| e-texts navigator |
| Wylie |
156a1 བོད་སྐད་དུ། ། འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པ་ཞེས་བྱ་བ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག
156a2 ན། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་གནས། རི་གྲུ་འཛིན་གྱི་རྩེ་མོ་མེ་ཏོག་དྲི་ཞིམ་པོ་སྣ་ཚོགས་བཀྲམ་པ། འཛམ་བུ་ཆུ་བོའི་གསེར་ཁ་དོག་བཟང་པོ་ལྟར་སྣང་བ། རིན་པོ་ཆེ་སྣ་ཚོགས
156a3 སྣ་བའི་ས་ཕྱོགས་ན་བཞུགས་ཏེ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་བྱེ་བ་ཁྲག་ཁྲིག་འབུམ་ཕྲག་དུ་མ་དག་གིས།
156a4 བཅོམ་ལྡན་འདས་ལ་སྟི་སྟང་དུ་བྱས། བླ་མར་བྱས། རི་མོར་བྱས་ཏེ། མཆོད་ཅིང་རྗེད་ནས། ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་ཏེ། ཚངས་པར་སྤྱོད་པ། ཐོག་མར་དགེ་བ། བར་དུ་དགེ་བ། ཐ་མར
156a5 དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་བྱང་བ་ཡང་དག་པར་རབ་ཏུ་སྟོན་ཏོ། །དེ་ནས་ཚངས་པ་ལ་སོགས་པས་འཕགས་པ་སྤྱན་རས་གཟིགས་དབང་ཕྱུག་ལ
156a6 བསྟོད་པ། ཀྱེ་བཅོམ་ལྡན་འདས། དགོངས་པ་མཛད་པ། མཛད་རྒྱུ་མཛད་པ། ཁུར་བོར་བ། བདག་གི་དོན་རྗེས་སུ་བརྙེས་པ། སྲིད་པར་ཀུན་དུ་སྦྱོར་བ་ཡོངས་སུ་བས་བ། ཡང་དག་པའི་མཁྱེན་པས།
156a7 ཐུགས་ཤིན་དུ་རྣམ་པར་གྲོལ་བ། ཅང་མཁྱེན་པ། གླང་པོ་ཆེ་ཆེན་པོ་དང་། སེམས་ཅན་ཐམས་ཅད་ཀྱི་དབང་དམ་པའི་ཕ་རོལ་དུ་བྱོན་པ། ཡེ་ཤེས་ཀྱི་ཚོགས་ཡོངས་སུ་རྫོགས་པ། སྲིད་པའི་དགོན་པ་ལས་རྒལ
156a8 བ། བཞན་ལ་སྨན་པ། ཐུགས་རྗེ་དང་འབྲེལ་བའི་ཐུགས་མངའ་བ། སྐྱེ་དགུ་ལ་མཆོག་ཏུ་མཉེས་གཤིན་པ། བདེ་བ་རབ་ཏུ་སྩོལ་བར་མཛད་པ། བྱམས་པས་ཞུགས་པ། སེམས་ཅན་མཐའ་ཡས་པ་སྒྲོལ་བ་ལ་མཁས
iiif viewer powered by OpenSeadragon
