སེང་གེ་ལྟར་ཐོང་ཀ་ཕེལ་ཀ་ཆེ་བ། སྐུ་འཇམ་ཞིང་མཛེས་པ། གཟིགས་པ་དང་གཤེགས་ཐབས་ཁྱུ་ཆོག
156b6 གི་དཔང་པོ་འདྲ་བ། མཁུར་བ་གཡས་སུ་འཁྱིལ་པ། དཔྲལ་བ་ཆེ་ཞིང་ཟླ་བ་ཁམ་པ་འདྲ་ལ་ཐིག་ལེ་མངའ་བ། ཕྱག་པུས་མོ་སླེབས་པ། སྨིན་མ་བར་མ་ཆད་པ། ཤངས་མཐོ་བ། མགུར་བུམ་པའི་མགྲིན་པ་འདྲ
156b7 བ། ཕྱག་སོར་མོ་དང་ཚིགས་རིང་བ། སེན་མོ་འཇམ་ཞིང་ཟངས་ཀྱི་མདོག་དང་འདྲ་བ། ཕྱག་དྲ་བས་འབྲེལ་པ། ཕྱག་དང་ཞབས་ཀྱི་མཐིལ་འཁོར་ལོས་བརྒྱན་པ། སྟོན་ཀའི་པད་མ་འདྲ་བ། སྐུ་འཇམ་ཞིང་རྒྱལ
156b8 པ། ཚངས་པ་ལྟར་དབྱངས་ཟབ་པ། ཡིད་ཏུ་མཆི་བ་སྡུག་པ། བལྟ་ན་སྡུག་པ། ཉམས་དགའ་བར་བགྱིད་པ། འོད་པད་མ་འདྲ་བ། པད་མ་ལས་འཁྲུངས་པ། པད་མ་ལས་བྱུང་བ། པད་མའི
iiif viewer powered by OpenSeadragon
