| e-texts navigator |
| Wylie |
195b1 ལ་སོག་པས་གནོད་པར་མི་འགྱུར་རོ། །དབྱུག་པ་དེ་འཇིགས་པ་ཆེན་པོ་ལ་ཡང་ཁྱེར་ཞིང་ཡི་གེ་དྲུག་པ་བཟླས་ན་འཇིགས་པ་ཐཾད་ལས་ཡོངསུ་སྲུང་བར་འགྱུར་རོ། །འོག་དུ་ཟླ་བའི་དཀྱིལ་འཁོར་གྱི་སྟེང་དུ་ཡང་ཟླ་བའི་དཀྱིལ་འཁོར
195b2 ཨ་ལས་སྐྱེ་པ་དེར་བདག་ཉིད་ཡིབ་པར་བྱའོ། །འོད་ཟེར་ཅན་བདག་ལ་སྐྱོབ་ཤིག་ཅེས་བྱ་བ་ལ་སོགས་པ་སྔོན་དུ་བསྟན་པའི་སྔགས་ཟླས་པ་བྱའོ། །ཟླ་བ་དང་ཉི་མ་ཕན་ཚུན་འོད་ཟེར་གཉིས་འདྲེས་པ་ནི་འཇིགས་པ་ཐཾད་ཀྱི་དུས་སུའོ། །ཉལ་བའི
195b3 དུསུ་མལ་སྟན་ལ་འདུག་ཏེ་ཙྱཻའི་ཡི་གེ་མངོན་པར་བྲིས་ལ་རྐང་པ་གཡོན་པས་བཞག་སྟེ་མི་སྐྱོད་པ་སྒོམ་པར་བྱའོ། །དེས་ནི་རྐུན་མས་མི་ཚུགས་ཏེ་བཅིངས་ནས་རྨོངས་ནས་འདུག་གོ། ཡང་ན་བཅོམ་ལྡན་འདས་མ་ནི་ལས་ཀྱི་རྗེས་སུ
195b4 འབྲང་བའི་མདོག་ཡིན་ཏེ་དབང་ལ་ནི་དམར་པོ་ཕྱག་གཉིས་པ་བཞུ་དང་མདའ་བསྣམས་པའི་ཕྱག་ཅན་ཉི་མའི་དཀྱིལ་འཁོར་ལ་གནས་པའོ། །ཞི་བ་ལ་ནི་དཀར་པོ་ཕྱག་བཞི་པ་ཅིག་ན་མཆོག་སྦྱིན་པ། གཉིས་པ་ན་རྡོ་རྗེ་དང་། གཡོན་པའི
195b5 དང་པོ་ན་ཤིང་མྱ་ངན་མེད་པའི་ཡལ་ག་། གཉི་པ་ན་མི་འཇིགས་པའི་ཕྱག་རྒྱ་མཛད་པ་པད་མ་དཀར་པོ་ལ་གནས་པའོ། །རྒྱས་པ་ལ་ནི་ཕྱག་བཞི་པ། ཅུང་ཟད་དཀར་བ་ཕྱག་གཉིས་པ་ན་དགྲ་སྟ་དང་ཞགས་པ་བསྣམ་པའོ། །བཅིངས་པ་གྲོལ
195b6 བར་བྱེད་པ་ནི་ལྗང་ཁུ་ཕྱག་གཉིས་པ་ཞགས་པ་དང་དགྲ་སྟ་བསྣམས་པའོ། །མངོན་སྤྱོད་ལ་ནི་ནག་མོ་ཕྱག་བཞི་པ་གཡས་པ་ན་རལ་གྲི་དང་ཕྱག་གཞན་ཐོ་བའོ། །གཡོན་པ་ན་ཐོད་པའོ། །གཞན་སྡིགས་མཛུབ་བོ། །སྐྲོད་པ་ལ་ནི་དུ་བའི་མདོག
195b7 ཅན་ཕྱག་གཉིས་པ་ཞགས་པ་དང་དགྲ་སྟའི་ཕྱག་གོ། དབྱེ་བ་ལ་ནི་སྔོན་མོ་ཕྱག་བཞི་པ། གཡས་ན་རལ་གྲི་དང་དབྱུག་པ། གཡོན་ན་ཐོད་པ་དང་མྱ་ངན་མེད་དོ། །རེངས་པ་ལ་མདོག་སེར་ལ་ཕྱག་དྲུག་པ་གཡས་ན་རྡོ་རྗེ་དང་ཁབ་དང་མདའ་དང་གཡོན
195b8 ན་ཞགས་པ་དང་བཞུ་དང་མྱ་ངན་མེད་པའི་ཡལ་གའོ། །གཞན་གྱི་དཔུང་རེངས་པར་བྱེད་པ་ལ་གཟུགས་འབར་ཞིང་འཁྲུག་པ་མི་བཟད་པ། ཕྱག་བཅུ་གཉིས་པ། སྣ་ཚོགས་པའི་ཕྱག་མཚན་འཆང་བ་ཞལ་དྲུག་པ། ཞབས་དྲུག་པ་དང་པོའི་ཞལ
iiif viewer powered by OpenSeadragon
