| e-texts navigator |
| Wylie |
281b1 ལུས་དྲི་མ་མེད་ཅིང་ཡོངསུ་དག་པར་འགྱུརོ། །སྐྱེས་པ་འམ། བུད་མེད་དམ། ཁྱེའུ་འམ། བུ་མོ་གང་དང་གཏམ་བྱས་པ་དེ་དག་ཐམས་ཅད་ཀྱང་སྡིག་པ་རྣམས་ལས་གྲོལ་བར་འགྱུརོ། །དུད་འགྲོའི་སྐྱེ་གནས་སུ་སོང
281b2 བ་ལ་སྨྲས་ན་ཡང་དུད་འགྲོའི་སྐྱེས་གནསུ་གཏོགས་པ་ཐཾད་ལས་ཡོངསུ་ཐར་འགྱུརོ། །བྱའི་ཚོགས་ཐཾད་ལ་སྨྲས་ན་ཡང་བྱའི་ཚོགས་ཐཾད་ཡོངསུ་གྲོལ་བར་འགྱུརོ། །ཐ་ན་ཁྱི་དང་། རུ་སྦལ་དང་། སྦྲུལ་དང་། བྱི་ལ་དང་།
281b3 སྲེ་མོ་དང་། སྲོག་ཆགས་སྣ་ཚོགས་ལ་སྨྲས་ན་ཡང་ཐམས་ཅད་ཡོངསུ་གྲོལ་བར་འགྱུརོ། །བྱེ་མ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ་དུར་ཁྲོད་དུ་གཏོར་ན། གང་གི་རུས་པ་ལ་ཕོག་པ་དེ་དག་སེམས་ཅན་དམྱལ་བ
281b4 གང་དང་གང་དུ་སྐྱེས་པ་དེ་དང་དེ་ནས་ཡོངསུ་ཐར་ཏེ་མཐོ་རིསུ་སྐྱེ་བར་འགྱུར་རོ། །གང་དག་མཐོ་རིསུ་སྐྱེས་པ་དེ་དག་གི་ལུས་ལ་མེ་ཏོག་གི་ཆར་འབབ་པར་འགྱུརོ། །གཅན་ཟན་དང་། བྱ་སྣ་ཚོགས་གང་དག་དུར་ཁྲོད་དེར
281b5 འགྲོ་བ་དེ་དག་ཐམས་ཅད་ཀྱང་བདེ་འགྲོར་འགྲོ་བར་འགྱུརོ། །རིས་ལ་གཏོར་ན་རི་དགས་དང་། བྱ་རྒྱུ་བ་དེ་དག་ཐམས་ཅད་བདེ་འགྲོར་འགྲོ་བར་འགྱུརོ། །ཀུན་ནས་སྒོར་འཇུག་པའི་འོད་ཟེར་གཙུག་ཏོར་དྲི་མ་མེད་པར
281b6 སྣང་བ་དུས་གསུམ་གྱི་དེ་བཞིན་གཤེགས་པའི་སྙིང་པོ་ལན་བརྒྱ་སྟོང་བཟླས་བརྗོད་བྱས་ན། གལ་ཏེ་མཚམས་མེད་པ་ལྔ་བྱེད་པ་དག་མནར་མེད་པར་ལྷུང་ནས་གདུང་བས་བསྲེགས་པ་ལས་འཕྲལ་དུ
281b7 ཡོངས་སུ་ཐར་བར་འགྱུར་རོ། །ལན་འབུམ་བཟླས་བརྗོད་བྱས་ན། གལ་ཏེ་མགུལ་ནས་ཐག་པས་བཏགས་ཏེ་ཁྲིད་པ་ཡང་གཤིན་རྗེའི་གནས་ནས་འཕྲལ་དུ་ལྡོག་པར་འགྱུརོ། །དེའི་འཇིགས
281b8 པ་ཆེན་པོ་ལས་ཡོངསུ་གྲོལ་བར་འགྱུརོ། །སེམས་ཅན་དམྱལ་བ་ཐཾད་ཀྱང་རྣམ་པར་ཞི་ཞིང་རྣམ་པར་འཇིགས་པར་འགྱུར་ཏེ་ཐེ་ཚོམ་མེད་དོ། །ཆོས་ཀྱི་རྒྱལ་པོ་གཤིན་རྗེ་ཡང་བྲན་བཞིན་དུ་སེམས་ཤིང
iiif viewer powered by OpenSeadragon
