| e-texts navigator |
| Wylie |
175b1 བརྒྱད་བརྒྱ་བཟླས་ཏེ་བུམ་པ་ཆུས་ཀང་བ་ཁྱུ་མཆོག་ལ་གཏོར་བར་བྱའོ། །དེ་ནི་ལྕེ་སྤྱང་གི་ཉེ་བར་འཚེ་བ་ཞི་བར་འགྱུར་རོ། །དེ་ལྟར་བྱས་ཏེ་དུས་གསུམ་དུ་ཞི་བའི་བཟླས་པས་སྦྱིན་སྲེས་ཞག་བདུན་དུ་བྱས་ན་ཞི་བར་འགྱུར་རོ། །ཱ+ོཾ་མཱ་རཱི་ཙྱཻ་སྭཱ་ཧཱ། ལག་པ་གཉིས
175b2 མཉམ་པར་བྱས་ལ་ཐལ་མོ་གཉིས་སྦྱར་བ་འམ། རྩེ་མོ་ཁ་ཕྱེ་ཡང་རུང་སྟེ་མཐེ་བོང་གཉིས་བཀུག་ལ། གུང་མོ་ལ་བསྡིགས་མཛུབ་གཉིས་འཁྲིལ་བའི་ཚུལ་དུ་སྦྱར་བའི་རྣམ་པས་མཚན་པའོ། །སྐྱིལ་དཀྲུང་དུ་འདུག་སྟེ་ལྟེ་བའི་ཕྱོག་སུ་གདུག་པར་བྱའོ། །ཕྱག་རྒྱ
175b3 འདི་ནི་མཆོག་ཡིན་ཏེ། །ལས་རྣམས་ཀུན་ལ་སྦྱར་བར་བྱ། །གླང་པོ་ཆེ་དང་རྟ་དང་ཕྱུགས་དང་། མ་ཧེ་ཤ་དང་མེ་དང་མི་མོ་དང་། རྒྱལ་པོ་དང་བྱིས་པ་རྣམ་ནི་འདིས་ཐེ་ཚོམ་མེད་པར་ཞི་བར་འགྱུར་རོ། །དེ་ནས་སྦྱིན་སྲེག་གིས་ཐབ་ཁུང་གི་མཚན་ཉིད་ཡིན་ཏེ་ཞི་བ་ལ
175b4 ནི་པད་མ་དཀར་པོའི་རྣམ་པ་སྡོང་བུ་བཅས་པ་ཟླུམ་པོ་ཡིན་ནོ། །དབུས་ཀྱི་པད་མ་ལ་རྡོ་རྗེས་མཚན་པ་ཁ་ཁྱེར་ཟླུམ་པོ་ལ་རྡོ་རྗེའི་ཕྲེང་བས་བརྒྱན་ཅིང་བསྐོར་བའོ། །ཁྲུ་གང་ཙམ་བརྒོས་པའི་ཐབ་ཁུང་དུ་པ་ལ་ཤ་དང་། ནྱ་གྲོ་དྷའི་ཡམ་ཤིང་བྱས་ལ
175b5 དུར་བ་ཉག་མ་རེའི་སྦྱིན་སྲེག་བྱའོ། །ཚེ་འདོད་པ་དང་ཞི་བར་འདོད་པས་མང་ས་བེ་དའོ་ཞེས་བྱ་བའི་མེ་ལྷ་ཐམས་ཅད་དཀར་བའི་རང་བཞིན་ནི་ཞི་བ་ལ་བསྲེག་པར་བྱའོ། །རྒྱས་པ་ལ་ནི་གྲུ་བཞི་པ་ཁ་ཁྱེར་སོར་བཞི་པ་ལ་རྡོ་རྗེའི་ཕྲེང་བས་བརྒྱན
175b6 ཅིང་པད་མ་དང་འཁོར་ལོ་དང་། རིན་པོ་ཆེ་ཡང་དག་པར་བརྒྱན་པ་ཐབ་ཁུང་གི་མཚམསུ་སྣ་ཚོག་རྡོ་རྗེས་མཚན་པ་ལ་ཨ་རྒ་དང་། ཨུ་དུམ་བཱ་རའི་ཡམ་ཤིང་གིས་ཀུ་མུ་ཏ་དང་ཨུད་པ་ལ་དང་པད་མ་དཀར་པོ་དང་ཞོ་དང་མར་དང་། སྦྲང་རྩི
175b7 དང་བསྲེས་པའི་རྫས་ཀྱི་གསེར་ལྟ་བུའི་ཤིང་སེར་བས་མེ་ལྷ་ལེགས་པར་བརྒྱན་པའི་གནས་པར་བསམས་ལ་ཉེ་བར་མཁོ་བ་ཐམས་ཅད་སེར་པོ་ནི་རྒྱས་པ་ལ་དྲན་པར་བྱའོ། །ཡང་དབང་ལ་ནི་གྲུ་གསུམ་བྱང་ཆུབ་ཀྱི་ཤིང་གི་འདབ་མ་ལྟ་བུའི་ཐབ་ཁུང
175b8 དེའི་དབུསུ་ཡང་པད་མ་བྱང་ཆུབ་ཀྱི་ཤིང་གི་ལོ་མ་ལྟ་བུ་དེའི་སྟེང་དུ་རྡོ་རྗེ་རྩེ་གསུམ་པ། ཁ་ཁྱེར་ལ་རྡོ་རྗེ་ལྕག་ཀྱུའི་ཕྲེང་བས་རྣམ་པར་རྒྱན་པ། བྱང་ཆུབ་ཀྱི་ཤིང་གིས་ཡམ་ཤིང་བྱས་ལ་ཏིལ་དང་ཚྭ་དང་། སྐེ་ཚེའི་རྫས་དང་གོས་དམར་པོ་དང་ཕྲེང་བ་དམར་པོ
iiif viewer powered by OpenSeadragon
