| e-texts navigator |
| Wylie |
8a1 འགྱུར་བའི་རྐང་གཉིས་དང་རྐང་བཞི་དེ་དག་ཐམས་ཅད་ཀྱི་མགོ་བོ་མེད་པ་མངོན་སུམ་དུ་མཐོང་བར་འགྱུར་རོ། །ོཾ་སྭ་པྣ་བི་ལོ་ཀི་ནི་སིད་དྷ་ལོ་ཙ་ནི་སྭ་བྣ། མེ་ཀ་ཐ་ཡ་སྭཱ་ཧཱ། སྔགས་ཀྱི་རྒྱལ་པོ་འདི་གོང་ནས་སྨོས་པའི་ལས
8a2 ཐམས་ཅད་བྱེད་པར་འགྱུར་རོ། །ོཾ་ཨ་དི་ཏི་དེ་བ་དཏ་ཏ~ཾ། མེ་དེ་ཧི་ད་དཱ་པ་ཡ་སྭཱ་ཧཱ། ཆུའི་ནང་དུ་ཞུགས་ཏེ་བུ་མོ་གང་གང་གི་ཆེད་དུ་བཟླས་པ་བྱེད་པ་དེ་དེ་ཉིད་ལ་སྟེར་བར་བྱེད་དོ། །ཡི་གེ་འབུམ་བཟླས་པ་བྱས་པ་པྲི་ཡང་ཀུའི་མེ་ཏོག
8a3 གམ་པ་ལ་ཤའི་མེ་ཏོག་གི་སྦྱིན་སྲེག་འབུམ་གྱིས་དཔལ་ཆེན་པོ་གྲུབ་པར་བྱེད་དོ། །མཚན་མོ་འོ་མ་ཅན་གྱི་ཡམ་ཤིང་གིས་སྦྱིན་སྲེག་བྱས་ནས། གྲོང་གང་གི་ཆེད་དུ་སྦྱིན་བསྲེག་བཟླས་པ་བྱེད་པ་དེ་རྙེད་པར་འགྱུར་རོ། །པད་མ་རྣམས་སམ་བིལ་པ་རྣམས
8a4 ཀྱི་འབྲས་བུའི་སྦྱིན་སྲེག་འབུམ་གྱིས། རྒྱལ་རིགས་སུ་སྐྱེས་པ་རྒྱལ་སྲིད་རྙེད་པར་འགྱུར་ཞིང་གཞན་དག་གིས་དཔལ་ཆེན་པོ་ཐོབ་པར་བྱེད་དོ། །ཇི་ལྟ་བ་བཞིན་དུ་རྙེད་པའི་མེ་ཏོག་རྣམས་ཀྱི་སྦྱིན་སྲེག་འབུམ་ཕྲག་བདུན་གྱིས་འབྱོར་པ་མི་ཟད་པར
8a5 འགྱུར་རོ། །ོཾ་ཛ་ཡེ། བི་ཛ་ཡེ། ཨ་ཛི་ཏི། ཨ་པ་རཱ་ཛི་ཏེ་སྭཱ་ཧཱ། སྲིང་མོ་བཞིའི་སྙིང་པོའི་སྔགས་ཀྱི་རྒྱལ་པོ་འདི་གོང་དུ་བཤད་པའི་ཆོ་གས་འབུམ་ཕྲག་བཞི་བཟླས་ན། གོང་དུ་བཤད་པའི་ཆོ་གས་ལས་ཐམས་ཅད་བྱེད་པར་འགྱུར་རོ། །
8a6 ཨོཾ་མེ་གྷོ་ལ་ཀཱ་ཡ་སྭཱ་ཧཱ། པ་ལ་ཤའི་མེ་ཏོག་གམ་ཡམ་ཤིང་གིས་སྦྱིན་བསྲེག་འབུམ་ཕྲག་གཅིག་བྱས་ན་གསེར་སྲང་འབུམ་རྙེད་པར་འགྱུར་ཞིང་བུ་མོ་དོན་དུ་གཉེར་བས་ཀྱང་གང་མངོན་པར་འདོད་པའི་བུ་མོ་རྙེད་པར་འགྱུར་རོ། །ོཾ་ཀ
8a7 མ་ལ་བཱ་སི་ནི། ཀ་མ་ལེ་མ་ཧཱ་ལ་ར་ཛྱ~ཾ་མེ་དེ་ཧི་བ་ར་དེ་སྭཱ་ཧཱ། གསང་སྔགས་འདི་ནི་དཔལ་ཆེན་པོའི་སྙིང་པོའོ། །རྟག་ཏུ་བཟླས་པ་བྱས་ན་ཕུན་སུམ་ཚོགས་པའི་མཆོག་སྟེར་བར་འགྱུར་རོ། །ཇི་ལྟ་བ་བཞིན་དུ་རྙེད་པའི་མེ་ཏོག
8a8 གི་སྦྱིན་བསྲེག་གིས་དཔལ་ཆེན་པོར་འགྱུར་ཞིང་མངོན་པར་འདོད་པའི་བུ་མོ་སྒྲུབ་པར་འགྱུར་རོ། །རས་བལ་གྱི་ས་བོན་གྱི་ཚད་ཙམ་གུ་གུལ་གྱི་རི་ལུ་མངར་གསུམ་ལ་བཏགས་པའི་སྦྱིན་བསྲེག་འབུམ་འམ་པད་མའི་སྦྱིན
iiif viewer powered by OpenSeadragon
