| e-texts navigator |
| Wylie |
200a1 ཁྲག་ནད་དང་། །བད་ཀན་རླུང་དང་མཁྲིས་པ་དང་། །ཤིན་ཏུ་མཁྲིས་པའི་ནད་ལ་སོགས། །ཡམ་ནད་ཐམས་ཅད་ཞི་བར་བྱེད། །གཞན་ཡང་འབྱུང་པོ་བརྗེད་བྱེད་གདོན། །ཤ་ཟ་མཁའ་འགྲོ་མ་མོ་དང་། །གཟའ
200a2 དང་རྒྱུ་སྐར་ལོག་འདྲེན་དང་། །བྱད་སྟེམས་དྲག་པོ་ཕྱི་རོལ་གྱི། །རིག་སྔགས་གཏུམ་པོ་ལ་སོགས་པ། །འཇིགས་པའི་གནོད་པ་ཐཾད་ཀུན། །རླུང་གིས་སྤྲིན་བཞིན་གཏོར་བར་བྱེད། །གཞན་ཡང་སྟག་གཟིག
200a3 དོམ་དྲེད་དང་། །འཕར་བ་སྤྱང་ཀི་གུང་པོ་ཆེ། །སྲེ་མོང་བྱི་བ་སྦྲུལ་བྱི་ལ། །སྦྲང་བུ་མཆུ་རིང་པ་ཏྲེ་ཀ་།ཁྭ་དང་སེའུ་བྱུའུ་རྟ་ལ་སོགས། །འཇིགས་པ་རྣམས་མང་ཇི་སྙིད་པ། །གསུང་སྔགས་འདི་བརྗོད
200a4 ཐོས་ཙམ་གྱིས། །ཐག་རིངསུ་ནི་སྐྲོད་པར་བྱེད། །གནོད་པ་རྣམས་མང་ཐམས་ཅད་ཀྱང་། །སྔགས་ཀྱི་སྦྱོར་བས་སེལ་བར་བྱེད། །གནོད་བྱེད་རྣམས་ནི་གནོད་མེད་བྱེད། །གནོད་མེད་གནོད་དང་ལྡན་བྱེད
200a5 ཅིང་། །སྦྱོར་བ་ཡང་ནི་སྦྱོར་བ་འགས། །གཞན་གྱི་སྦྱོར་བ་འཆིང་བར་བྱད། །རྡོ་རྗེ་ལུ་གུ་རྒྱུད་ཀྱི་རྟོག་པ་ལས་གསང་སྔགས་བསྟན་པའི་ལེའུ་སྟེ་དང་པོའོ།། །། དེ་ནས་འདིར་ནི་བཤད་བྱ་བ། །
200a6 མཛེས་མ་རྡོ་རྗེ་ཁྲོ་མོ་ཡིས། །ལྷ་ཡི་ཏིང་འཛིན་སྦྱོར་བ་རྣམས། །ཐིག་ལེ་ཆེན་མོས་མཉན་པར་གྱིས། །ོཾ་བཛྲ་ཤྲིཾ་ཁཱ་ལེ། ཨཱཏྨཱ་རཀྵ་རཀྵ། ཧཱུ~ཾ་ཧཱུ~ཾ་ཧཱུ~ཾ་ཕཊ་སྭཱ་ཧཱ། གསང་སྔགས་འདིས་ནི་བསྲུང་བ་དང་། །
200a7 ཐ་མལ་རྟོག་པའི་ལུས་སྦྱོང་བྱེད། །སྙིང་གར་ཟླ་སྟེང་ཧཱུ~ཾ་ཡིག་གི། འོད་ཀྱི་རིགས་ཀྱི་གཙོ་མོ་དང་། །བླ་མ་སངས་རྒྱས་སྤྱན་དྲངས་ནས། །མདུན་དུ་ལེགས་པར་དམིགས་ནས་ནི། །སྙིང་ག་ས་བོན་འོད་རྩེ་ལས། །
200a8 མེ་ཏོག་སོགས་འཛིན་ལྷ་མོས་མཆོད། །གཟུགས་སོགས་རྡོ་རྗེ་མ་རྣཾས་ཀྱིས། །འདུད་ཅིང་སོ་སོར་ལེགས་པར་མཆོད། །ཐོག་མ་མེད་པའི་སྲིད་རྒྱུད་ནས། །ལུས་ངག་ཡིད་ཀྱིས་སྤྱད་པ་ཡི། །སྡིག་པའི་ཚོགས
iiif viewer powered by OpenSeadragon
