| e-texts navigator |
| Wylie |
201b1 ཡོན་ཏན་ཀུན་གྱི་བདག་ཉིད་ཀྱི། །སྔགས་ཀྱི་རྩ་བར་འགྱུར་བའོ། །སྔགས་ཀྱི་བདག་ཉིད་ཡོངས་བསྐྱེད་ཅིང་། །ལྷ་ཡི་རང་བཞིན་བསྒྲུབ་པ་ཡི། །རིན་ཆེན་གཟུགས་ཀྱི་ཕྲེང་བས་ནི། །ཆོས་རྣམས་མཐའ་དག་ཐོབ་འགྱུར་ཏེ། །རལ་གྲི
201b2 མིག་སྨན་རིལུ་དང་། །རྐང་པ་བྱུག་དང་གཏེར་ཆེན་དང་། །ས་འོག་འགྲོ་དང་བཅུད་ལེན་དང་། །ནམཁར་འགྲོ་དང་གསེར་འགྱུར་དང་། །དེ་བཞིན་ས་གཞན་འགྲོ་བ་དང་། །ཞི་དང་རྒྱས་དང་དབང་མངོན་སྤྱོད། །རྨོངས་དང་རེངས་དང་བསྐྲད
201b3 པ་དང་། །དབྱེ་དང་དགུག་དང་རིག་སྔགས་འཆིང་། །བསྲུང་དང་ཕྱིར་བཟློག་ཆེན་པོ་དང་། །ཞ་དང་ལྐུག་དང་སེམས་བརྒྱལ་དང་། །ལོང་དང་སྣ་ཚོགས་ནད་སྐྱེད་པའི། །སྦྱོར་བ་རྒྱ་ཆེན་འགྲུབ་པ་དང་། །མངོན་ཤེས་དྲུག་པོ་ཡོངས
201b4 སྐྱེ་ཞིང་། །སྐུ་གསུང་ཐུགས་ཀྱི་རྡོ་རྗེ་ཡི། །ཕྱག་རྒྱ་ཆེན་པོ་ཐོབ་འགྱུར་ན། །ལྟས་མཐོང་ཙམ་ལ་སོགས་པ་ཡི། །དངོས་གྲུབ་ཕྲ་མོ་སྨོས་ཅི་དགོས། །སྔགས་ཀྱི་སྦྱོར་བ་བསྐྱེད་པའི་ལྷ། །དམིགས་པའི་རྩ་བར་གྱུར་པ་ཡི། །ཧཱུ~ཾ་ལས
201b5 སྐྱེས་པའི་ལྷ་མོ་ནི། །སྔོན་མོ་ཞལ་གསུཾ་ཕྱག་དྲུག་མ། །གཡས་པ་སེར་ཞིང་གཡོན་པ་དམར། །སྤྱན་གསུམ་སྡང་མིག་ཁྲོ་གཉེར་ཅན། །དམར་སེར་གྱེན་སྐྲ་ཐོད་པས་བརྒྱན། །རུས་པའི་རྒྱན་གྱིས་སྤྲས་ཤིང་འགྱིང་། །ཐོད་པའི་ཕྲེང་ཅན
201b6 ཀླུ་ཡིས་བརྒྱན། །ཞབས་གཉིས་བརྐྱང་བསྐུམ་རོ་ལང་བརྫིས། །ཕྱག་དྲུག་གཡས་ཀྱི་དང་པོ་ན། །རྡོ་རྗེ་གཉིས་པས་གྲི་གུག་སྟེ། །གསུཾ་པ་སྦྲུལ་གྱི་ཞགས་པ་འཛིན། །གཡོན་གྱི་དང་པོ་སྡིག་མཛུབ་སྟེ། །གཉིས་པས་ཐོད་པ་གསུཾ་པ་ན། །སྦྲུལ་གྱི
201b7 ཞགས་པ་དཀར་པོའོ། །ཡང་ན་ཞལ་ཀུན་སྔོ་བསངས་ཉིད། །འདི་ནི་འཆིང་དང་དབང་གི་ལས། །མཐའ་དག་རྫོགས་པར་བྱེད་པའོ། །སྲིད་པར་བྲམ་ཟེ་སྐྱེས་ལྷ་མོ། །སྔོན་མོ་ཞལ་གཅིག་ཕྱག་གཉིས་མ། །ཕྱག་གཡས་རྡོ་རྗེ་གཡོན
201b8 ལྕགས་སྒྲོག་། གཅེར་བུ་རུས་པའི་རྒྱན་ལྡན་པ། །བསད་པའི་ལས་རྣཾས་ཐཾད་ནི། །རྡོ་རྗེ་རྣལ་འབྱོར་མ་འདིས་བསྒྲུབ། །དེ་ནས་བཅྡོཾས་རྡོ་རྗེ་ཅན། །ཆོས་རྣཾས་ཐཾད་འབྱུང་བྱེད་ཅིང་། །དངོས་གྲུབ་མྱུར་དུ་བསྐྱེད་པ་ཡི། །ཕྱག་རྒྱ་འབྱུང་ཞེས་བྱ་བ་ཡི། །ཏིང་ངེ་འཛིན་ལ་སྙོམས་ཞུགས་ནས། །ཡན་ལག་ཕྱག་རྒྱ
iiif viewer powered by OpenSeadragon
