| e-texts navigator |
| Wylie |
286a1 ཀུན་དགའ་བོ་ངས་དཔག་ཚད་བཅུ་ཚུན་ཆད་ཀུན་ཏུ་བསྲུང་བ་དང་། མི་རྒོད་ཐམས་ཅད་དང་། རི་གསེབ་ཀྱི་གྲོང་མི་ཐམས་ཅད་དང་། གསེབ་ལམ་སྲུང་བ་ཐམས་ཅད་དང་། གནོད་པར་སེམས་པ་ཐམས་ཅད་ཀྱི་རྐང་པ་བཅིང་བར
286a2 བྱས་སོ། །རྨུགས་པར་བྱས་སོ། །རེངས་པར་བྱས་སོ། །ཇི་ལྟར་རྫ་མཁན་གྱི་འཁོར་ལོ་བསྐོར་བའམ། ཇི་ལྟར་རྫ་མཁན་གྱི་འཁོར་ལོ་ཡོངས་སུ་བསྐོར་བ་ལྟར་མི་རྒོད་རྣམས་འདར་བར་གྱུར་ཅིག་།རེངས་པར་གྱུར་ཅིག་།མགོ་རྨོངས་པར
286a3 གྱུར་ཅིག་། མདུད་པ་མ་གྲོལ་བའི་བར་དུ་མཆི་བར་མ་གྱུར་ཅིག་།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །
286a4 ཆོ་ག་ནི་ཤིང་ཀུན་དང་། བོང་བུའི་སྤུ་བསྲེས་ཏེ། བུ་མོ་གཙང་མས་བཀལ་བའི་སྲད་བུ་ལ་ལན་ཉི་ཤུ་རྩ་གཅིག་བཟླས་བརྗོད་བྱའོ། །ཡང་ན་གོས་ཀྱི་མཐའ་མ་ལ་མདུད་པ་བོར་ཏེ། བདེ་བར་ཕྱིན་ནས་དགྲོལ་བར་བྱའོ། །འདི་ནི
286a5 གྲུབ་པའོ། །འཕགས་པ་མི་རྒོད་རྣམ་པར་འཇོམས་པ་ཞེས་བྱ་བའི་གཟུངས་རྫོགས་སོ།། །། @#། །རྒྱ་གར་སྐད་དུ། ཨཱརྱ་བ་ཧུ་པུ་ཏྲ་པྲ་ཏི་ས་ར་ནཱ་མ་དྷ་ར་ཎཱི། བོད་སྐད་དུ། འཕགས་པ་བུ་མང་པོ
286a6 རྟོན་པ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན
286a7 མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེའི་ཚེ་ཁྱིམ་བདག་མགོན་མེད་ཟས་སྦྱིན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ
286a8 ལྡན་འདས་བདག་དེང་འདིར་རྒྱལ་པོ་གསལ་རྒྱལ་དང་འཐབ་རྩོད་མཚང་བྲུས་ཏེ་བཀྱེ་བར་གྱུར་ན། བཅོམ་ལྡན་འདས་དེ་ལ་བདག་གིས་ཇི་ལྟར་སྒྲུབ་པར་བགྱི། དེ་སྐད་ཅེས་གསོལ་པ་དང་།
iiif viewer powered by OpenSeadragon
